| ສະຖານທູດຫວຽດນາມ ປະຈຳລາວ ໄດ້ຈັດພິທີສະເຫຼີມສະຫຼອງ 130 ປີແຫ່ງວັນເກີດ ຂອງປະທານໂຮ່ຈີມິນ | |
| ສະຖານທູດຫວຽດນາມ ປະຈຳລາວ ໄດ້ຮຽກຮ້ອງໃຫ້ພົນລະເມືອງ ປະຕິບັດຄຳສັງກ່ຽວກັບການສະກັດກັ້ນພະຍາດ Covid-19 |
 |
| ສະຫາຍ ນາງ ສູນທອນ ໄຊຍະຈັກ ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ສະຫາຍ ນາງ ສູນທອນ ໄຊຍະຈັກ ກຳມະການສູນກາງພັກ, ຫົວໜ້າຄະນະພົວພັນ ຕ່າງປະເທດສູນກາງພັກ (ພາບ: Kpl) |
ໂອກາດດັ່ງກ່າວ, ສະຫາຍ ນາງ ສູນທອນ ໄຊຍະຈັກ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ບັນດາຜົນສຳເລັດ ແລະ ຜົນງານ ອັນໃຫຍ່ຫລວງ, ຮອບດ້ານຂອງປະຊາຊົນຫວຽດນາມ ຍາດມາໄດ້ຕະຫລອດໄລຍະ 75 ປີຜ່ານມາ, ພາຍໃຕ້ການນຳພາອັນຖືກຕ້ອງສະຫລາດສ່ອງໃສຂອງ ພັກກອມມູນິດ ຫວຽດນາມ ເຮັດໃຫ້ ສສ ຫວຽດນາມ ສືບຕໍ່ມີສະຖຽນລະພາບ ທາງດ້ານການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ; ວຽກງານປ້ອງກັນຊາດ, ປ້ອງກັນຄວາມສະຫງົບ ມີຄວາມເຂັ້ມແຂງ, ການພົວພັນສາກົນ ໄດ້ຮັບການເປີດກວ້າງ, ເຮັດໃຫ້ບົດບາດ, ອິດທິພົນຂອງຫວຽດນາມ ນັບມື້ນັບສູງເດັ່ນ ໃນເວທີພາກພື້ນ ແລະ ສາກົນ.
ສະຫາຍ ນາງ ສູນທອນ ໄຊຍະຈັກ ຍັງໄດ້ຕີລາຄາສູງ ຕໍ່ການພົວພັນຮ່ວມມື ລະຫວ່າງ ສອງພັກ, ສອງລັດ ແລະ ປະຊົນສອງຊາດ ລາວ-ຫວຽດນາມ ໃນໄລຍະຜ່ານມາ ແລະ ປັດຈຸບັນ ທີ່ນັບມື້ນັບມີຄວາມເລິກເຊິ່ງ, ມີປະສິດທິຜົນ ແລະ ນຳເອົາຜົນປະໂຫຍດຕົວຈິງ ມາໃຫ້ປະຊາຊົນສອງຊາດ ລາວ-ຫວຽດນາມ. ພ້ອມນັ້ນ ຍັງໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ພັກ, ລັດ ແລະ ປະຊາຊົນຫວຽດນາມອ້າຍນ້ອງ ທີ່ໄດ້ໃຫ້ການສະໜັບສະໜູນ ຊ່ວຍເຫລືອຢ່າງໃຫຍ່ຫລວງ, ລ້ຳຄ່າມີປະສິດທິຜົນ ແລະ ທັນການ ແກ່ປະຊາຊົນລາວ ໃນຕະຫລອດໄລຍະທີ່ຜ່ານມາ ທັງໄລຍະຕໍ່ສູ້ ເພື່ອປົດປ່ອຍຊາດ ໃນເມື່ອກ່ອນ ແລະ ໄລຍະປົກປັກຮັກສາ ແລະ ສ້າງສາປະເທດຊາດໃນປະຈຸບັນ. ສະຫາຍ ໄດ້ອວຍພອນໃຫ້ພັກ, ລັດແລະ ປະຊາຊົນຫວຽດນາມ ສືບຕໍ່ຍາດໄດ້ຜົນສຳເລັດໃຫຍ່ ຫລວງກວ່າເກົ່າ ໃນການສ້າງປະເທດ ຫວຽດນາມ ສັງຄົມນິຍົມ ໃຫ້ນັບມື້ນັບຮັ່ງມີເຂັ້ມແຂງ, ກ້າວສູ່ການດຳເນີນ ກອງປະຊຸມໃຫຍ່ ຄັ້ງທີ 13 ຂອງພັກຢ່າງມີໄຊ.
ໃນໂອກາດນີ້, ສະຫາຍ ເອກອັກຄະລັດຖະທູດ ຫງວຽນ ບ່າຮຸ່ງ ໄດ້ສະແດງຄວາມຂອບໃຈ ຕໍ່ສະຫາຍ ນາງ ສູນທອນ ໄຊຍະຈັກ ທີ່ໄດ້ນຳພາຄະນະມາອວຍພອນໃນຄັ້ງນີ້ ພ້ອມທັງໄດ້ຕີລາຄາສູງ ຕໍ່ການພົວພັນຮ່ວມມືລະຫວ່າງ ລາວ-ຫວຽດນາມ ຕະຫລອດໄລຍະຜ່ານມາ ແລະ ໄດ້ຕີລາຄາສູງຕໍ່ຜົນສຳເລັດຂອງລາວ ພ້ອມທັງອວຍພອນ ໃຫ້ປະຊາຊົນລາວ ພາຍໃຕ້ການນຳພາຂອງພັກ ປະຊາຊົນ ປະຕິວັດລາວ ຈົ່ງຍາດໄດ້ ຜົນສຳເລັດໃໝ່ໃຫຍ່ຫລວງກວ່າເກົ່າ ໃນການສ້າງສາພັດທະນາ ປະເທດຊາດ, ປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກວາງອອກ ແລະ ກ້າວສູ່ການກະກຽມ ຈັດກອງປະຊຸມໃຫຍ່ ຄັ້ງທີ XI ຂອງພັກທີ່ຈະມາເຖິງຢ່າງມີໄຊ.
 | ສະຖານທູດຫວຽດນາມ ປະຈຳລາວ ໄດ້ຈັດພິທີສະເຫຼີມສະຫຼອງ 130 ປີແຫ່ງວັນເກີດ ຂອງປະທານໂຮ່ຈີມິນ ຍສໝ - ໃນວັນທີ 20 ພຶດສະພາ 2020, ສະຖານທູດຫວຽດນາມ ປະຈຳລາວ ໄດ້ຈັດພິທີສະເຫຼີມສະຫຼອງຄົບຮອບ 130 ປີ ວັນເກີດຂອງ ປະທານໂຮ່ຈີມິນ ແລະ ພິທີໃຕ້ທູບໄຫວ້ອາໄລ ເຖິງດວງວິນຍານຂອງເພິ່ນ. |
 | ສະຖານທູດຫວຽດນາມ ປະຈຳລາວ ໄດ້ຮຽກຮ້ອງໃຫ້ພົນລະເມືອງ ປະຕິບັດຄຳສັງກ່ຽວກັບການສະກັດກັ້ນພະຍາດ Covid-19 ຍສໝ - ໃນວັນທີ 6 ເມສາ, ສະຖານທູດຫວຽດນາມ ປະຈຳ ລາວ ໄດ້ອອກຖະແຫຼງການສະເໜີ ໃຫ້ພົນລະເມືອງຫວຽດນາມ ທີ່ກຳລັງດຳລົງຊີວິດ ແລະ ຮໍ່າຮຽນຢູ່ ສປປ.ລາວ ຈົ່ງປະຕິບັດຕາມຄຳສັ່ງເລກທີ 06 ຂອງນາຍົກລັດຖະມົນຕີ ສປປ.ລາວ ແລະ ຂໍ້ກຳນົດຂອງລັດຖະບານ ກໍ່ຄືທ້ອງຖິ່ນຕ່າງໆ ຂອງລາວກ່ຽວກັບການປ້ອງກັນ ແລະ ຄວບຄຸມການຕິດເຊື້ອພະຍາດ COVID-19. ... |
 | ທ່ານປະທານປະເທດ ຮັບສານຕາຕັ້ງທູດປະເທດເພື່ອນມິດຄົນໃໝ່ ປະຈຳລາວ ທ່ານ ບຸນຍັງ ວໍລະຈິດ ປະທານປະເທດ ສປປ ລາວ ຕ້ອນຮັບເອກອັກຄະລັດຖະທູດບັນດາປະເທດເພື່ອນມິດ ເຂົ້າຍື່ນສານຕາຕັ້ງເພື່ອມາດຳລົງຕຳແໜ່ງເປັນເອກອັກຄະລັດຖະທູດຄົນໃໝ່ ປະຈຳ ສປປ ລາວ ວັນທີ 7 ກຸມພາ 2020 ຢູ່ທຳນຽບປະທານປະເທດ ເຊິ່ງມີລາຍລະອຽດດັ່ງນີ້: |
kpl.gov.la/
