| ຊຸກຍູ້ການໜູນຊ່ວຍການຮຽນຮູ້, ກຳນົດທິດອາຊີບໃຫ້ແກ່ຊາວໜຸ່ມ, ນັກສຶກສາ ຫວຽດນາມ ຢູ່ ສາທາລະນະລັດເຊັກໂກ | |
| ວິສາຫະກິດຮ່າໂນ້ຍ ແລະ ລາວ ຮ່ວມມືແລກປ່ຽນຂໍ້ມູນຂ່າວສານ ແລະ ຜະລິດຕະພັນບໍລິໂພກ |
ນີ້ແມ່ນການເຄື່ອນໄຫວຕົ້ນຕໍໃນບັນດາລະບົບເຫດການແນະນຳການປະກອບອາຊີບ ທີ່ໄດ້ດຳເນີນໃນຕະຫຼອດເດືອນມີນາ 2024, ໃນນັ້ນ ມີບັນດາການສົນທະນາອອນໄລ ເພື່ອອັບເດດທ່າອ່ຽງຮັບບັນຈຸ ແລະ ຄວາມຕ້ອງການຊັບພະຍາກອນມະນຸດຢູ່ ອາເມລີກາ ໃນຂົງເຂດການເງິນ, ເຕັກໂນໂລຢີ, ການປະດິດຄິດສ້າງ ໂດຍຜ່ານນັ້ນ ກໍ່ໃຫ້ຄຳປຶກສາໃນການໄປຮຽນຢູ່ຕ່າງປະເທດ, ກຳນົດທິດອາຊີບໃຫ້ບັນດານັກຮຽນມັດທະຍົມປາຍ ຫວຽດນາມ.
ການສຳມະນາ ໄດ້ດຶງດູດການເຂົ້າຮ່ວມແບບເຊິ່ງໜ້າຂອງ 150 ກ່ວາຄົນ, ລວມມີນັກຊ່ຽວຊານ, ນັກທຸລະກິດຊາວ ຫວຽດນາມ ຢູ່ ອາເມລິກາ ໃນບົດບາດໃຫ້ຄຳປຶກສາ, ໜູນຊ່ວຍ ແລະ ບັນດານັກສຶກສາ, ນັກສຶກສາ ຫວຽດນາມ ຢູ່ New York ແລະ ບັນດາລັດໃກ້ຄຽງຂອງ ອາເມລິກາ, ພ້ອມກັນນັ້ນ ກໍ່ດຶງດູດການເຂົ້າຮ່ວມຂອງບັນດານັກຊ່ຽວຊານ ແລະ ຊາວໜຸ່ມ ຫວຽດນາມ ໂດຍຜ່ານຮູບແບບອອນລາຍ ເປັນຈຳນວນຫຼວງຫຼາຍ.
 |
| ການສຳມະນາແນະນຳການປະກອບອາຊີບ ແລະ ເຊື່ອມຕໍ່ສຳລັບນັກສຶກສາຫວຽດນາມ ຢູ່ New York.(ພາບ: TTXVN) |
ຫຼາຍການເຄື່ອນໄຫວແທດຈິງ ໄດ້ຈັດຂຶ້ນຄື: ບັນດາກອງປະຊຸມເຈລະຈາ, ແບ່ງປັນປະສົບການໃນການຊອກຫາວຽກເຮັດງານທຳພາຍຫຼັງຮຽນຈົບມະຫາວິທະຍາໄລຢູ່ ອາເມລີກາ; ພິຈາລະນາ ແລະ ໃຫ້ຄຳປຶກສາການສ້າງເອກະສານສະໝັກ, ສຳພາດ; ສະໜອງຂໍ້ມູນ ແລະ ການເຄື່ອນໄຫວເພື່ອສ້າງສາຍພົວພັນລະຫວ່າງບັນດາຜູ້ແທນ...
ທ່ານນາງ ຫວູທິມາຍລຽນ, ຜູ້ຕາງໜ້າຄະນະຜູ້ປະຈຳການ ຫວຽດນາມ ປະຈຳ ສປຊ ໃຫ້ຮູ້ວ່າ ໃນສະພາບເສດຖະກິດໂລກທີ່ຜັນແປໄປ, ທ້ອງຕະຫຼາດແຮງງານຢູ່ ອາເມລິກາ ນັບມື້ນັບແກ່ງແຍ່ງ, ເຫດການ ກໍ່ໄດ້ຈັດຕັ້ງຢ່າງມີຄວາມໝາຍແທດຈິງທີ່ສຸດ. ນີ້ຈະແມ່ນບ່ອນສະໜອງຂໍ້ມູນ, ໜູນຊ່ວຍຊາວໜຸ່ມປະຈຸບັນທີ່ພວມຄົ້ນຄວ້າ, ຮ່ຳຮຽນຢູ່ບັນດາມະຫາວິທະຍາໄລ ອາເມລິກາ ກໍ່ຄືບັນດານັກສຶກສາ ຫວຽດນາມ ໃນຂະບວນການຊອກຫາວຽກເຮັດງານທຳ, ຊອກຫາໂອກາດພັດທະນາອາຊີບ.
“ການໄດ້ຮັບການບຳລຸງສ້າງ, ເຮັດວຽກຢູ່ບັນດາບໍລິສັດຕ່າງປະເທດ ຈະປະກອບສ່ວນສຳຄັນ ເພື່ອຊ່ວຍໃຫ້ໄວໜຸ່ມຍົກສູງທັກສະ, ສະສົມປະສົບການ, ຈາກນັ້ນ ກໍ່ພັດທະນາຕົນເອງ, ກ້າວໄປສູ່ຄວາມສຳເລັດໃນການເຮັດວຽກ, ພ້ອມກັນນັ້ນ ກໍ່ເປີດໂອກາດ ເພື່ອພວກເຂົາຈະປະກອບສ່ວນໃຫ້ແກ່ປະເທດຊາດໃນອານາຄົດ". ທ່ານນາງ ວູທິມາຍລຽນ ຢືນຢັນ.
ທ່ານນາງ ລຽນ ໃຫ້ຮູ້ຕື່ມອີກວ່າ ຄະນະຜູ້ປະຈຳການ ຫວຽດນາມ ປະຈຳ New York ຍາມໃດກໍ່ກຳນົດວ່າ ການໜູນຊ່ວຍປະຊາຄົມຊາວ ຫວຽດນາມ ໃນບໍລິເວນແມ່ນໜ້າທີ່ສຳຄັນ. ຫວ່າງມໍ່ໆມານີ້, ຄະນະຜູ້ແທນໄດ້ອຸປະຖຳໃຫ້ຫຼາຍການເຄື່ອນໄຫວຊຸມຊົນ ໂດຍບັນດາສະມາຄົມຊາວໜຸ່ມນັກສຶກສາຢູ່ New York ເວົ້າສະເພາະ ແລະ ຢູ່ ອາເມລີກາ ເວົ້າລວມ ຈັດຕັ້ງ, ໃນນັ້ນ ມີບັນດາໂຄງການແນະນຳອາຊີບ. ດ້ວຍຈິດໃຈນັ້ນ, ຄະນະຜູ້ແທນຈະສືບຕໍ່ຮ່ວມເດີນທາງ, ໜູນຊ່ວຍໃຫ້ຊາວໜຸ່ມ, ນັກສຶກສາຫວຽດນາມ ໃນຂະບວນການດຳລົງຊີວິດ, ຮ່ຳຮຽນ ແລະ ເຮັດວຽກຢູ່ ອາເມລິກາ, ພ້ອມກັນນັ້ນ ກໍ່ຈະເຂົ້າຮ່ວມໃນການຊຸກຍູ້ບັນດາການເຄື່ອນໄຫວຫຼາຍກ່ວາອີກ ເພື່ອປະກອບສ່ວນກໍ່ສ້າງປະຊາຄົມຊາວ ຫວຽດນາມ ຢູ່ ອາເມລີກາ ໃຫ້ໜຸ່ມຂຶ້ນ, ສົບຜົນສໍາເລັດ ແລະ ເຂັ້ມແຂງ.
ມິງດຶກ
