 |
ພະທາດຫຼວງວຽງຈັນ.
ໃນປີ 2018 ໄດ້ຈດຕັ້ງພິທີສະເຫລີມສະຫລອງສຽງແຄນເຊື້ອຊາດລາວ ເຂົ້າເປັນມໍລະດົກວັດທະນະທຳນາມມະທຳ ທີ່ບໍ່ເປັນວັດຖຸຂອງມວນມະນຸດໂລກ, ໂດຍຈັດເປັນຂະບວນແຫ່ເພື່ອຄອບໄຂ່ວ ອະນຸສອນສະຖານຕ່າງ ທີ່ສຳຄັນຂອງຊາດ ຢ່າງເປັນຂະບວນການຟົດຟື້ນ.ພ້ອມນັ້ນ, ຍັງໄດ້ສຳເລັດການສ້າງບັນດາເອກະສານຕ່າງໆ ສົ່ງເຖິງອົງການອຸຍແນັສໂກ ໃນການນຳສະເໜີ ທົ່ງໄຫຫີນຊຽງຂວາງ ເຂົ້າເປັນມໍລະດົກໂລກ ແລະ ໄດ້ສືບຕໍ່ປະສານສົມທົບກັບອົງການອຸຍແນັສໂກ ເພື່ອນຳສະເໜີ ເອົາປ່າສະຫງວນແຫ່ງຊາດພູຫີນໜາມໜໍ່ ຢູ່ເມືອງບົວລະພາ ແຂວງຄຳມ່ວນ ເຂົ້າເປັນມໍລະດົກໂລກຕື່ມອີກ ແລະ ໄດ້ສຳເລັດການຂຶ້ນທະບຽນບັນຊີວັດຖຸບູຮານ ແລະ ພະພຸດທະຮູບ ຢູ່ເມືອງລ້ອງຊານ ແຂວງໄຊສົມບູນ, ໄດ້ຈັດຊຸກອົບຮົມ ກ່ຽວກັບວຽກງານຂຶ້ນທະບຽນບັນຊີ ວັດຖຸບູຮານ ແລະ ພະພຸດທະຮູບໃຫ້ພະແນກ ຖວທ 8 ແຂວງພາກເໜືອ. ພ້ອມນັ້ນ, ວຽກງານຂຸດຄົ້ນ, ສຳຫລວດແຫລ່ງບູຮານວິທະຍາ ແລະ ຂຶ້ນທະບຽນບັນຊີວັດຖຸບູຮານ ໄດ້ 76.000 ກວ່າຊິ້ນ, ວຽກພິພິທະພັນ ກໍໄດ້ຮວບຮວມ ແລະ ຂຶ້ນທະບຽນວັດຖຸພັນ ລວມທັງໝົດ ມີ 2.032 ລາຍການ. ໃນນີ້, ລວມມີພະພຸດທະຮູບເປັນທອງ, ເຫລັກ, ໄມ້, ຫີນ ແລະ ດິນເຜົາ.
ໄດ້ເອົາໃຈໃສ່ການລົງຕິດຕາມ ເກັບກູ້ວັດຖຸບູຮານທີ່ຄົ້ນພົບຢູ່ພາກສະໜາມ ແລະ ລົງສຳຫລວດເກັບກຳຂໍ້ມູນຢູ່ຖ້ຳຟຶດ ບ້ານເຕເມເມືອງເລົ່າງາມ ແຂວງສາລະວັນ, ໂຄງການບູລະນະປະຕິສັງຂອນມາດຝຸ່ນ ແລະ ວັດເພຍວັດ ທີ່ເມືອງຄູນ ແຂວງຊຽງຂວາງ, ບູລະນະປະຕິສັງຂອນ ພະທາດນາງລາວ ຢູ່ເມືອງວິລະບູລີ ແຂວງສະຫວັນນະເຂດ, ລົງສຳຫລວດກຳນົດຂອບເຂດພື້ນທີ່ ໂຄງການອະນຸລັກປົກປັກຮັກສາ ເມືອງເກົ່າສຸວັນນະໂຄມຄຳ ເມືອງຕົ້ນເຜີ້ງ ແຂວງບໍ່ແກ້ວ ແລະ ບໍ່ຄຳ-ທອງເຊໂປນ ເມືອງລິລະບູລີ ແຂວງ ສະຫວັນນະເຂດ.
（ແຫຼ່ງຂໍ້ມູນ： ສົມຫວັງ/ຂປລ）
