 |
| ທ່ານ ສະເຫລີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ສປປ.ລາວ. |
ກອງປະຊຸມໄດ້ຈັດຂຶ້ນ ເພື່ອປຶກສາຫາລື ແລະ ແລກປ່ຽນຄວາມຄິດເຫັນ ກ່ຽວກັບສິ່ງທ້າທາຍຕ່າງໆ ທີ່ເກີດຂຶ້ນໃນພາກພື້ນ ແລະ ສາກົນ. ໃນການປະກອບຄຳເຫັນ ຂອງຄະນະຜູ້ແທນ ແມ່ນໄດ້ຢ້ຳຄືນບັນດາຄວາມໝາຍໝັ້ນ ແລະ ຫລັກການຂອງຂະບວນການບໍ່ຮ່ວມກຸ່ມ ແລະ ສົ່ງເສີມການຮັດແໜ້ນການຮ່ວມມື ຂອງບັນດາປະເທດສະມາຊິກ ເພື່ອຮ່ວມມືກັນ ແກ້ໄຂບັນຫາ ແລະ ສິ່ງທ້າທາຍຕ່າງໆ. ກອງປະຊຸມໄດ້ຮັບຮອງ ເອົາຖະແຫລງການ ທາງດ້ານການເມືອງ ລະດັບລັດຖະມົນຕີ ວ່າດ້ວຍຫລັກການ ບັນດຸງຄົບຮອບ 65 ປີ ຂະບວນການບໍ່ຮ່ວມ ກຸ່ມທີ່ມີຄຸນຄ່າ, ມີຄວາມເປັນເອກະພາບ ແລະ ມີປະສິດທິຜົນຫລາຍຍິ່ງຂຶ້ນ ໃນການຮັບມືກັບ ສິ່ງທ້າທາຍສາກົນ ທີ່ເກີດຂຶ້ນລວມທັງການ ແຜ່ລະບາດພະຍາດ COVID-19.
ທ່ານ ສະເຫລີມໄຊ ກົມມະສິດ ໄດ້ກ່າວບົດປາໄສໃນກອງປະຊຸມ ໂດຍເນັ້ນເຖິງຄວາມສຳຄັນ ຂອງການຍຶດຖື ຫລັກການບັນດຸງ ທີ່ເປັນຫລັກການຕົ້ນກຳເນີດ ຂອງຂະບວນການບໍ່ຮ່ວມກຸ່ມ ຄື: ເພື່ອສັນຕິພາບ, ເອກະລາດ, ອະທິປະໄຕ, ຄວາມສະເໜີພາບ ແລະ ການບໍ່ແຊກແຊງເຂົ້າ ກິດຈະການພາຍໃນຂອງກັນ ແລະ ກັນ ພ້ອມທັງຊົມເຊີຍ 65 ປີ ຂອງຫລັກການດັ່ງກ່າວ. ພ້ອມດຽວກັນນັ້ນ, ໄດ້ກ່າວເຖິງຄວາມສຳຄັນ ໃນການປັບປຸງອົງການ ສະຫະປະຊາຊາດ ເພື່ອໃຫ້ສາມາດຮັບມືກັບ ສິ່ງທ້າທາຍທີ່ເກີດຂຶ້ນ ໃນຍຸກປັດຈຸບັນ ທາມກາງການ ສະເຫລີມສະຫລອງ ການສ້າງຕັ້ງອົງການ ສະຫະປະຊາຊາດ ຄົບຮອບ 75 ປີ. ນອກນັ້ນ, ໄດ້ຕີລາຄາຜົນກະທົບ ຂອງພະຍາດລະບາດ COVID-19 ແລະ ເນັ້ນໜັກໃສ່ການຮັດແໜ້ນ ຄວາມສາມັກຄີຂອງສາກົນ ໃນການຮ່ວມມືຕໍ່ສູ້ ກັບພະຍາດດັ່ງກ່າວ ຢ່າງມີປະສິດທິຜົນ.
ຂະບວນການບໍ່ຮ່ວມກຸ່ມ (Non-Aligned Movement-NAM) ໄດ້ຮັບການສ້າງຕັ້ງຂື້ນ ໃນປີ 1961 ໂດຍບັນດາປະເທດກຳລັງພັດທະນາ ທີ່ບໍ່ຕ້ອງການຮ່ວມກຸ່ມ ຫລື ເປັນປໍລະປັກກັບຝ່າຍ ໃດໃນໄລຍະສົງຄາມເຢັນ, ຈຸດປະສົງຫລັກຂອງ NAM ແມ່ນເພື່ອຮັກສາ ຄວາມເປັນເອກະລາດ, ສະຖຽນລະພາບ, ອະທິປະໄຕ ແລະ ຄວາມໝັ້ນຄົງ ຂອງປະເທດສະມາຊິກ ໂດຍການຮ່ວມມືປະຕິບັດ ຕາມຫລັກການບັນດຸງ (Bandung Principle) ທີ່ສົ່ງເສີມການຮ່ວມມື ແລະ ສັນຕິພາບຂອງໂລກ ເຊິ່ງປັດຈຸບັນ ມີປະເທດສະມາຊິກທັງໝົດ 125 ປະເທດ.
 | ລັດຖະມົນຕີກະຊວງການຕ່າງປະເທດ ສຳເລັດການຢ້ຽມຢາມນອກແວ ໂດຍຕອບສະໜອງຕາມຄຳເຊື້ອເຊີນຂອງ ທ່ານ ນາງ ອີ່ງ ອີລິກເຊັນ ຊໍເລນ ລັດຖະມົນຕີຕ່າງປະເທດ ແຫ່ງ ຣາຊະອານາຈັກ ນອກແວ,ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງ ປະເທດ ແຫ່ງ ສປປ ລາວ ພ້ອມດ້ວຍຄະນະໄດ້ຢ້ຽມຢາມທາງການ ຣາຊະອານາຈັກນອກ ແວ, ໃນລະຫວ່າງວັນທີ 27-29 ມິຖຸນາ ຜ່ານມາ ຊຶ່ງການຢ້ຽມຢາມໃນຄັ້ງນີ້ໄດ້ເປັນນິ ... |
 | ທ່ານ ສະເຫຼີມໄຊ ກົມມະສິດ, ນຳພາຄະນະຜູ້ແທນ ສປປລາວ ເຂົ້າຮ່ວມກອງປະຊຸມໃຫ່ຍປະຈໍາປີ ຄັ້ງທີ 75 ຂອງຄະນະກໍາມາທິການ ເສດຖະກິດ-ສັງຄົມ ສະຫະປະຊາຊາດ ປະຈໍາພາກພື້ນອາຊີ-ປ ໃນວັນທີ 27 ພຶດສະພາ 2019 ຜ່ານມາ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງ ການຕ່າງປະເທດ ໄດ້ນຳພາຄະນະຜູ້ແທນລາວເຂົ້າຮ່ວມກອງປະຊຸມໃຫ່ຍປະຈໍາປີ ຄັ້ງທີ 75 ຂອງຄະນະກໍາມາທິການເສດຖະກິດ-ສັງຄົມ ສະຫະປະຊາຊາດ ປະຈໍາພາກພື້້ນອາຊີ-ປາຊີຟິກ (UN-ESCAP) ທີ່ ບາງກອກ, ຣາຊະອານາຈັກໄທ ໂດຍມີຄະນະຜູ້ແທນຂັ້ນສູງຈາກບັນດາປະເທດສະມາຊິກ 53 ປະເທດ ໃນພາກພື້ນອາຊີ-ປາຊີຟິກ, ບັນດາອົງການເຄືອຂ່າຍ ... |
 | ຮອງນາຍົກລັດຖະມົນຕີ ຟ້າມ ບິ່ງມິງ ພົບປະເຈລະຈາກັບ ລັດຖະມົນຕີກະຊວງການຕ່າງປະເທດ ສປປ ເກົາຫຼີ ຍສມ - ຕອບຮັບຄຳເຊີນຂອງ ລັດຖະມົນຕີກະຊວງການຕ່າງປະເທດ ສປປ ເກົາຫຼີ Ri Yong Ho, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມິງ ໄດ້ເດີນທາງໄປຢ້ຽມຢາມ ແລະ ເຮັດວຽກ ຢູ່ ສປປ ເກົາຫຼີ ຢ່າງເປັນທາງການ ໃນວັນທີ 12-14 ກຸມພາ 2019. |
kpl.gov.la
