| ສັນຍາ EVFTA: ຍົກສູງລະບົບຕ່ອງໂສ້ມູນຄ່າເພີ່ມ ໃຫ້ແກ່ຜະລິດຕະພັນກະເສດຂອງຫວຽດນາມ | |
| ສັນຍາ EVFTA ມີຜົນສັກສິດແຕ່ວັນທີ 1 ສິງຫາ ປີ 2020 |
ຕາມນັກຂ່າວສຳນັກຂ່າວສານຫວຽດນາມ ປະຈຳນະຄອນຫຼວງ Brussels ໃຫ້ຮູ້ວ່າ ໃນວັນທີ 13 ກໍລະກົດ, ພັນທະມິດເບວຢ້ຽມ - ຫວຽດນາມ (BVA) ໄດ້ສົມທົບກັບສະມາຄົມນັກທຸລະກິດຊາວເບວຢ້ຽມ - Luxembourg ຢູ່ຫວຽດນາມ (Beluxcham) ເພື່ອຈັດຕັ້ງການສຳມະນາປະກາດສົດ ກ່ຽວກັບກາລະໂອກາດເພື່ອດຳເນີນທຸລະກິດ ແລະ ລົງທຶນສຳລັບປະເທດເບວຢ້ຽມ ແລະ ຫວຽດນາມ.
ນີ້ແມ່ນໂອກາດເພື່ອໃຫ້ບັນດາວິສາຫະກິດປະເທດເບວຢ້ຽມ ມີທັດສະນະທີ່ດີກວ່າກ່ຽວກັບທ້ອງຕະຫຼາດຫວຽດນາມໃນປະຈຸບັນ ເພື່ອຍາດແຍ່ງກາລະໂອກາດເມື່ອສັນຍາການຄ້າເສລີລະຫວ່າງສະຫະພາບເອີຣົບ (EU) ແລະ ຫວຽດນາມ (EVFTA) ປະຕິບັດເປັນທາງການ.
 |
| ໝາກມັງກອນຫວຽດນາມ ກະກຽມທີ່ຈະເກັບກ່ຽວເພື່ອສົ່ງອອກໄປເອີຣົບ. (ພາບ: TTXVN) |
ເຂົ້າຮ່ວມກອງປະຊຸມສຳມະນາ ມີທ່ານ ວຸແອັງກ່ວາງ - ເອກອັກຄະລັດຖະທູດຫວຽດນາມ ປະຈຳລາຊະອານາຈັກເບວຢ້ຽມ ແລະ ຫົວໜ້າຄະນະຜູ້ແທນຫວຽດນາມປະຈຳສະຫະພາບເອີຣົບ, ແລະ ທ່ານນາງ Axelle Nicaise - ຮອງຫົວໜ້າຄະນະຜູ້ແທນອີຢູປະຈຳຫວຽດນາມ, ພ້ອມດ້ວຍບັນດາຜູ້ຕາງໜ້າ ກະຊວງອຸດສາຫະກຳ ແລະ ການຄ້າຫວຽດນາມ, ບັນດາອົງການທີ່ມີໜ້າທີ່, ສະມາຄົມວິສາຫະກິດ ແລະ ຜູ້ຕາງໜ້າຈຳນວນເກືອບ 100 ຄົນຂອງບັນດາວິສາຫະກິດເບວຢ້ຽມ.
ທ່ານ ວຸແອັງກ່ວາງ - ເອກອັກຄະລັດຖະທູດຫວຽດນາມ ປະຈຳລາຊະອານາຈັກເບວຢ້ຽມ ໃຫ້ຮູ້ວ່າ ສັນຍາ EVFTA ທີ່ມີຜົນບັງຄັບນຳໃຊ້ໃນວັນທີ 1 ສິງຫາ ເຊິ່ງຈະນຳມາບັນດາຜົນສະທ້ອນທີ່ດີໃຫ້ແກ່ບັນດານັກສົ່ງອອກ ຂອງປະເທດເບວຢ້ຽມ ໃນຂະນະທີ່ການເຕີບໂຕຂອງເສດຖະກິດຫວຽດນາມ ເຕັມໄປດ້ວຍຄວາມຫວັງ ບໍ່ຫົວຊາຕໍ່ການແຜ່ລະບາດຂອງພະຍາດ COVID-19 ແລະ ສ້າງກຳລັງແຮງຊຸກຍູ້ການພົວພັນດ້ານການຄ້າລະຫວ່າງຫວຽດນາມ - ອີຢູ ເວົ້າລວມ ແລະ ຫວຽດນາມ - ເບວຢ້ຽມເວົ້າສະເພາະ.
ທ່ານເອກອັກຄະລັດຖະທູດ ວຸແອັງກ່ວາງ ໄດ້ສະແດງຄວາມຫວັງວ່າ ຫວຽດນາມ ແລະ ເບວຢ້ຽມ ໄດ້ເພີ່ມທະວີການຄ້າ ແລະ ການລົງທຶນສອງຝ່າຍໃນບັນດາຂົງເຂດທີ່ມີຜົນປະໂຫຍດລວມ ແລະ ເພີ່ມເຕີມຊຶ່ງກັນແລະກັນ, ເຊັ່ນ: ກະສິກຳ ສະຫຼາດ, ຄວາມປອດໄພດ້ານສະບຽງອາຫານ, ເຕັກໂນໂລຢີສິ່ງແວດລ້ອມ ແລະ ພະລາທິການ... ແລະ ຫັນໄປສູ່ເເປົ້າໝາຍລວມຂອງການຂະຫຍາຍຕົວພັດທະນາແບບຍືນຍົງພາຍຫຼັງໄລຍະລະບາດຂອງພະຍາດ COVID-19.
ທ່ານເອກອັກຄະລັດຖະທູດ ວຸແອັງກ່ວາງ ເນັ້ນໜັກວ່າ, ຫວຽດນາມມີຄວາມສາມາດອຳນວຍຄວາມສະດວກ ໃຫ້ບັນດາການລົງທຶນສົ່ງອອກຂອງປະເທດເບວຢ້ຽມ ສຳຫຼັບຂົງເຂດທ່າກຳປັ່ນທະເລ, ເຕັກໂນໂລຢີດີຈີຕອນ, ເຄືອຂ່າຍຂົນສົ່ງທາງລົດໄຟ ແລະ ທາງທະເລ…ຄຽງຂ້າງນັ້ນ, ທ່ານເອກອັກຄະລັດຖະທູດ ກໍ່ຮຽກຮ້ອງໃຫ້ບັນດາວິສາຫະກິດຂອງປະເທດເບວຢ້ຽມ ໄດ້ປະກອບສ່ວນສຽງຂອງຕົນ ເພື່ອຊຸກຍູ້ລັດຖະບານເບວຢ້ຽມຮັບຮອງເອົາສັນຍາປົກປ້ອງການລົງທຶນ (EVIPA) ໂດຍໄວທີ່ສຸດ.
ໃນບົດກ່າວປາໄສຂອງບັນດານັກປາຖະກະຖາຂອງ EU ແລະ ປະເທດເບວຢ້ຽມ ໄດ້ຍ້ອງຍໍຊົມເຊີຍບັນດາຜົນງານຂອງຫວຽດນາມ ໃນການຕໍ່ສູ້ກັບການລະບາດຂອງພະຍາດ COVID-19 ແລະ ມາດຕະການສະໜັບສະໜູນດ້ານເສດຖະກິດໄດ້ປະສິດທິຜົນ.
ກ່າວຄຳເຫັນທີ່ການສົນທະນາ, ທ່ານນາງ Axelle Nicaise - ຮອງຫົວໜ້າຄະນະຜູ້ແທນອີຢູປະຈຳຫວຽດນາມ ເນັ້ນໜັກເຖິງບັນດາຂໍ້ທ່າໄດ້ປຽບຂອງສັນຍາ EVFTA, ເຊັ່ນ: ເປີດກາລະໂອກາດໃຫ້ແກ່ປະເທດເບວຢ້ຽມ ເພື່ອດຳເນີນທຸລະກິດ ແລະ ແກ່ງແຍ່ງຢ່າງສະເໝີພາບກັບບັນດາປະເທດອື່ນໆ ທີ່ມີ FTA ກັບຫວຽດນາມແລ້ວ.
ທ່ານນາງ Nicaise ກ່າວວ່າ ທ້ອງຕະຫລາດຫວຽດນາມຈະມີການປັບປຸງ ແລະ ສະຖຽນລະພາບທາງດ້ານກົດໝາຍຫລາຍຂື້ນ, ສະນັ້ນການດຶງດູດການລົງທືນເພີ່ມຂຶ້ນ, ພ້ອມກັບຄຳໝັ້ນສັນຍາຫລາຍຢ່າງ ເພື່ອການພັດທະນາແບບຍືນຍົງຈາກປະເທດວຽດນາມ ຈະໄດ້ປະຕິບັດເມື່ອຂໍ້ຕົກລົງມີຜົນສັກສິດ, ສ້າງສະພາບແວດລ້ອມແຫ່ງການດຳເນີນທຸລະກິດທີ່ອຳນວຍຄວາມສະດວກໃຫ້ນັບມື້ນັບສູງຂື້ນ.
 | ຫວຽດນາມ ມີກາລະໂອກາດເພື່ອນຳໃຊ້ປະໂຫຍດ ຈາກ EVFTA ຍສໝ - ປະເທດຫວຽດນາມມີໂອກາດດີທີ່ຈະນຳໃຊ້ປະໂຫຍດຈາກສັນຍາການຄ້າເສລີຫວຽດນາມ - ອີຢູ (EVFTA), ໃນຂະນະທີ່ດຶງດູດການລົງທືນໂດຍກົງຈາກຕ່າງປະເທດຈາກບັນດາວິສາຫະກິດເອີຣົບ - ປະທານສະມາຄົມນັກທຸລະກິດເອີຣົບ ທີ່ປະເທດຫວຽດນາມ (EuroCham), ທ່ານ Nicolas Audier ກ່າວ. |
 | ສັນຍາ CPTPP ຈະກະຕຸກຊຸກຍູ້ ເສດຖະກິດລະຫວ່ງ ຫວຽດນາມ - ການາດາ ຍສໝ - ລັດຖະມົນຕີສອງທ່ານ ໄດ້ແລກປ່ຽນສະພາບການປ້ອງກັນ, ສະກັດກັ້ນໂລກລະບາດໂຄວິດ-19 ຂອງ ຫວຽດນາມ ແລະ ການາດາ, ພ້ອມທັງສະເໜີເພີ່ມທະວີລະບົບສະໜອງ, ການຜະລິດ ແລະ ການ ສົ່ງອອກ, ໃນນັ້ນພິເສດແມ່ນຜ້າອັດປາກ, ອຸປະກອນປ້ອງກັນພະຍາດໃນສະພາບການໂລກລະບາດໂຄວິດ-19. |
 | ສັນຍາການຄ້າເສລີ ຫວຽດນາມ - ອີຢູ (EVFTA): ຊຸກຍູ້ການເຕີບໂຕຂອງ ຫວຽດນາມ ຍສໝ - ເມື່ອ EVFTA ມີຜົນສັກສິດຈະລົບລ້າງກ່ວາ 99% ປະເພດພາສີຕາມວິວັດທະນາການ,ສ້າງຄວາມສະດວກໃຫ້ບັນດາປະເພດສິນຄ້າມີທ່າແຮງສົ່ງອອກໄປຍັງຕະຫຼາດ EU ໃນ ປັດຈຸບັນຂອງ ຫວຽດນາມ. |
ຄຳຮຸ່ງ
