 |
| ພາບປະກອບ: TTXVN |
ຫວ່າງແລ້ວນີ້, ສື່ມວນຊົນລາວໄດ້ເອົາລົງບົດຂຽນໃຫ້ຮູ້ວ່າ ການແລກປ່ຽນວົງເງິນການຄ້າລະຫວ່າງ ລາວ ແລະ ຫວຽດນາມ ໃນປີ 2020 ອາດຈະບໍ່ບັນລຸໄດ້ເປົ້າໝາຍ ເພີ່ມຂຶ້ນ 10 – 15%/ປີ ເຊິ່ງເປັນເປົ້າໝາຍທີ່ສອງປະເທດວາງອອກ, ຍ້ອນຜົນກະທົບຈາກໂລກລະບາດ Covid – 19. ຂ່າວດັ່ງກ່າວໃຫ້ຮູ້ວ່າ ບັນດາມາດຕະການແຍກຫ່າງໃນສັງຄົມ ເພື່ອແນໃສ່ສະກັດກັ້ນການແຜ່ລະບາດຂອງໂລກລະບາດ Covid – 19 ເຊິ່ງລັດຖະບານ ຫວຽດນາມຈັດວາງແຕ່ຕົ້ນປີ 2020 ໄດ້ເຮັດໃຫ້ຜະລິດຕະພັນບາງຊະນິດຖືກຢຸດການສົ່ງອອກໄປຍັງລາວ.
ປີ 2019, ຍອດມູນຄ່າແລກປ່ຽນການຄ້າລະຫວ່າງ ສອງປະເທດບັນລຸໄດ້ 1.687 ຕື້ USD, ຕາມການຄາດຄະເນຕົວເລັກດັ່ງກ່າວຈະຍາກທີ່ຈະບັນລຸໄດ້ໃນປີ 2020 ຍ້ອນຜົນກະທົບຈາກໂລກລະບາດ Covid – 19. ບັນດາຜະລິດຕະພັນຕົ້ນຕໍ ຂອງລາວ ສົ່ງອອກໄປຍັງຫວຽດນາມລວມມີ: ເຄື່ອງດື່ມ, ໂລຫະ, ໄມ້, ຢາງພາລາ, ກາເຟ, ສາລີ, ມັນຕົ້ນ ແລະ ສັດລ້ຽງ, ໃນຂະນະນັ້ນ ລາວໄດ້ນຳເຂົ້າຈາກ ຫວຽດນາມ ບັນດາຜະລິດຕະພັນຄື ນ້ຳມັນ, ຝຸ່ນ, ເຫຼັກ, ເຄື່ອງຈັກ, ອຸປະກອນໄຟຟ້າ, ວັດສະດຸກໍ່ສ້າງ ແລະ ເຄື່ອງອາໄຫຼ່. ປັດຈຸບັນ ຫວຽດນາມ ບໍ່ພຽງແຕ່ແມ່ນ ຄູ່ຮ່ວມມືທາງການຄ້າໃຫຍ່ທີ່ສຸດຂອງລາວ ພາຍຫຼັງ ໄທ ແລະ ຈີນ ເທົ່ານັ້ນ ຫາກຍັງແມ່ນ ນັກລົງທຶນໃຫຍ່ທີ່ 3 ໃນຈຳນວນ 50 ປະເທດ ແລະ ເຂດແຄ້ວນທີ່ພວມມາລົງທຶນຢູ່ລາວ.
ບົດຂຽນໃຫ້ຮູ້ວ່າ ການລົງທຶນຂອງ ຫວຽດນາມ ຢູ່ລາວສຸມໃສ່ບັນດາຂົງເຂດຄື: ເຄື່ອນໄຟຟ້າ, ຂຸດຄົ້ນໂລຫະ, ຄົມມະນາຄົມ, ປູກຕົ້ນໄມ້ອຸດສາຫະກຳ, ການບໍລິການ, ປະກອບສ່ວນຢ່າງສຳຄັນເຂົ້າໃນການພັດທະນາເສດຖະກິດ - ສັງຄົມຂອງລາວ. ສ່ວນລັດຖະບານ ລາວຄາດຄະເນແຫຼ່ງລາຍຮັບການສົ່ງອອກຂອງປະເທດໃນປີນີ້ ຈະຫຼຸດລົງ 483,3 ລ້ານ USD ປະມານ 8,4% ເມື່ອທຽບໃສ່ 2019. ປີ 2020, ລາວຕັ້ງເປົ້າໝາຍຍົກມູນຄ່າສົ່ງອອກສິນຄ້າຂຶ້ນກ່ວາ 6,4 ຕື້ USD, ແຕ່ການສົ່ງອອກໃນ ຕົ້ນປີນີ້ພຽງແຕ່ບັນລຸກ່ວາ 2,3 ຕື້ USD ເທົ່ານັ້ນ.
 | ຄະນະກຳມະການຮ່ວມມືລາວ - ຫວຽດນາມ ແລະ ວິສາຫະກິດລາວ ແບ່ງປັນຄວາມຫຍຸ້ງຍາກກັບປະຊາຊົນພາກກາງຫວຽດນາມ ຕອນເຊົ້າວັນທີ 19 ຕຸລາ, ທ່ານເລຂາສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈິ່ນແທງເໝີນ ໄດ້ຮັບເງິນ ຈຳນວນ 60.000 ໂດລາສະຫະລັດ ຈາກ ຄະນະກຳມະການຮ່ວມມືລາວ - ຫວຽດນາມ ແລະ ວິສາຫະກິດລາວ ຈຳນວນໜຶ່ງ ທີ່ສະໜັບສະໜູນປະຊາຊົນພາກກາງຫວຽດນາມ ທີ່ໄດ້ຮັບຜົນກະທົບຈາກພາຍຸ ແລະນໍ້າຖ້ວມ. |
 | ເປີດງານວາງສະແດງຮູບພາບກ່ຽວກັບການຮ່ວມມືລາວ - ຫວຽດນາມ ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດຫວຽດນາມ ຍສໝ - ຕອນບ່າຍວັນທີ 1 ກັນຍາ, ກະຊວງຖະແຫຼງຂ່າວ, ວັດທະນະທຳ ແລະທ່ອງທ່ຽວ ລາວ ໄດ້ສົມທົບກັບສະຖານທູດຫວຽດນາມປະ ຈຳລາວຈັດງານວາງສະແດງຮູບພາບ“ ສາຍພົວພັນລາວ - ຫວຽດນາມ” ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນຊາດຫວຽດນາມ. |
 | ສະມາຄົມມິດຕະພາບອີຕາລີ ແລະ ລາວ ໄດ້ສົ່ງໂທລະເລກສະແດງຄວາມເສົ້າສະຫຼົດໃຈຕໍ່ ທ່ານ ເລຂາຟຽວ ອະດີດເລຂາທິການໃຫຍ່ ເຖິງແກ່ມໍລະນະກຳ ຍສໝ - ໂດຍໄດ້ຮັບຂ່າວກ່ຽວກັບການເຖິງແກ່ກຳ ຂອງ ທ່ານເລຂາຟຽວ - ອະດີດເລຂາທິການໃຫຍ່ພັກກອມມູນິດຫວຽດນາມ, ສະມາຄົມມິດຕະພາບອີຕາລີ - ຫວຽດນາມ ຂອງເຂດ Veneto ແລະ ສະມາຄົມສູນກາງມິດຕະພາບລາວ - ຫວຽດນາມ ໄດ້ສົ່ງຈົດໝາຍ ແລະ ໂທລະເລກສະແດງຄວາມເສົ້າສະຫຼົດໃຈ ເຖິງຄອບຄົວຂອງທ່ານອະດີດເລຂາທິການໃຫຍ່ ເລຂາຟຽວ ແລະ ປະຊາຊົນຫວຽດນາມ. |
ບຸນຄົງ
