ຫວຽດ​ນາມ - ສິງ​ກະ​ໂປ​ແກ້​ໄຂ​ໂລກ​ລະ​ບາດ, ຊຸກ​ຍູ້​ການ​ຮ່ວມ​ມື​ໃນ​ການ​ປ້ອງ​ກັນ​ຊາດ

	ສິງ​ກະ​ໂປ​ແບ່ງ​ປັນ​ບົດ​ຮຽນ​ປະ​ສົບ​ການ​ໃນ​ການ​ປ້ອງ​ກັນ​ຕ້ານ​ໂລກ​ລະ​ບາດ Covid – 19 ກັບ ດ່າ​ນັງ
	ໄທ, ສິງ​ກະ​ໂປ, ລາວ ແລະ ມຽນ​ມາ ຊຸກ​ຍູ້​ການ​ຮ່ວມ​ມື​ຕ້ານ​ອາດ​ຊະ​ຍາ​ກຳ​ຢາ​ເສບ​ຕິດ

ທ່ານ​ພົນ​ຕີ ຫວູ​ຈຽນ​ທັ້ງ, ຫົວ​ໜ້າ​ກົມ​ການ​ຕ່າງ​ປະ​ເທດ ກະ​ຊວງ​ປ້ອງ​ກັນ​ປະ​ເທດ ຫວຽດ​ນາມ (ພາບ​: qdnd)

ຕອນ​ເຊົ້າ​ວັ​ນ​ທີ 13 ສິງ​ຫ​າ, ຢູ່​ຮ່າ​ໂນ້ຍ​ໄດ້​ດຳ​ເນີນກອງ​ປະ​ຊຸ​ມ​ທາງ​ອອນ​ລາຍ​ລະ​ຫວ່າງ ຫົວ​ໜ້າ​ກົມ​ການ​ຕ່າງ​ປະ​ເທດ, ກະ​ຊວງ​ປ້ອງ​ກັນ​ປະ​ເທດ​ຫວຽດ​ນາມ ແລະ ຫົວ​ໜ້າ​ກົມນະ​ໂຍ​ບາຍ​ກະ​ຊວງ​ປ້ອງ​ກັນ​ປະ​ເທດ​ສິງ​ກະ​ໂປ, ເພື່ອ​ແນ​ໃສ່​ແລກ​ປ່ຽນ​ບາງ​ເນື້ອ​ໃນ​ໃນ​ການ​ຮ່ວມ​ມື​ການ​ປ້ອງ​ກັນ​ປະ​ເທດ​ລະ​ຫວ່າງ​ສອງ​ປະ​ເທດ ແລະ ປີປະ​ທານ​ອາ​ຊຽນ 2020. ທ່ານ​ພົນ​ຕີ ຫວູ​ຈຽນ​ທັ້ງ, ຫົວ​ໜ້າ​ກົມ​ການ​ຕ່າງ​ປະ​ເທດ ແລະ ທ່ານພັນ​ເອກ Amos Yeo, ຫົວ​ໜ້າ​ກົມ​ນະ​ໂຍ​ບາຍ​ກະ​ຊວງ​ປ້ອງ​ກັນ​ປະ​ເທດ ສິງ​ກະ​ໂປ​ຮ່ວມ​ເປັນ​ປະ​ທານ.

ສອງ​ຝ່າຍ​ໄດ້​ເຫັນ​ດີ​ເປັນ​ເອ​ກະ​ພາບ​ຈະ​ແກ້​ໄຂ​ບັນ​ດາ​ສິ່ງ​ກີດ​ແຂວງ​ເກີດ​ຈາກ​ໂລກ​ລະ​ບາດ Covid – 19, ເພື່ອ​ແນ​ໃສ່​ຍູ້​ແຮງ​ການ​ຜັນ​ຂະ​ຫຍາຍ​ບັນ​ດາ​ເນື້ອ​ໃນ​ຮ່ວມ​ມື​ໃນ​ການ​ປ້ອງ​ກັນ​ຊາດ ທີ່​ໄດ້​ເຫັນ​ດີ​ເປັນ​ເອ​ກະ​ພາບ​ລະ​ຫວ່າງ ສອງ​ປະ​ເທດ​ໃນ​ໄລ​ຍະ​ທີ່​ຜ່ານ​ມາ, ພ້ອມ​ທັງ​ຄົ້ນ​ຄ້​ວາ​ບັນ​ດາ​ເນື້ອ​ໃນ, ຮູບ​ແບບ​ການ​ຮ່ວມ​ມື​ໃຫ້​ເໝາະ​ສົມ​ກັບ​ສະ​ພາບ​ການ​ໃໝ່. ທີ່ກອງ​ປະ​ຊຸມ, ສອງ​ຝ່າຍ​ໄດ້​ປຶກ​ສາ​ຫາ​ລື​ກ່ຽວ​ກັບ​ຄວາມ​ສາ​ມາດ​ລົງ​ນາມ​ໃນ​ບົດ​ບັນ​ທຶກ​ຊ່ວຍ​ຈຳ (MOU) ກ່​ຽວ​ກັບ​ການ​ຮ່ວມ​ມື​ດ້ານ​ປ້ອງ​ກັນ​ຊາດ​ລະ​ຫວ່າງ​ສອງ​ປະ​ເທດ, ອີງ​ໃສ່​ ພື້ນ​ຖານ MOU ກ່​ຽວ​ກັບ​ການ​ຮ່ວມ​ມື​ດ້ານ​ປ້ອງ​ກັນ​ຊາດ​ທີ່​ໄດ້​ລົງ​ນາມ​ໃນ​ເດືອນ​ກັນ​ຍາ ປີ 2009. ສອງ​ຝ່າຍ​ກໍ່​ໄດ້​ຢັ້ງ​ຢືນ​ຄວາມ​ສຳ​ຄັນ ແລະ ປະ​ສິ​ດ​ທິ​ຜົນ​ຂອງ​ບັນ​ດາ​ກົນ​ໄກ​ເຈ​ລະ​ຈາ​ນະ​ໂຍ​ບາຍ​ການ​ປ້ອງ​ກັນ​ຊາດ​ຂັ້ນ​ຮອງ​ລັດ​ຖະ​ມົນ​ຕີ ແລະ ກຸ່ມ​ເຮັດ​ວຽກ​ລວມ​ລະ​ຫວ່າ​ງ​ສອງ​ປະ​ເທດ.

ທີ່ກອງ​ປະ​ຊຸມ, ສອງ​ຝ່າຍ​ໄດ້​ປຶກ​ສາ​ຫາ​ລື​ຕີ​ລາ​ຄາ​ໝາກ​ຜົນ​ການ​ຜັນ​ຂະ​ຫຍາຍ​ຮ່ວມ​ມື​ນັບ​ແຕ່​ພາຍຫຼັງ ກອງ​ປະ​ຊຸມ​ເຮັດ​ວຽກ​ເປັນ​ກຸມ​ຄັ້ງ​ທີ 7 (ເດືອນ​ພຶດ​ສະ​ພາ 2019) ລະ​ຫວ່າງ ກະ​ຊວງ​ປ້ອງ​ກັນປະ​ເທດ​ສອງ​ປະ​ເທດ ດ້ວຍຫຼາຍ​ເນື້ອ​ໃນ​ທີ່​ແທ້​ຈິງ, ມີ​ປະ​ສິດ​ທິ​ຜົນ​ຄື​ການ​ແລກ​ປ່ຽນ, ບຳ​ລຸງ​ສ້າງ, ຮ່ວມ​ມື​ກ່ຽວ​ກັບ​ທະ​ຫານ​ເຮືອ, ທະ​ຫານ​ອາ​ກາດ ແລະ ເສ​ນາ​ຮັກ, ແລກ​ປ່ຽນ​, ປຶກ​ສາ​ຫາ​ລື​ໃຫ້​ແກ່​ປີ ອາ​ຊຽນ 2020 ໂດຍ​ຫວຽດ​ນາມ​ເປັນ​ປະ​ທານ. ສິງກ​ະ​ໂປ​ສືບ​ຕໍ່​ຢັ້ງ​ຢືນ​ວ່າ ຈະ​ຮ່ວມ​ມື​ກັບ​ຫວຽດ​ນາມ​ຢ່າງ​ແໜ້ນ​ແຟ້ນ​ໃນ​ບັນ​ດາ​ເວ​ທີ​ປາ​ໄສຫຼາຍ​ຝ່າຍ, ຊຸກ​ຍູ້​ກາ​ນ​ຮ່ວມ​ມື​ກັບ​ຫວຽດ​ນາມ​ໃນ​ຂົງ​ເຂດ​ອາ​ຊຽນ ແລະ ສະ​ໜັບ​ເລື່ອງ​ຫວຽດ​ນາມ​ຮັບ​ປະ​ກັບ​ບົດ​ບາດ​ເປັນ​ປະ​ທານ​ອາ​ຊຽນ 2020 ໃຫ້​ສຳ​ເລັດ​.

ສິງ​ກະ​ໂປ​ແບ່ງ​ປັນ​ບົດ​ຮຽນ​ປະ​ສົບ​ການ​ໃນ​ການ​ປ້ອງ​ກັນ​ຕ້ານ​ໂລກ​ລະ​ບາດ Covid – 19 ກັບ ດ່າ​ນັງ ຍ​ສໝ - ຕາມທ່ານ Douglas Foo ແລ້ວ, ສອງ​ປັດ​ໄຈ​ສຳ​ຄັນ​ທີ່​ສຸດ​ເພື່ອ​ແກ້​ໄຂວິ​ກິດ​ການ​ໂລກ​ລະ​ບາດ Covid – 19 ແມ່ນ​ຄວາມ​ໄວ້​ເນື້ອ​ເຊື່ອ​ໃຈ​ຂອງ​ປະ​ຊາ​ຊົນ ແລະ ຄວາມ​ພ້ອມ​ຂອງ​ຂະ​ແໜງ​ສາ​ທາ​ລະ​ນະ​ສຸກ.

EVFTA ​ຈະມີ​ຜົນ​ສັກ​ສິດຢ່າງ​ເປັນ​ທາງ​ການນັບ​ແຕ່ວັນ​ທີ 1 ສິງ​ຫາ​ ຍ​ສໝ - ເມ​ື່ອ​ມີ​ຜົນ​ສັກ​ສິດ, EVFTA ຈະຫຼຸດ​ຜ່ອນ 65% ​ພາ​ສີ ສຳ​ລັບ​ສິ​ນ​ຄ້າ​ສົ່ງ​ອອກ​ຂອງ EU ໄປ​ຍັງ​ຫວຽດ​ນາມ, ສ່ວນ​ຍັ​ງ​ເຫຼືອ​ຈະ​​ຄ່ອຍໆຫຼຸດ​ຜ່ອຍ​ລົງ​ໃນ​ໄລ​ຍະ​ເວ​ລາປະ​ມານ 10 ປີ.

ໄທ, ສິງ​ກະ​ໂປ, ລາວ ແລະ ມຽນ​ມາ ຊຸກ​ຍູ້​ການ​ຮ່ວມ​ມື​ຕ້ານ​ອາດ​ຊະ​ຍາ​ກຳ​ຢາ​ເສບ​ຕິດ ໄທ ແລະ ສິງກະໂປ ຫາກໍ່ຈັດຕັ້ງພິທີມອບຮັບ ກ່ຳປັ່ນລາດຕະເວນ 3 ລຳໃຫ້ແກ່ລາວ ແລະ ມຽນມາເພື່ອແນໃສ່ຊຸກຍູ້ການຮ່ວມມືປາບປາມອາດຊະຍາກຳຢາເສບຕິດຢູ່ຕາມລຳແມ່ນ້ຳຂອງ.