ກ່າວຄຳເຫັນທີ່ພິທີ, ທ່ານຫງວຽນບາຮຸ່ງ - ເອກອັກຄະລັດຖະທູດຫວຽດນາມ ປະຈຳລາວ ໄດ້ເນັ້ນໜັກວ່າ ໃນ 75 ປີທີ່ຜ່ານມາ, ກຳລັງຂະແໜງການຕຳຫຼວດປະຊາຊົນຂອງຫວຽດນາມ ໄດ້ປະຕິບັດສຳເລັດໜ້າທີ່ສາກົນທີ່ສູງສົ່ງຂອງຕົນ, ຂະແໜງການຕຳຫຼວດຫວຽດນາມ ໄດ້ສົມທົບກັບຂະແໜງການຕຳຫຼວດລາວ ໄດ້ສະກັດກັ້ນກົນອຸບາຍ ແລະ ການເຄື່ອນໄຫວທຳລາຍຂອງກຳລັງທີ່ເປັນສັດຕູ.
ຕາງໜ້າໃຫ້ກຳລັງຂະແໜງການຕຳຫຼວດປະຊາຊົນຂອງຫວຽດນາມ, ທ່ານຫງວຽນບາຮຸ່ງ - ເອກອັກຄະລັດຖະທູດຫວຽດນາມ ປະຈຳລາວ ໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ພັກ, ລັດ, ປະຊາຊົນລາວ ແລະ ກຳລັງຕຳຫຼວດລາວ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອຂະແໜງການຕຳຫຼວດຫວຽດນາມ ໃນໄລຍະຕະຫຼອດມາ ເຊິ່ງຍາມໃດກໍ່ຢືນຄຽງບ່າຄຽງໄຫລ່ເພື່ອປົກປ້ອງ ແລະ ຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຂອງປະເທດ, ປົກປ້ອງຊີວິດທີ່ສົດໃສ ແລະ ມີຄວາມສຸກຂອງປະຊາຊົນສອງປະເທດ.
 |
| ທ່ານຫງວຽນບາຮຸ່ງ - ເອກອັກຄະລັດຖະທູດຫວຽດນາມ ສະແດງຄວາມຂອບອົກຂອບໃຈຢ່າງຈິງໃຈຕໍ່ພັກ, ລັດ, ປະຊາຊົນລາວ ແລະ ກຳລັງຕຳຫຼວດລາວ. (ພາບ: nhandan) |
ທ່ານເອກອັກຄະລັດຖະທູດ ຫງວຽນບາຮຸ່ງ ໄດ້ເນັ້ນໜັກວ່າ ໃນໄລຍະຈະມາເຖິງ, ກຳລັງຕຳຫຼວດຂອງສອງປະເທດ ຕ້ອງຍົກສູງຈິດໃຈສະຕິລະວັງຕົວ, ເຊີດຊູນໍ້າໃຈສາມັກຄີ, ຊ່ວຍເຫຼືອເຊິ່ງກັນ ແລະ ກັນໃນຂົງເຂດວຽກງານ, ພ້ອມກັນຮ່ວມມືກັນປົກປັກຮັກສາຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍຂອງແຕ່ລະປະເທດ, ປະກອບສ່ວນຢ່າງຕັ້ງໜ້າເຂົ້າໃນການຮັກສາສັນຕິພາບ ແລະ ສະຖຽນລະພາບໃນພາກພື້ນ ແລະ ໃນໂລກ.
ທ່ານພົນໂທ ວິໄລ ຫຼ້າຄຳຟອງ - ລັດຖະມົນຕີກະຊວງຕຳຫຼວດ ສປປ.ລາວ ຢືນຢັນວ່າ ສາຍພົວພັນລາວ - ຫວຽດນາມ ໄດ້ສາມາດເວົ້າວ່າສາຍພົວພັນທີ່ສະໜິດສະໜົມ, ສາມັກຄີ ລາວ ແລະ ຫວຽດນາມ ແມ່ນຫາຍາກໃນໂລກ.
ຕໍ່ໜ້າສະພາບການໃໝ່, ທ່ານພົນໂທ ວິໄລ ຫຼ້າຄຳຟອງ - ລັດຖະມົນຕີກະຊວງຕຳຫຼວດ ສປປ.ລາວ ໄດ້ເນັ້ນໜັກວ່າ, ກຳລັງຕຳຫຼວດຂອງສອງປະເທດ ຕ້ອງປະສານສົມທົບກັນເພື່ອກຳແໜ້ນສະພາບການ, ແລກປ່ຽນ ແລະ ເຫັນດີເປັນເອກະພາບ ເພື່ອເປັນເສນາທິການໃຫ້ແກ່ພັກ ແລະ ລັດຂອງແຕ່ລະຝ່າຍ ເພື່ອປະຕິບັດແກ້ໄຂ ແລະ ປະສານສົມທົບ, ຈັດການຢ່າງທັນການ, ບໍ່ໃຫ້ເກີດຂື້ນບັນຫາໂດຍບັງເອີນ, ສົ່ງຜົນກະທົບຕໍ່ຄວາມໝັ້ນຄົງແຫ່ງຊາດຂອງສອງປະເທດ.
 | ປະເທດລາວ ໄດ້ຮັບການຊ່ວຍເຫຼືອມີມູນຄ່າ 7 ລ້ານໂດລາ ເພື່ອຫຼຸດຜ່ອນຜົນກະທົບຂອງ COVID-19 ຍສໝ - ອົງການຄູ່ຮ່ວມມືທົ່ວໂລກກ່ຽວກັບການສຶກສາ ໄດ້ຮັບຮອງເອົາໂດຍ UNICEF ເຊິ່ງໄດ້ລົງນາມໃນສັນຍາການຊ່ວຍເຫຼືອໃຫ້ແກ່ປະເທດລາວ 7 ລ້ານໂດລາເພື່ອຫຼຸດຜ່ອນຜົນກະທົບຂອງ COVID-19 ໃນຂະແໜງການສຶກສາ. |
 | ການນຳຂັ້ນສູງພັກ, ລັດຫຼາຍປະເທດ ໄວ້ອາໄລ ອະດີດ ເລຂາທິການໃຫຍ່ ພັກກອມມູນິດຫວຽດນາມ ຍສໝ - ການຈາກໄປຂອງ ສະຫາຍ ເລຂາຟຽວ ເປັນການສູນເສຍອັນໃຫຍ່ຫລວງຂອງພັກ, ລັດ ແລະ ປະຊາຊົນຫວຽດນາມ; ຕະຫລອດໄລຍະຫລາຍທົດສະວັດທີ່ຜ່ານມາ, ສະຫາຍ ເລຂາຟຽວໄດ້ມີການປະກອບສ່ວນຢ່າງໃຫຍ່ຫລວງເຂົ້າໃນພາລະກິດສ້າງສາພັດທະນາ ແລະ ປົກປັກຮັກສາປະເທດຊາດຫວຽດນາມ ເຮັດໃຫ້ປະທດຊາດຫວຽດນາມ ມີການພັດທະນາຢ່າງບໍ່ຢຸດຢັ້ງ. |
 | ນາຍົກລັດຖະມົນຕີຫວຽດນາມໃຫ້ການຕ້ອນຮັບນາຍົກລັດຖະມົນຕີລາວ ຍສໝ - ທ່ານນາຍົກລັດຖະມົນຕີລາວ ທອງລຸນ ສີສຸລິດ ໄດ້ຕີລາຄາສູງບັນດາຜົນສຳເລັດໃນການພັດທະນາເສດຖະກິດ - ສັງຄົມຂອງຫວຽດນາມ ແລະ ຂອບໃຈຫວຽດນາມທີ່ໄດ້ຕັ້ງໜ້າໃນການປ້ອງກັນ, ສະກັດກັ້ນໂລກລະບາດ Covid – 19. |
ຄຳຮຸ່ງ
