ສື່ມວນຊົນສາກົນ ໄດ້ອອກຂ່າວກ່ຽວກັບການຢ້ຽມຢາມຫວຽດນາມ ຂອງທ່ານນາຍົກລັດຖະມົນຕີຍີ່ປຸ່ນ Yoshihide
	ທ່ານ​ນາຍົກລັດຖະມົນຕີ ຫວຽດນາມ ຫງວຽນຊວັນ​ຟຸກ: ສາມັກຄີ, ຮ່ວມ​ມື, ​ເພີີ່ມ​ທະວີ​ລັດທິຫຼາຍຝ່າຍ​ ດ້ວຍ​ໃຈກາງ​ແມ່ນ ສປຊ

ຕອນແລງວັນທີ 21 ຕຸລາ ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ໄດ້ມີການພົບປະກັບທ່ານ Kamal Malhotra - ຜູ້ປະສານງານຂອງອົງການສະຫະປະຊາຊາດ ແລະ ພ້ອມກັບຜູ້ຕາງໜ້າເຈົ້າໜ້າທີ່ ສະຫະປະຊາຊາດ ບາງຄົນຢູ່ຫວຽດນາມ ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງ ສປຊ ຄືວັນທີ 24 ຕຸລາ.

ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຢັງຢືນວ່າ ຍາມໃດ ສປຊ ກໍ່ແມ່ນບຸລິມະສິດໃນນະໂຍບາຍການຕ່າງປະເທດ ຂອງ ຫວຽດນາມ, ພ້ອມທັງເນັ້ນໜັກວ່າ: ຫວຽດນາມຍາມໃດກໍ່ມີຄວາມເຄົາລົບນັບຖື, ສະໜິດຕິດພັນ ມີໄມຕີຈິດມິດຕະພາບຕໍ່ ສປຊ, ດັ່ງນັ້ນໃນປີນີ້, ຢູ່ບັນດາວາລະປຶກສາຫາລືຂອງ ສະມັດຊາໃຫຍ່ ສປຊ, ເປັນຄັ້ງທຳອິດທີ່ມີທັງທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ, ທ່ານນາຍົກລັດຖະມົນຕີ ຫງວຽນຊວັນຟຸກ ແລະ ທ່ານນາງ ປະທານສະພາແຫ່ງຊາດ ຫງວຽນທິກິມເງິນລ້ວນແຕ່ມີສານຢັ້ງຢືນບົດບາດຂອງ ສປຊໃນການແກ້ໄຂບັນດາບັນຫາທົ່ວໂລກ.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະກັບທ່ານ Kamal Malhotra - ຜູ້ປະສານງານຂອງອົງການສະຫະປະຊາຊາດ. (ພາບ: TTXVN)

ທ່ານນາຍົກລັດຖະມົນຕີຫງວຽນຊວນຟຸກ ໃຫ້ຮູ້ວ່າ, ຫວຽດນາມໄດ້ຄວບຄຸນໂລກລະບາດ COVID-19 ເປັນຢ່າງດີ, ພ້ອມກັນນັ້ນໄດ້ສະແດງຄວາມບຸກບືນໃນການປະຕິບັດເປົ້າໝາຍຄູ່, ຍຸ້ແຮງພັດທະນາເສດຖະກິດສັງຄົມ. ໃນປີນີ້, ຫວຽດນາມ ສາມາດບັນລຸການເຕີບໂຕດ້ານເສດຖະກິດ 2-3%, ເປັນປະເທດດຽວມີການເຕີບໂຕດ້ານເສດຖະກິດໃນທາງບວກ ໃນພາກພື້ນອາຊຽນ.

ສ່ວນທ່ານ Kamal Malhotra ໄດ້ສະແດງຄວາມເສົ້າສະຫຼົດໃຈຊຸດຊຶ້ງໄປຍັງປະຊາຊົນເຂດພາກກາງຫວຽດນາມ ທີ່ພວມໄດ້ຮັບຜົນເສຍຫາຍຢ່າງໜັ້ກໜ່ວງໂດຍຝົກຕົກ, ນ້ຳຖ້ວມ ແລະ ດິນເຊາະເຈື່ອນກໍ່ຂຶ້ນ. ທ່ານ Kamal Malhotra ກໍ່ຕີລາຄາສູງ ຫວຽດນາມໃນຖານະເປັນປະທານ ສະພາຄວາມໝັ້ນຄົງ ສປຊ ໃນ ເດືອນມັງກອນທີ່ຜ່ານມາ ແລະ ໃນປີທຳອິດຂອງອາຍຸການ 2020 – 2021 ໃນຖານະຕຳແໜ່ງເປັນກຳມະການບໍ່ປະຈຳການຂອງ ສະພາຄວາມໝັ້ນຄົງ ສປຊ, ໄດ້ມີການປະກອບສ່ວນຫຼາຍຢ່າງເຂົ້າໃນການປົກປັກຮັກສາ ລັດທິຫຼາຍຝ່າຍ, ປະຕິບັດໜ້າທີ່ປົກປັກຮັກສາສັນຕິພາບຂອງ ສປຊ.

ລັດຖະບານຫວຽດນາມ ຈະສຶບຕໍ່ຊຸກຍຸ້ບັນດາກິດຈະກຳ ຮ່ວມມືກັບອົງການສະຫະປະຊາຊາດ ເພື່ອສ້າງເງື່ອນໄຂໃຫ້ບັນດາອົງການພັດທະນາ ສປຊ ປະຈຳຢູ່ຫວຽດນາມ ໄດ້ປະຕິບັດຢ່າງມີປະສິດທິຜົນ, ທັນການບັນດາລາຍການ, ໂຄງການຮ່ວມມື, ກໍ່ຄືປະສົມປະສານການປະຕິບັດຢ່າງມີປະສິດທິຜົນ ໃນວຽກງານປັບປຸງການຈັດຕັ້ງລະບົບພັດທະນາສປຊ.

ຫວຽດນາມ ສົ່ງສານໂທລະເລກຖາມຂ່າວສະພາບການຝົນຕົກໜັກ ແລະ ນ້ຳຖ້ວມ ຢູ່ ກຳປູເຈຍ ຍສໝ - ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ສະແດງຄວາມເສົ້າສະຫຼົດໃຈ ຕໍ່ການສູນເສຍຂອງປະຊາຊົນກຳປູເຈຍ; ພ້ອມດຽວກັນນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຊື່ອວ່າ ພາຍໃຕ້ການນຳພາ ແລະ ຄວາມເອົາໃຈໃສ່ຢ່າງໃກ້ຊິດຂອງທ່ານນາຍົກລັດຖະມົນຕີກຳປູເຈຍ ຮຸນແຊນ, ປະຊາຊົນກຳປູເຈຍ ຈະໄດ້ຜ່ານຜ່າຄວາມຫຍຸ້ງຍາກໃນປະຈຸບັນ.

ຫວຽດນາມ ຕີລາຄາສູງຕໍ່ບັນດາການປະກອບສ່ວນສຳຄັນຂອງທ່ານນາຍົກລັດຖະມົນຕີ Abe Shinzo ຕໍ່ການພັດທະນາການພົວພັນລະຫວ່າງຫວຽດນາມ-ຍີ່ປຸ່ນ ຍສໝ - ວັນທີ 28 ສິງຫາ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດຫວຽດນາມ ໄດ້ເນັ້ນໜັກວ່າ: ທ່ານ Abe Shinzo ແມ່ນການນຳມີການປະກອບສ່ວນຫຼາຍຢ່າງຕໍ່ການພັດທະນາຂອງປະເທດຍີ່ປຸ່ນ ແລະຊຸກຍູ້ການຮ່ວມມືໃນບັນດາຂົງເຂດຢູ່ພາກພື້ນ ແລະໃນໂລກ.

ທ່ານນາຍົກລັດຖະມົນຕີ ຫງວຽນຊວນຟຸກ: ອາຊຽນ ແມ່ນກຳລັງຫຼັກແຫຼ່ງ ໃນນະໂຍບາຍການພົວພັນຕ່າງປະເທດຂອງຫວຽດນາມ ຍສໝ - ໃນວັນທີ 8 ສິງຫາ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ອອກຖະແຫຼງການ ເນື່ອງໃນໂອກາດສະເຫຼີມສະຫຼອງ 53 ປີແຫ່ງວັນສ້າງຕັ້ງສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ).