ການສົນທະນາທາງອອນລາຍ ລະຫວ່າງຮອງລັດຖະມົນຕີກະຊວງປ້ອງກັນປະເທດຫວຽດນາມ - ຍີ່ປຸ່ນ

	ໜັງສືພິມຍີ່ປຸ່ນ: EVFTA ຈະຊ່ວຍຊຸກຍູ້ຂະຫຍາຍຕົວ ພື້ນຖານເສດຖະກິດຫວຽດນາມ
	ຫວຽດນາມ - ຍີ່ປຸ່ນ ຊຸກຍູ້ເສດຖະກິດພາຍຫຼັງ COVID-19

ທີ່ການໂອ້ລົມສົນທະນາ, ທ່ານພົນໂທ ຫງວຽນຈີວິ້ງ ໄດ້ແບ່ງປັນ, ອັບເດັດຂໍ້ມູນຂ່າວສານກ່ຽວກັບສະພາບການລະບາດຂອງພະຍາດ COVID-19 ຢູ່ຫວຽດນາມ. ທ່ານຫງວຽນຈີວິ້ງ - ຮອງລັດຖະມົນຕີກະຊວງປ້ອງກັນປະເທດ ໄດ້ເນັ້ນໜັກວ່າ ໃນປະຈຸບັນ ຫວຽດນາມໄດ້ປະສົບຜົນສຳເລັດໃນການຄວບຄຸມໂລກລະບາດ, ຍ້ອນມີການເຂົ້າຮ່ວມຂອງທັງລະບົບການເມືອງ, ດ້ວຍການຊີ້ນຳທິດທາງຢ່າງດຸເດືອດຂອງລັດຖະບານ, ການເຂົ້າຮ່ວມຂອງທຸກກະຊວງ, ສາຂາ ແລະ ທ້ອງຖິ່ນ, ໃນນັ້ນກອງທັບປະຊາຊົນຫວຽດນາມ ມີບົດບາດສຳຄັນ ແລະ ຕັ້ງໜ້າ.

ທ່ານພົນໂທ ຫງວຽນຈີວິ້ງ - ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ. (ພາບ: qdnd)

ທ່ານຫງວຽນຈີວິ້ງ - ຮອງລັດຖະມົນຕີກະຊວງປ້ອງກັນປະເທດ ໄດ້ຕີລາຄາສູງຜົນສຳເລັດຂອງປະເທດຍີ່ປຸ່ນ, ດ້ວຍບົດບາດ ແລະ ການປະກອບສ່ວນຂອງກະຊວງປ້ອງກັນປະເທດຍີ່ປຸ່ນ ໃນການປ້ອງກັນ ແລະ ຄວບຄຸມພະຍາດ COVID-19; ກໍ່ຄືຈິດໃຈການຮ່ວມມືສາກົນຂອງຍີ່ປຸ່ນ ກ່ຽວກັບການແລກປ່ຽນຂໍ້ມູນຂ່າວສານ, ປະສົບການໃນການຮັບມືກັບການລະບາດຂອງພະຍາດ, ແລະ ການສະໜັບສະໜູນປະເທດທີ່ໃນໄລຍະຫຍຸ້ງຍາກ.

ໃນສະພາບການທີ່ຕໍ່ຕ້ານພະຍາດ COVID-19 ຍັງຍາວນານ ແລະ ສັບສົນ, ກະຊວງປ້ອງກັນປະເທດຫວຽດນາມ ປາດຖະໜາຢາກສືບຕໍ່ຮ່ວມມື, ສະໜັບສະໜູນ ແລະ ແບ່ງປັນປະສົບການກັບກະຊວງປ້ອງກັນປະເທດຍີ່ປຸ່ນ.

ທ່ານຫງວຽນຈີວິ້ງ - ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ເນັ້ນໜັກວ່າ ພາຍຫຼັງການລະບາດພະຍາດ COVID-19 ໄດ້ຮັບການຄວບຄຸມຢ່າງຄົບຖ້ວນ, ກະຊວງປ້ອງກັນປະເທດຫວຽດນາມ ພ້ອມແລ້ວທີ່ຈະຮ່ວມມືກັບກະຊວງປ້ອງກັນປະເທດຍີ່ປຸ່ນ ໄດ້ສືບຕໍ່ປະຕິບັດແຜນການຮ່ວມມືໃນປີ 2020 ດ້ວຍເນື້ອໃນຄື: ແລກປ່ຽນຄະນະຜູ້ແທນຂັ້ນສູງ, ຮ່ວມມືໃນບັນດາເວທີປາໄສຫຼາຍຝ່າຍ, ເຂົ້າຮ່ວມບັນດາການເຄື່ອນໄຫວ ທີ່ຮັກສາຄວາມສັນຕິພາບຂອງສະຫະປະຊາຊາດ, ຜ່ານຜ່າຜົນສະທ້ອນຈາກສົງຄາມ, ຝຶກອົບຮົມພະນັກງານ, ທະຫານການແພດ.

ທ່ານ Nishida Yasumori - ຮອງລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ຕີລາຄາສູງຄວາມພະຍາຍາມຂອງຫວຽດນາມ, ພິເສດແມ່ນການປະກອບສ່ວນຂອງກອງທັບປະຊາຊົນຫວຽດນາມ ໃນການປ້ອງກັນ ແລະ ຄວບຄຸມ COVID-19. ທ່ານ Nishida Yasumori ຖືວ່າ ນີ້ເປັນປະສົບການທີ່ມີຄຸນຄ່າສຳລັບຫລາຍໆປະເທດ ໃນການປ້ອງກັນ ແລະ ຄວບຄຸມການລະບາດຂອງພະຍາດ COVID-19.

ການສົນທະນາທາງອອນລາຍ ລະຫວ່າງຮອງລັດຖະມົນຕີກະຊວງປ້ອງກັນປະເທດຫວຽດນາມ - ຍີ່ປຸ່ນ. (ພາບ: qdnd)

ທ່ານ Nishida Yasumori - ຮອງລັດຖະມົນຕີກະຊວງປ້ອງກັນປະເທດຍີ່ປຸ່ນ ຢືນຢັນວ່າ ຍີ່ປຸ່ນພ້ອມແລ້ວທີ່ຈະຮ່ວມມື ແລະ ແບ່ງປັນປະສົບການໃນການປ້ອງກັນ ແລະ ຄວບຄຸມການລະບາດຂອງພະຍາດ COVID-19 ກັບຫວຽດນາມ ແລະ ຈະຜັນຂະຫຍາຍບັນດາການເຄື່ອນໄຫວຮ່ວມມືດ້ານປ້ອງກັນຊາດເຊິ່ງສອງຝ່າຍໄດ້ຕົກລົງກັນ. ຍີ່ປຸ່ນ ຈະສະໜັບສະໜູນ ຫວຽດນາມ ໃນການຈັດຕັ້ງການເຄື່ອນໄຫວຕ່າງໆຢ່າງປະສົບຜົນສຳເລັດໃນປີທີ່ ຫວຽດນາມ ດຳລົງຕຳແໜ່ງເປັນປະທານອາຊຽນ, ໃນນັ້ນມີບັນດາການເຄື່ອນໄຫວໃນຂອບເຂດປະຊຸມ ADMM +.

ຄຽງຂ້າງນັ້ນ, ສອງຝ່າຍຍັງໄດ້ແລກປ່ຽນຄຳຄິດຄຳເຫັນກ່ຽວກັບພາກພື້ນ ແລະ ທົ່ວໂລກທີ່ສອງຝ່າຍສົນໃຈຮ່ວມກັນ. ຕາມທ່ານຮອງລັດຖະມົນຕີກະຊວງປ້ອງກັນປະເທດຍີ່ປຸ່ນ, ໃນ​ໄລຍະຜ່ານມາ ມີການກະທຳຫຼາຍຢ່າງທີ່ເຮັດໃຫ້ເກີດຂຶ້ນສະພາບການເຄັ່ງຕຶງ ແລະ ສັບສົນຢູ່ທະເລຕາເວັນອອກ. ຍີ່ປຸ່ນໄດ້ສະແດງຄວາມຄັດຄ້ານການກະທຳດັ່ງກ່າວຢ່າງເດັດຂາດ.

ໜັງສືພິມຍີ່ປຸ່ນ: EVFTA ຈະຊ່ວຍຊຸກຍູ້ຂະຫຍາຍຕົວ ພື້ນຖານເສດຖະກິດຫວຽດນາມ ຍສໝ - ຕາມໜັງສືພິມ Nikkei Asia Review ຂອງຍີ່ປຸ່ນ, ໃນວັນທີ 8 ມິຖຸນາ ສະພາແຫ່ງຊາດຫວຽດນາມ ໄດ້ຮັບຮອງເອົາສັນຍາການຄ້າເສລີກັບສະຫະພາບເອີຣົບ (ອີຢູ), ສັນຍາ EVFTA ຈະໃຫ້ກຳລັງໜູນທີ່ຈຳເປັນຢ່າງສຳຄັນ ເພື່ອຊຸກຍູ້ຂະຫຍາຍຕົວພື້ນຖານເສດຖະກິດຫວຽດນາມ.

ຍີ່ປຸ່ນ ຄິດໄລ່ອະນຸຍາດໃຫ້ນັກທ່ອງທ່ຽວຫວຽດນາມ ທີ່ຈະເຂົ້າເມືອງຄືນໃໝ່ ຍສໝ - ຍ້ອນການຄວບຄຸມພະຍາດ COVID-19 ທີ່ດີ, ປະເທດຫວຽດນາມ ໄດ້ຢູ່ແມ່ນໜຶ່ງໃນ 4 ປະເທດທຳອິດ ທີ່ລັດຖະບານຍີ່ປຸ່ນ ພິຈາລະນາອະນຸຍາດໃຫ້ຜ່ອນຜັນ ສຳຫຼັບຄຳສັ່ງຈຳກັດໃນການເຂົ້າເມືອງ.

ຊາວຫວຽດນາມ ຢູ່ ຍີ່ປຸ່ນ ສະແດງຄວາມສາມັກຄີໃນການຮັບມືກັບພະຍາດ Covid-19 ຍສໝ - ໂດຍສະພາບພະຍາດປອດອັກເສບ Covid-19 ກຳລັງແຜ່ລະບາດຢ່າງໄວວາ ຢູ່ຍີ່ປຸ່ນ, ທ່ານ ຫວຸຮົງນາມ - ເອກອັກຄະລັດຖະທູດຫວຽດນາມ ປະຈຳຍີ່ປຸ່ນ ໄດ້ຕີລາຄາສູງຕໍ່ຄວາມໃຈເຢັນ ແລະ ພາກພຽນ ແລະ ພ້ອມທັງຈິດໃຈ “ຄວາມສາມັກຄີ, ຮັກແພງເຊິ່ງກັນ ແລະ ກັນ” ຂອງປະຊາຄົມຊາວຫວຽດນາມ ຢູ່ ຍີ່ປຸ່ນໃນການຕອບໂຕ້ກັບພະຍາດ Covid-19.