 |
| ພາບປະກອບ |
ຄະນະຜູ້ແທນຂັ້ນສູງກອງທັບປະຊາຊົນຫວຽດນາມ ໂດຍທ່ານພົນຕີ ໂງມິງຕຽນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ເປັນຫົວໜ້າຄະນະໄດ້ເຂົ້າຮ່ວມວາລະປະຊຸມຄົບຄະນະເວທີປາໄສ Army 2020.
ທ່ານພົນຕີ ໂງມິງຕຽນ ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ເນັ້ນໜັກວ່າ ໃນສະພາບການພະຍາດໂຄວິດ-19 ກໍາລັງຜັນແປຢ່າງສັບສົນ, ຫວຽດນາມ ຈັດສົ່ງກໍາລັງເຂົ້າຮ່ວມ Army Games 2020 ໄດ້ຢັ້ງຢືນການຖືເປັນສຳຄັນການພົວພັນຄູ່ຮ່ວມມືຍຸດທະສາດຮອບດ້ານກັບສະຫະພັນລັດເຊຍ, ໃນນັ້ນ ມີການຮ່ວມມືດ້ານປ້ອງກັນຊາດແມ່ນເສົາຄ້ຳສຳຄັນ, ປະກອບສ່ວນເຂົ້າໃນການປະຕິບັດສຳເລັດປີຫວຽດນາມ ຢູ່ ລັດເຊຍ ແລະປີລັດເຊຍ ຢູ່ ຫວຽດນາມ 2019-2020 ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດລະຫວ່າງສອງປະເທດ (1950 - 2020).
ນອກຈາກນັ້ນ, ກໍ່ຍັງສືບຕໍ່ປັບປຸງຄວາມໄວ້ເນື້ອເຊື່ອໃຈດ້ານຍຸດທະສາດ, ເພື່ມທະວີການປ້ອງກັນຊາດ, ການຮ່ວມມືດ້ານເຕັກນິກການທະຫານໃຫ້ເໝາະສົມກັບບັນດາຂໍ້ຕົກລົງ, ສົນທິສັນຍາສາກົນທີ່ໄດ້ລົງນາມ; ພ້ອມທັງສືບຕໍ່ສະໜັບສະໜູນສະຫະພັນລັດເຊຍ ກ່ຽວກັບຍຸດທະສາດໂດຍຜ່ານການເຂົ້າຮ່ວມບັນດາການເຄື່ອນໄຫວສາກົນຫຼາຍຝ່າຍໂດຍກະຊວງປ້ອງກັນປະເທດລັດເຊຍ ເປັນເຈົ້າພາບຈັດຕັ້ງ.
 |
| ທ່ານພົນຕີ ໂງມິງຕຽນ ແລກປ່ຽນກັບສື່ມວນຊົນ. ພາບ: ຈ້ອງຫາຍ. |
ທ່ານພັນເອກພິເສດ Oleg Youshkov, ຜູ້ຮັບຜິດຊອບສື່ມວນຊົນຂອງງານແຂ່ງຂັນການທະຫານສາກົນ (Army Games) 2020 ໄດ້ມີການພົບປະກັບນັກຂ່າວຂອງບັນດາປະເທດທີ່ມີທີມເຂົ້າຮ່ວມງານແຂ່ງຂັນ ເຊິ່ງພວມອາໄສຢູ່ໂຮງແຮມ Salut ນະຄອນຫຼວງມົດສະກູ, ສະຫະພັນລັດເຊຍ ແລະ ທ່ານໃຫ້ຮູ້ວ່າ, ນີ້ແມ່ນຄັ້ງທີ 3 ທີ່ກອງທັບປະຊາຊົນຫວຽດນາມ ຈັດສົ່ງກໍາລັງເຂົ້າຮ່ວມ Army Games. ຈໍານວນທີມຂອງກອງທັບປະຊາຊົນຫວຽດນາມ ເຂົ້າຮ່ວມ Army Games ໄດ້ເພີ່ມຂຶ້ນຕາມແຕ່ລະປີ ແລະປີນີ້ແມ່ນຫຼາຍກວ່າເມື່ອທຽບໃສ່ຊຸມປີກ່ອນ, ໃນນັ້ນມີຫຼາຍທີມເຂົ້າຮ່ວມເປັນຄັ້ງທໍາອິດ. ພວກຂ້າພະເຈົ້າຂອບໃຈ ແລະຕີລາຄາສູງການສະໜັບສະໜູນຂອງຫວຽດນາມ ໃນສະພາບພະຍາດໂຄວິດ-19 ພວມຜັນແປຢ່າງສັບສົນ ແຕ່ຍັງຈັດສົ່ງກໍາລັງເຂົ້າຮ່ວມເປັນຈໍານວນຫຼວງຫຼາຍຄືແນວນັ້ນ. ພວກຂ້າພະເຈົ້າຍາມໃດກໍ່ຊົມເຊີຍ ແລະສະໜັບສະໜູນບັນດາປະເທດຈັດສົ່ງທີມເຂົ້າຮ່ວມ Army Games ນັບມື້ນັບຫຼາຍ ແລະພວກຂ້າພະເຈົ້າຫວັງວ່າ ໃນງານແຂ່ງຂັນຄັ້ງຕໍ່ໄປ, ຈໍານວນທີມຂອງກອງທັບປະຊາຊົນຫວຽດນາມ ເຂົ້າຮ່ວມຈະສືບຕໍ່ເພີ່ມຂຶ້ນກວ່າອີກ.
ຄະນະຜູ້ແທນກອງທັບປະຊາຊົນ ຫວຽດນາມ ໄດ້ຈັດສົ່ງພະນັກງານ, ນັກຮົບກ່ວາ 200 ຄົນ ດ້ວຍ 10 ທິມ, ໃນນັ້ນ ມີ 8 ທິມຈະແຂ່ງຂັນຢູ່ ລັດເຊຍ.
 | ພ້ອມກັນພັດທະນາແມ່ນ້ຳ ຂອງແມ່ນ້ຳລ້ານຊ້າງແບບຍືນຍົງ ການພັດທະນາ ແລະ ບໍລິຫານຊັບພະຍາກອນນໍ້າ ແມ່ນໜຶ່ງໃນບັນດາເປົ້າໝາຍການພັດທະນາແບບຍືນຍົງຂອງສະຫະປະຊາຊາດ ຊຶ່ງເປັນການປະກອບສ່ວນໂດຍກົງໃຫ້ແກ່ການແກ້ໄຂຄວາມທຸກຍາກ, ການຮັບປະກັນສະບຽງອາຫານ, ສຸຂະພາບ, ການສົ່ງເສີມບົດບາດຍິງ-ຊາຍ, ນຳ້ ແລະ ສຸຂະອະນາໄມ, ພະລັງງານ. |
 | ລາວ ສົ່ງຄະນະນັກກິລາອອກເດີນທາງໄປເຂົ້າຮ່ວມງານແຂ່ງຂັນການທະຫານສາກົນ ຄັ້ງທີ 6 ປີ 2020 ຍສໝ - ເມື່ອບໍ່ດົນມານີ້, ລາວ ໄດ້ຈັດຕັ້ງພິທີສົ່ງຄະນະນັກກິລາອອກເດີນທາງໄປເຂົ້າຮ່ວມງານແຂ່ງຂັນການທະຫານສາກົນ ຄັ້ງທີ 6 ປີ 2020 ເຊິ່ງໄດ້ຈັດຕັ້ງ ຢູ່ ລັດເຊຍ. |
 | ສະມາຄົມມິດຕະພາບອີຕາລີ ແລະ ລາວ ໄດ້ສົ່ງໂທລະເລກສະແດງຄວາມເສົ້າສະຫຼົດໃຈຕໍ່ ທ່ານ ເລຂາຟຽວ ອະດີດເລຂາທິການໃຫຍ່ ເຖິງແກ່ມໍລະນະກຳ ຍສໝ - ໂດຍໄດ້ຮັບຂ່າວກ່ຽວກັບການເຖິງແກ່ກຳ ຂອງ ທ່ານເລຂາຟຽວ - ອະດີດເລຂາທິການໃຫຍ່ພັກກອມມູນິດຫວຽດນາມ, ສະມາຄົມມິດຕະພາບອີຕາລີ - ຫວຽດນາມ ຂອງເຂດ Veneto ແລະ ສະມາຄົມສູນກາງມິດຕະພາບລາວ - ຫວຽດນາມ ໄດ້ສົ່ງຈົດໝາຍ ແລະ ໂທລະເລກສະແດງຄວາມເສົ້າສະຫຼົດໃຈ ເຖິງຄອບຄົວຂອງທ່ານອະດີດເລຂາທິການໃຫຍ່ ເລຂາຟຽວ ແລະ ປະຊາຊົນຫວຽດນາມ. |
ໄຊພອນ
