| ຫາງສຽງສື່ມວນຊົນ ສາກົນ ຕີລາຄາສູງເລື່ອງຫວຽດນາມຊຸກຍູ້ການຮ່ວມມືປ້ອງກັນ,ຕ້ານໂລກລະບາດໂຄວິດ-19 | |
| ຄະນະພົວພັນຕ່າງປະເທດສູນກາງພັກ ເຜີຍແຜ່ເອກະສານ ສໍາຄັນຂອງພັກ ຂອງ ຊາດ |
 |
| ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກ. |
ໃຫ້ກຽດເຜີຍແຜ່ໂດຍ ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກ ແລະ ທ່ານ ສົມພອນ ສີຈະເລີນ ຮອງຫົວໜ້າຄະນະພົວພັນຕ່າງປະເທດສູນກາງພັກ, ໂດຍມີ ພະນັກງານ - ລັດຖະກອນ ພາຍໃນຄະນະພົວພັນ ຕ່າງປະເທດສູນກາງພັກ ເຂົ້າຮ່ວມ.
ໂອກາດດັ່ງກ່າວ, ທ່ານ ນາງ ສູນທອນ ໄຊຍະຈັກ ໄດ້ເລົ່າຄືນປະຫວັດມູນເຊື້ອ ວິລະກໍາໂຕນຄຸກ ຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ທີ່ສ່ອງແສງໃຫ້ເຫັນເຖິງຄວາມປີຊາສາມາດ ສະຫລາດສ່ອງໃສຂອງຜູ້ນໍາພັກ ທີ່ມີການວາງແຜນການ ແລະ ມີການເຄື່ອນໄຫວຢ່າງມີໄຫວພິບ ຈົນສາມາດແຫກອອກຈາກຄຸກໄປສູ່ເຂດທີ່ໝັ້ນປະຕິວັດ ໄດ້ຢ່າງປອດໄພ. ພ້ອມນັ້ນ, ທ່ານຍັງໄດ້ຫວນຄືນ ເຖິງຊີວິດການເຄື່ອນໄຫວ ປະຕິວັດຂອງປະທານ ໂຮ່ຈິມິນ ຜູ້ນໍາທີ່ແສນຄົບລົບຮັກ ຂອງປະຊາຊົນຫວຽດນາມ ເນື່ອງໃນໂອກາດວັນຄ້າຍວັນເກີດ ຄົບຮອບ 130 ປີ, ໄດ້ຫວນຄືນຄວາມໝາຍສໍາຄັນຂອງໄຊຊະນະ ຂອງປະຊາຊົນຫວຽດນາມ ໃນບັ້ນຮົບໂຮ່ຈິມິນ ໃນເດືອນເມສາ 1975, ເຊິ່ງເປັນການສິ້ນສຸດການປະຕິວັດປົດປ່ອຍຊາດຂອງ ປະຊາຊົນຫວຽດນາມ ສໍາເລັດພາລະກິດທ້ອນໂຮມປະເທດຊາດເປັນເອກະພາບ, ສືບຕໍ່ການສ້າງສັງຄົມນິຍົມ ຢ່າງໜັກແໜ້ນ, ທັງເປັນການສ້າງໂອກາດທີ່ດີທີ່ສຸດ ໃຫ້ແກ່ພາລະກິດປະຕິວັດຊາດປະຊາທິປະໄຕຢູ່ລາວ, ກ້າວໄປເຖິງການຢຶດອໍານາດ ແລະ ສະຖາປະນາ ສປປ ລາວ ໃນວັນທີ 2 ທັນວາ 1975.
 |
| ບັນຍາກາດທີ່ກອງປະຊຸມ. |
ໂອກາດດຽວກັນ, ທ່ານ ສົມພອນ ສີຈະເລີນ ຮອງຫົວໜ້າຄະນະພົວພັນຕ່າງປະເທດສູນກາງພັກກໍໄດ້ຫວນຄືນວັນໄຊຊະນະ ຂອງສະຫະພາບໂຊວຽດເໜືອຟາດຊິດເຢຍລະມັນ ໃນສົງຄາມໂລກຄັ້ງທີ II ຄົບຮອບ 75 ປີ ແລະ ໄດ້ຫວນຄືນເຖິງປະຫວັດຊີວິດການເຄື່ອນໄຫວຂອງທ່ານ ເລນິນ, ຜູ້ນຳຂອງມະຫາປະຕິວັດສັງຄົມນິຍົມ ເດືອນຕຸລາ ຂອງລັດເຊຍ ປີ 1917 ຄົບຮອບ 150 ປີ, ເຊິ່ງເປັນຜູ້ນໍາໃຊ້ທິດສະດີຂອງມາກ ຢ່າງມີຫົວຄິດປະດິດສ້າງເຂົ້າໃນສະພາບຕົວຈິງ ຂອງປະເທດລັດເຊຍ, ຈົນກາຍເປັນລັດທິມາກ-ເລນິນ, ເຊິ່ງເປັນພື້ນຖານທາງດ້ານທິດສະດີ ຂອງຂະບວນການປະຕິວັດຊົນຊັ້ນກຳມະຊີບ ມາຮອດປັດຈຸບັນ.
ຜ່ານການຮັບຟັງປາຖະກະຖາໃນຄັ້ງນີ້, ເຮັດໃຫ້ພະນັກງານທົ່ວຄະນະ ພົວພັນຕ່າງປະເທດສູນກາງພັກ ສາມາດກໍາແໜ້ນມູນເຊື້ອອັນພິລະອາດຫານ ຂອງບັນດາຜູ້ນໍາຂອງພັກປະຊາຊົນ ປະຕິວັດລາວ ໃນການຕໍ່ສູ້ເພື່ອເອກະລາດແຫ່ງຊາດ, ເຂົ້າໃຈເລິກເຊິ່ງກວ່າເກົ່າກ່ຽວກັບບັນດາເຫດການທີ່ສຳຄັນຕ່າງໆ, ຮູ້ໄດ້ຜົນງານການເຄື່ອນໄຫວປະຕິວັດ ຂອງຜູ້ນຳທີ່ມີຊື່ສຽງຂອງໂລກ ທີ່ມີບົດບາດນຳພາປະຊາຊົນ ໃຫ້ຫລຸດພົ້ນອອກ ຈາກການກົດຂີ່ຂູດຮີດ.
 | ພັດທະນານະຄອນໂຮ່ຈີມິນ ກາຍເປັນສູນການເງິນລະດັບພາກພື້ນ ແລະ ສາກົນ ໃນຕອນເຊົ້າວັນທີ 8 ຕຸລາ 2019, ນະຄອນໂຮ່ຈີມິນ ໄດ້ຈັດຕັ້ງການຖະແຫຼງຂ່າວ ກ່ຽວກັບເວທີປາໄສເສດຖະກິດນະຄອນໂຮ່ຈີມິນ ປີ 2019 ດ້ວຍຫົວຂໍ້ “ພັດທະນານະຄອນໂຮ່ຈີມິນກາຍເປັນສູນການເງິນລະດັບພາກພື້ນ ແລະ ສາກົນ”, ເຊິ່ງຈະດໍາເນີນໃນວັນທີ 18 ຕຸລາ. |
 | ສາກົນ ຊ່ວຍເຫລືອປະຊາຊົນ ທີ່ຖືກຜົນກະທົບຈາກໄພພິບັດນ້ຳຖ້ວມຢູ່ບັນດາແຂວງພາກກາງ ແລະ ພາກໃຕ້ຂອງລາວ ກອງປະຊຸມປຶກສາຫາລືກ່ຽວກັບການປະເມີນການຊ່ວຍເຫຼືອຈາກສາກົນ ເພື່ອຟື້ນຟູໄພພິບັດຢູ່ເມືອງສະໜາມໄຊ ແຂວງອັດຕະປຶ ຈັດຂຶ້ນໃນອາທິດແລ້ວນີ້ ທີ່ ກະຊວງການຕ່າງປະເທດ ເປັນປະທານຂອງທ່ານນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ມີຮອງລັດຖະມົນຕີຈາກກະຊວງ ຜູ້ຕາງໜ້າອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ. |
 | ຄະນະພົວພັນຕ່າງປະເທດສູນກາງພັກ ເຜີຍແຜ່ ເອກະສານສຳຄັນຂອງຊາດ ແລະ ສາກົນ ໃນວັນທີ 27 ສິງຫາ 2019, ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດປາຖະ ກະຖາເຜີຍແຜ່, ເຊື່ອມຊຶມ ເອກະສານສຳຄັນຂອງຊາດ ແລະ ສາກົນ ແກ່ຄະນະພັກ, ຄະນະກົມ ພ້ອມດວ້ຍພະນັກງານ-ລັດຖະກອນ ຄື: ວັນຢຶດອຳນາດທົ່ວປະເທດ 23 ສິງຫາ 1945 ຄົບຮອບ 74 ປີ ແລະ ວັນຢຶດອຳນາດ ... |
kpl.gov.la
