ວັນທີ 26 ກໍລະກົດ, ສື່ມວນຊົນລາວ ໄດ້ນຳສະເໜີຂ່າວວ່າ ລັດຖະບານໄດ້ເຫັນດີເປັນເອກະພາບໃນຫຼັກການກ່ຽວກັບການອຸດໜູນໃຫ້ພະນັກງານ, ລັດຖະກອນທີ່ມີເງິນເດືອນຂັ້ນຕ່ຳ ແລະ ເພີ່ມທະວີເງິນເດືອນຂັ້ນຕ່ຳສຸດໃຫ້ພະນັກງານພາກສ່ວນເອກະຊົນ ເພື່ອຊ່ວຍໃຫ້ປະຊາຊົນຮັບມືກັບອັດຕາເງິນເຟີ້ທີ່ພວມເພີ່ມຂຶ້ນ. ນີ້ແມ່ນໝາກຜົນຂອງກອງປະຊຸມປະຈໍາເດືອນຂອງລັດຖະບານທີ່ຫາກໍ່ສິ້ນສຸດລົງໃນວັນທີ 25 ກໍລະກົດ.
 |
| ປັດຈຸບັນນີ້, ເງິນເດືອນຕ່ຳສຸດຂອງພະນັກງານ, ລັດຖະກອນໃນລາວແມ່ນ 1.300.000 ກີບ (ປະມານ 67 ໂດລາ) |
ອົງການເຈົ້າໜ້າທີ່ຕ້ອງກໍານົດຈໍານວນຜູ້ທີ່ຈະໄດ້ຮັບຜົນປະໂຫຍດຈາກການເພີ່ມເງິນເດືອນ ແລະ ວິເຄາະຄວາມສາມາດລົບປະມານຂອງລັດຖະບານທີ່ຈ່າຍຮ່ວງແຜນປະຈຳນີ້.
ກ່ອນໜ້ານັ້ນ, ໃນຕົ້ນເດືອນນີ້, ທີ່ກອງປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດລາວ, ທ່ານນາຍົກລັດຖະມົນຕີລາວ ສອນໄຊ ສີພັນດອນ ໄດ້ທາບທາມຄວາມອາດສາມາດຂອງລັດຖະບານໃນການເພີ່ມເງິນເດືອນຂັ້ນຕ່ຳສຸດ ແລະ ອຸດໜູນໃຫ້ພະນັກງານລັດ, ຂ້າລາຊະການ ແລະ ພະນັກງານລັດຖະກອນທີ່ຮັບກຳລັງຮັບເງິນເດືອນຕ່ຳ.
ປັດຈຸບັນນີ້, ເງິນເດືອນຂັ້ນຕ່ຳສຸດຂອງພະນັກງານ, ລັດຖະກອນໃນລາວແມ່ນ 1.300.000 ກີບ (ປະມານ 67 ໂດລາ), ໃນຂະນະທີ່ຄ່າຄອງຊີບເພີ່ມຂຶ້ນ. ສະນັ້ນ, ບັນດາຜູ້ແທນສະພາແຫ່ງຊາດໄດ້ສະເໜີລັດຖະບານພິຈາລະນາການຂຶ້ນເງິນເດືອນດັ່ງກ່າວ.
ທ່ານ ນາຍົກລັດຖະມົນຕີ ສອນໄຊ ສີພັນດອນ ໄດ້ຊີ້ນຳບັນດາອົງການທີ່ມີໜ້າທີ່ເຮັດໃຫ້ອັດຕາແລກປ່ຽນເງິນຕາເປັນປົກກະຕິ, ຈຳກັດເງິນເຟີ້ທີ່ເພີ່ມຂຶ້ນ ແລະ ແກ້ໄຂ ສະພາບການໜິ້ຄ່າແຮງງານທີ່ເກີດຂຶ້ນ. ທ່ານ ນາຍົກລັດຖະມົນຕີ ສອນໄຊ ສີພັນດອນ ກໍ່ຮຽກຮ້ອງໃຫ້ບັນດາພະແນກມີຄວາມຮັບຜິດຊອບໃນການດັດສົມລາຄາຂາຍສິນຄ້າ ເພື່ອຫຼຸດຜ່ອນການແບກຫາບທາງດ້ານການເງິນໃຫ້ແກ່ປະຊາຊົນ.
ພ້ອມກັນນັ້ນ, ລັດຖະບານກໍ່ຮຽກຮ້ອງໃຫ້ຮັບປະກັນການສະໜອງນ້ຳມັນເຊື້ອໄຟໃຫ້ພຽງພໍ ແລະ ເພີ່ມທະວີຜະລິດຕະພັນເພື່ອຊຸກຍູ້ການຜະລິດສິນຄ້າພາຍໃນ, ທົດແທນການນຳເຂົ້າ ແລະ ສົ່ງເສີມການສົ່ງອອກ.
ດີງເລື້ອງ
