 |
| ທ່ານຮ່າກິມງອກ ເອກອັກຄະລັດຖະທູດຫວຽດນາມປະຈຳອາເມລິກາ ແລະ ທ່ານ Adam Boehler ຜູ້ອຳນວຍການຝ່າຍບໍລິຫານ DFC (ພາບ: TTXVN) |
ທີ່ການພົບປະ, ສອງຝ່າຍໄດ້ຕີລາຄາສູງບັນດາການເຄື່ອນໄຫວຮ່ວມມືລະຫວ່າງ DFC ແລະ ບັນດາອົງການຂອງຫວຽດນາມໃນໄລຍະທີ່ຜ່ານມາ. ທ່ານ Adam Boehler ໄດ້ສະແດງຄວາມປະທັບໃຈຕໍ່ການເດີນທາງໄປປະຕິບັດງານຂອງຫວຽດນາມໃນຕົ້ນເດືອນມັງກອນ 2020 ເມື່ອທ່ານມີໂອກາດໄດ້ເຂົ້າຢ້ຽມຂ່ຳນັບ ແລະ ລາຍງານຕໍ່ ທ່ານຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ກ່ຽວກັບໂຄງການຮ່ວມມືລະຫວ່າງ DFC ແລະ ຫວຽດນາມ. ທ່ານກໍ່ຫວັງວ່າບັນດາກອງປະຊຸມຢູ່ທຸກຂັ້ນໃນການເຮັດວຽກລະຫວ່າງ DFC ແລະ ບັນດາອົງການຫວຽດນາມ, ໃນນັ້ນມີ ກະຊວງແຜນການ ແລະ ການລົງທຶນຈະສືບຕໍ່ຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ແລ້ວຢ່າງມີປະສິດທິຜົນ.
ຕໍ່ໜ້າບັນດາສິ່ງທ້າທາຍຂອງໂລກລະບາດ Covid – 19, ການນຳ DFC ໄດ້ເນັ້ນໜັກເຖິງການຮ່ວມມືຢ່າງມີປະສິດທິຜົນລະຫວ່າງ ຫວຽດນາມ ແລະ ອາເມລິກາ ໃນການຜະລິດ ແລະ ສະໜອງບັນດາອຸປະກອນການແພດ, ປົກປ້ອງເພື່ອປ້ອງກັນ, ຕ້ານໂລກລະບາດ Covid – 19. ສ່ວນທ່ານ ຮ່າກິມງອກ ເອກອັກຄະລັດຖະທູດ ໄດ້ແບ່ງປັນ ກັບທ່ານ Adam ກ່ຽວກັບບົດຮຽນປະສົບການຈຳນວນໜຶ່ງຂອງຫວຽດນາມໃນວຽກງານຄວບຄຸມໂລກລະບາດ Covid – 19 ແລະ ບັນດາບຸລິມະສິດໃນການຟື້ນຟູເສດຖະກິດ, ຊຸກຍູ້ການຮ່ວມມືໃນພາກພື້ນ ແລະ ສາກົນບົນພື້ນຖານເປັນປະທານອາຊຽນ 2020.
ເນື່ອງໃນໂອກາດນີ້ທ່ານຮ່າກິມງອກ ໄດ້ມອບຜ້າອັດປາກ - ດັງ 500ອັນ ໂດຍບັນດາວິສາຫະກິດຫວຽດນາມຜະລິດ ເພື່ອໃຫ້ພະນັກງານ DFC ສາມາດນຳໃຊ້ເພື່ອກັບຄືນຫ້ອງການເຮັດວຽກພາຍຫຼັງການປະຕິບັດການແຍກຫ່າງທົ່ວສັງຄົມມາເປັນໄລຍະໜຶ່ງ. ທ່ານ Adam Boehler ຜູ້ອຳນວຍການຝ່າຍບໍລິຫານແລະ ບັນດາພະນັກງານຕາງໜ້າ DFC ໄດ້ສະແດງຄວາມຂອບໃຈຕໍ່ການເອົາໃຈໃສ່, ການແບ່ງປັນຂອງສະຖານທູດຫວຽດນາມ ແລະ ບັນດາວິສາຫະກິດທີ່ກ່ຽວຂ້ອງ ແລະ ຕີລາຄາສູງຄຸນນະພາບຂອງບັນດາຜະລິດຕະພັນຜ້າອັດປາກ - ດັງ ໂດຍຫວຽດນາມຜະລິດ.
 | ສະພາແຫ່ງຊາດຫວຽດນາມມອບວັດຖຸ, ອຸປະກອນການແພດໃຫ້ລັດຖະສະພາບາງປະເທດອາບຟຼິກກາ, ຕາເວັນອອກກາງ ໂດຍຕາງໜ້າເອກອັກຄະລັດຖະທູດບັນດາປະເທດຮັບວັດຖຸ, ອຸປະກອນການແພດ, ທ່ານ Saadi Salama ເອກອັກຄະລັດຖະທູດ ປາແລັດສະຕິນປະຈຳຫວຽດນາມໄດ້ຕີລາຄາສູງປະສິດທິຜົນຂອງວຽກງານປ້ອງກັນ, ສະກັດກັ້ນໂລກລະບາດ Covid – 19 ຢູ່ຫວຽດນາມໃນໄລຍະທີ່ຜ່ານມາ, ສະແດງຄວາມຂອບໃຈຢ່າງເລິກເຊິ່ງສຳລັບນ້ຳໃຈ, ຄວາມຊ່ວຍເຫຼືອອັນລ້ຳຄ່າຂອງສະພາແຫ່ງຊາດ, ປະຊາຊົນຫວຽດນາມທີ່ສະຫງວຽນໃຫ້ແກ່ລັດຖະສະພາ ແລະ ປະຊາຊົນບັນດາປະເທດ. |
 | ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ອາເມລິກາຮັກສາທ່າພັດທະນາໃນຫຼາຍຂົງເຂດ ຍສໝ - ທ່ານ ດ່ວານຄັກວຽດ ຮອງໂຄສົກກະຊວງການຕ່າງປະເທດ ຫວຽດນາມໃຫ້ຮູ້ວ່າ: ການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ - ອາເມລິກາໃນໄລຍະທີ່ຜ່ານມາ ໄດ້ຮັກສາທ່າພັດທະນາໃນຫຼາຍຂົງເຂດ, ໃນນັ້ນມີການຮ່ວມມືດ້ານປ້ອງກັນຊາດ |
 | ທ່ານ Donal Trump ປະທານາທີບໍດີອາເມລິກາ ຂອບໃຈຫວຽດນາມ ທີ່ໄດ້ໜູນຊ່ວຍອາເມລິກາ ຍສໝ - ນີ້ແມ່ນງວດສິນຄ້າທີໜຶ່ງໃນສອງງວດທຳອິດດ້ວຍເຄື່ອງນຸ່ງປ້ອງກັນ Dupont ກ່ວາ 450.000 ຊຸດທີ່ໄດ້ຜະລິດ ຢູ່ ຫວຽດນາມ. |
ບຸນຄົງ
