| ຍີ່ປຸ່ນ ຊ່ວຍເຫລືອຫຼ້າ ຈໍານວນເງິນ 2 ຕື້ເຢນ ໃຫ້ແກ່ ຫວຽດນາມ ເພື່ອປ້ອງກັນ ແລະ ຄວບຄຸມ ໂລກລະບາດ COVID-19 | |
| ຫວຽດນາມຫວັງວ່າ ຍີ່ປຸ່ນຈະແມ່ນຄູ່ຮ່ວມມືດ້ານການລົງທຶນ, ການຄ້າ ແລະການທ່ອງທ່ຽວອັນດັບໜຶ່ງ ຂອງຫວຽດນາມ |
ຕາມແຜນການ, ພັກປະຊາທິປະໄຕເສລີ (LDP) ທີ່ກຳລັງກຳອຳນາດຢູ່ປະເທດຍີ່ປຸ່ນ ຈະດຳເນີນການລົງຄະແນນສຽງ ເພື່ອຊອກຫາປະທານຄະນະກຳມະການຄົນໃໝ່ຂອງພັກປະຊາທິປະໄຕເສລີ, ເຊິ່ງເປັນຜູ້ສືບທອດພາລະໜ້າທີ່ຕຳແໜ່ງ ຂອງທ່ານນາຍົກລັດຖະມົນຕີ Shinzo Abe ໃນວັນທີ 14 ກັນຍາ.
ຕອບສຳພາດຕໍ່ສຳນັກຂ່າວສານຫວຽດນາມ, ທ່ານ Masataka Fujita - ເລຂາທິການໃຫຍ່ສູນອາຊຽນ - ຍີ່ປຸ່ນ (AJC) ກ່າວວ່າ ການພົວພັນລະຫວ່າງຍີ່ປຸ່ນ - ຫວຽດນາມ ຈະບໍ່ປ່ຽນແປງເຖິງແມ່ນວ່າຜູ້ໃດຈະກາຍເປັນນາຍົກລັດຖະມົນຕີຄົນໃໝ່ຂອງຍີ່ປຸ່ນ ກໍ່ຕາມ.
 |
| ທ່ານ Masataka Fujita - ເລຂາທິການໃຫຍ່ສູນອາຊຽນ - ຍີ່ປຸ່ນ (AJC). (ພາບ: TTXVN) |
ຕາມທ່ານ Masataka Fujita ແລ້ວ, ທ່ານນາຍົກລັດຖະມົນຕີ Shinzo Abe ໄດ້ນຳມາເຊິ່ງຄວາມໝັ້ນຄົງໃຫ້ແກ່ການພົວພັນລະຫວ່າງຍີ່ປຸ່ນ ແລະ ອາຊຽນ. ສາຍພົວພັນດັ່ງກ່າວນີ້ ໄດ້ຮັບການເສີມຂະຫຍາຍຕື່ມອີກ ໂດຍນາຍົກລັດຖະມົນຕີ Abe ໃນໄລຍະເກືອບ 8 ປີປະຈຳຕຳແໜ່ງ.
ກ່ຽວກັບການພົວພັນຍີ່ປຸ່ນ - ຫວຽດນາມ, ທ່ານ Masataka Fujita ກ່າວວ່າ ກ່ອນທີ່ທ່ານນາຍົກລັດຖະມົນຕີ Abe ຈະເຂົ້າຮັບຕຳແໜ່ງເປັນນາຍົກລັດຖະມົນຕີຍີ່ປຸ່ນ ໃນເດືອນທັນວາ ປີ 2012, ສາຍພົວພັນລະຫວ່າງສອງປະເທດຍີ່ປຸ່ນ - ຫວຽດນາມ ແມ່ນດີງາມພໍສົມຄວນ. ສອງປະເທດໄດ້ລົງນາມໃນສັນຍາຄູ່ຮ່ວມມືເສດຖະກິດສອງຝ່າຍ (EPA). ຜ່ານນັ້ນ, ໃນຖານະເປັນປະທານພັກປະຊາທິປະໄຕເສລີຍີ່ປຸ່ນ ແລະ ເປັນນາຍົກລັດຖະມົນຕີຍີ່ປຸ່ນ, ທ່ານ Shinzo Abe ໄດ້ຊ່ວຍເຮັດໃຫ້ສາຍພົວພັນ ຍີ່ປຸ່ນ - ຫວຽດນາມ ໄດ້ພັດທະນາຢ່າງເລິກເຊິ່ງຕື່ມອີກ.
ທ່ານ Abe ມີຄວາມປາດຖະໜາເພີ່ມທະວີການພົວພັນກັບຫວຽດນາມ ໃນລະຫວ່າງດຳລົງຕຳແໜ່ງເປັນປະທານພັກປະຊາທິປະໄຕເສລີຍີ່ປຸ່ນ ແລະ ເປັນນາຍົກລັດຖະມົນຕີຍີ່ປຸ່ນ ໃນໄລຍະເກືອບ 8 ປີ. “ເມື່ອປຽບທຽບກັບບັນດາຜູ້ນຳລັດຖະບານຍີ່ປຸ່ນກ່ອນໜ້ານີ້, ທ່ານນາຍົກລັດຖະມົນຕີ Shinzo Abe ແມ່ນນາຍົກລັດຖະມົນຕີ ທີ່ດໍາລົງຕໍາແໜ່ງເປັນນາຍົກລັດຖະມົນຕີເປັນເວລາຍາວນານທີ່ສຸດໃນປະຫວັດສາດ. ຍ້ອນແນວນັ້ນ, ການພົວພັນລະຫວ່າງສອງປະເທດຍີ່ປຸ່ນ - ຫວຽດນາມ ກໍ່ນັບມື້ນັບແໜ້ນແຟ້ນຍິ່ງຂຶ້ນ.” - ທ່ານ Masataka Fujita ເນັ້ນໜັກ.
ຕາມທ່ານ Masataka Fujita ແລ້ວ, ບໍ່ວ່າຜູ້ໃດຈະດໍາລົງຕໍາແໜ່ງເປັນນາຍົກລັດຖະມົນຕີຄົນໃໝ່ຂອງຍີ່ປຸ່ນ, ການພົວພັນລະຫວ່າງຍີ່ປຸ່ນ - ອາຊຽນ ແລະ ການພົວພັນລະຫວ່າງຍີ່ປຸ່ນ - ຫວຽດນາມ ຈະບໍ່ປ່ຽນແປງ, ເພາະວ່າໃນໄລຍະຜ່ານມາ, ເຖິງວ່າໃນໄລຍະທີ່ຍີ່ປຸ່ນ ມີການປ່ຽນແປງໃນຖານະຕຳແໜ່ງນາຍົກລັດຖະມົນຕີ ຢ່າງເປັນປະຈຳ, ແຕ່ສາຍພົວພັນລະຫວ່າງຍີ່ປຸ່ນ - ອາຊຽນ ແລະ ການພົວພັນລະຫວ່າງຍີ່ປຸ່ນ - ຫວຽດນາມ ກໍ່ບໍ່ມີການປ່ຽນແປງ.
 | ຍີ່ປຸ່ນ ຊ່ວຍເຫລືອຫຼ້າ ຈໍານວນເງິນ 2 ຕື້ເຢນ ໃຫ້ແກ່ ຫວຽດນາມ ເພື່ອປ້ອງກັນ ແລະ ຄວບຄຸມ ໂລກລະບາດ COVID-19 ຍສໝ - ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດຍີ່ປຸ່ນ ປະຈໍາ ຫວຽດນາມ Yamada Takio ໃຫ້ຮູ້ວ່າ: ລັດຖະບານຍີ່ປຸ່ນຕີລາຄາສູງບົດບາດຂອງກະຊວງສາທາລະນະສຸກຫວຽດນາມໃນການປ້ອງກັນ ແລະຄວບຄຸມການລະບາດຂອງ COVID-19 ຢ່າງ ສຳເລັດຜົນຢູ່ຫວຽດນາມໃນຂະນະສະພາບການໂລກລະບາດກຳລັງແຜ່ລະບາດຢ່າງຮ້າຍແຮງ. |
 | ນັກສຶກສາດ່ານັງ 282 ຄົນ ໄດ້ຜ່ານຮອບການສຳພາດທີ່ "ງານວາງສະແດງວຽກເຮັດງານທຳຍີ່ປຸ່ນ 2020" ຍສໝ - ນັກສຶກສາຫຼາຍກວ່າ 400 ຄົນ ໃນ 11 ວິຊາການຝຶກອົບຮົມທີ່ມະຫາວິທະຍາໄລດົງອາ ລົງທະບຽນເຂົ້າສຳ ພາດທີ່ຫ້ອງການຮັບສະໝັກພະນັກງານບໍ່ວ່າທາງກົງ ຫລື ທາງອິນເຕີເນັດ ຢູ່ເຮືອນ ໂດຍຜ່ານລະບົບອອນລາຍ ທີ່ຄຸ້ນເຄີຍເຊິ່ງຖືກນຳໃຊ້ເຂົ້າໃນຂະບວນການຮຽນຮູ້ ອອນລາຍກ່ອນໜ້ານັ້ນ. |
 | ຍີ່ປຸ່ນ ແລະ ລາວ ຕົກລົງເຊື່ອມຕໍ່ການເຄື່ອນໄຫວໄປມາຄືນໃໝ່ແຕ່ເດືອນກັນຍາ ຍສໝ -ສອງຝ່າຍໄດ້ຕົກລົງກັນຜ່ອນຜັນຄໍາສັ່ງຈໍາກັດການໄປມາລະຫວ່າງສອງປະເທດ ເພື່ອສະກັດກັ້ນການລະບາດຂອງພະຍາດໂຄວິດ-19. |
ຄຳຮຸ່ງ
