 |
ບັນດາອົງການທີ່ກ່ຽວຂ້ອງໃນການພັດທະນາການທ່ອງທ່ຽວ.
ໃຫ້ກຽດເຂົ້າຮ່ວມເປັນປະທານ ໃນກອງປະຊຸມຄັ້ງນີ້ ໂດຍ ມີ ທ່ານ ວາລິຍະ ສີຈັນທອງທິບ ຫົວໜ້າພະແນກ ແຜນການ ແລະການລົງທຶນແຂວງ, ທ່ານ ສີຫາ ພັນນະວົງ ຮອງຫົວໜ້າພະແນກ ຖະແຫຼງຂ່າວ ວັດທະນະທຳ ແລະທ່ອງທ່ຽວແຂວງ, ທ່ານ ບຸນເລດ ຈັນທອງທິບ ຮອງຫົວໜ້າພະແນກ ກະສິກຳ-ປ່າໄມ້ແຂວງກໍ່ໄດ້ເຂົ້າຮ່ວມ.
ໃນກອງປະຊຸມໄດ້ມີການປຶກສາຫາລື ຜົນຂອງການລົງສຳຫຼວດແຫຼ່ງທ່ອງທ່ຽວ 5 ເມືອງເປົ້າໝາຍຂອງໂຄງການປ່າໂຄກ ເຊິ່ງລວມມີ 5 ເມືອງຄື: ຊົນນະບູລີ, ສອງຄອນ, ທ່າປາງທອງ, ພີນ ແລະເມືອງພະລານໄຊ. ໃນນີ້, ແຕ່ລະພາກສ່ວນໃຫ້ຄຳເຫັນໃນດ້ານມູມມອງໃນການວາງແຜນພັດທະນາ ແລະສົ່ງເສີມການທ່ອງທ່ຽວຂອງແຕ່ລະເມືອງ, ປະເມີນຈຸດດີ-ຈຸດອ່ອນ, ໂອກາດ ແລະສິ່ງທ້າທາຍຕ່າງໆໃນການລົງສຳຫຼວດຢູ່ໃນ 5 ເມືອງເປົ້າໝາຍ ເຊິ່ງລວມເອົາດ້ານວັດທະນະທຳ-ສັງຄົມ, ດ້ານສິ່ງແວດລ້ອມ ແລະດ້ານເສດຖະກິດ.
ພ້ອມນັ້ນ, ບັນດາທ່ານຜູ້ເຂົ້າຮ່ວມຍັງໄດ້ພ້ອມກັນວາງວິໄທທັດ,ຈຸດປະສົງ ແລະຄາດໝາຍສູ້ຊົນ ໂດຍຖືເອົາການພັດທະນາແຫຼ່ງທ່ອງທ່ຽວດ້ານທຳມະຊາດ, ປະຫວັດສາດ ແລະວັດທະນະທຳຕິດພັນກັບການພັດທະນາພື້ນຖານໂຄງລ່າງດ້ານສິ່ງອຳນວຍຄວາມສະດວກຂອງ 5 ເມືອງເປົ້າໝາຍພາຍໃນແຂວງສະຫວັນນະເຂດ. ຈຸດປະສົງຫຼັກຂອການຈັດກອງປະຊຸມໃນຄັ້ງນີ້ກໍ່ເພື່ອສຳຫຼວດ, ຈັດສັນ ແລະພັດທະນາແຫຼ່ງທ່ອງທ່ຽວທາງດ້ານປະຫວັດສາດ ທຳມະຊາດ ແລະວັດທະນະທຳໃຫ້ມີຄວາມຫຼາກຫຼາຍທາງດ້ານກິດຈະກຳການທ່ອງທ່ຽວ ແລະຍືນຍົງ ເຊິ່ງແຕ່ລະເມືອງກໍ່ໄດ້ສະເໜີວິໄສທັດຂອງຕົນເອງ ເພື່ອພັດທະນາແຫຼ່ງທ່ອງທ່ຽວທີ່ສຳຄັນພາຍໃນເມືອງຂອງຕົນໃຫ້ມີຈຸດເດັ່ນຍິ່ງຂຶ້ນ.
（ແຫຼ່ງຂໍ້ມູນ： ສະຫວັນພັດທະນາ ຂ່າວ）
