 |
| ພາບປະກອບ |
ສະພາບການເຝົ້າລະວັງພະຍາດ COVID-19 ຢູ່ລາວເຮົາ ມາຮອດ 17:00 ໂມງວັນທີ 17 ພຶດສະພາ 2020 ມີຈຳນວນຜູ້ເດີນທາງເຂົ້າມາມີທັງໝົດ 1.489 ຄົນ ຈຸດຜ່ານດ່ານລາວ-ໄທ ທັງໝົດ 757 ຄົນ ໃນນັ້ນມີແຮງງານລາວກັບມາຈາກປະເທດໄທ 4 ຄົນ ເຊິ່ງຜ່ານດ່ານວັງເຕົ່າ-ຊ່ອງເມັກ ແຂວງຈຳປາສັກ ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າຈຸດຜ່ານດ່ານລາວ-ຈີນ ທັງໝົດ 5 ຄົນ ໃນນີ້ແຮງງານລາວກັບມາແຕ່ຈີນ 2 ຄົນ ເຂົ້າມາຜ່ານດ່ານບໍ່ເຕ່ນ ແລະ ຄົນຈີນ 3 ຄົນແມ່ນຜູ້ຂັບລົດຂົນສົ່ງສິນຄ້າ ຈຸດຜ່ານດ່ານລາວ-ຫວຽດນາມ ທັງໝົດ 727 ຄົນ ໃນນັ້ນຄົນລາວ 1 ຄົນແມ່ນນັກສຶກສາກັບຈາກຫວຽດນາມ ເຂົ້າມາຜ່ານດ່ານລະໄລ ແຂວງສາລະວັນ ເຫຼືອນັ້ນແມ່ນຄົນຂັບລົດສົ່ງສິນຄ້າ ແລະ ຈຳນວນຜູ້ເດີນທາງຜ່ານສະໜາມບິນສາກົນວັດໄຕບໍ່ມີ ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.
ສຳລັບແຮງງານລາວ 4 ຄົນ ທີ່ຜ່ານດ່ານວັງເຕົ່າ-ຊ່ອງເມັກແຂວງຈຳປາສັກ ທັງໝົດມີຖິ່ນຖານມາຈາກແຂວງຈຳປາສັກ ເຊິ່ງແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງ ຈົນກວ່າຈະຄົບກຳນົດ 14 ວັນ. ການເຝົ້າລະວັງ ແລະ ວິເຄາະວັນທີ 17 ພຶດສະພາ 2020 ໄດ້ເກັບຕົວຢ່າງມາກວດທັງໝົດ 114 ຄົນ ໃນນັ້ນມີກໍລະນີສົງໄສ 14 ຄົນ ແຮງງານລາວທີ່ກັບມາແຕ່ໄທ 22 ຄົນ ແຮງງານຈີນທີ່ເຂົ້າມາລາວ 78 ຄົນ ໃນນີ້ແມ່ນໄດ້ຈຳກັດບໍລິເວນຢູ່ໂຮງແຮມຊັງຈິກົວຈີ (ຖະໜົນອາຊຽນ ເມືອງສີໂຄດຕະບອງ) ແລະ ຜົນກວດທັງໝົດຂອງວັນທີ 17 ພຶດສະພານີ້ບໍ່ພົບເຊື້ອ ໝາຍວ່າບໍ່ມີຜູ້ຕິດເຊື້ອໃໝ່ ເຊິ່ງສັງລວມການກວດວິເຄາະແຕ່ເດືອນມັງກອນຮອດວັນທີ 17 ພຶດສະພາ 2020 ໄດ້ເກັບຕົວຢ່າງມາກວດທັງໝົດ ມີ 4.565ຕົວຢ່າງກວດພົບເຊື້ອສະສົມ 19 ຄົນ (36 ວັນແລ້ວທີ່ບໍ່ພົບຜູ້ຕິດເຊື້ອໃໝ່).
ໃນຄະນະທີ່ ອະນຸຍາດໃຫ້ຊາວຕ່າງ ປະເທດ ທີ່ໄດ້ມາເຮັດວຽກ ແລະ ສຶກສາ ຢູ່ ສປປ ລາວ ກັບຄືນປະເທດຂອງຕົນ ຕາມຈຸດປະສົງ, ສຳລັບນັກສຶກສາລາວ ແລະ ແຮງງານລາວ ທີ່ຕ້ອງການກັບຄືນໄປຮຽນ ຫລື ອອກແຮງງານ ຢູ່ຕ່າງ ປະເທດ ແມ່ນສາມາດເດີນທາງໄປໄດ້ ແຕ່ຕ້ອງໄດ້ປະຕິບັດ ຕາມລະບຽບການ ຂອງປະເທດທີ່ຈະເດີນທາງໄປນັ້ນ ຢ່າງເຄັ່ງຄັດ.
ພ້ອມດຽກັນນັ້ນ, ກໍໃຫ້ສືບຕໍ່ໂຈະການອອກ ວີຊາທຸກປະເພດ ໃຫ້ບຸກຄົນທົ່ວໄປ ທີ່ເດີນທາງມາຈາກ ຫລື ຜ່ານປະເທດ ທີ່ຍັງມີການລະບາດ ຂອງພະຍາດ COVID-19, ຍົກເວັ້ນແຕ່ສໍາລັບ ນັກການທູດ, ຊ່ຽວຊານ, ວິຊາການ ແລະ ແຮງງານຕ່າງປະເທດ ທີ່ມີຄວາມຈຳເປັນ ແລະ ຮີບດ່ວນ ເຂົ້າມາປະຕິບັດວຽກງານ ຢູ່ສະຖານທູດ, ບັນດາກິດຈະການ ແລະ ໂຄງການຕ່າງໆ ທີ່ມີຄວາມສຳຄັນ ແລະ ຈຳເປັນ, ແຕ່ຕ້ອງປະຕິບັດ ມາດຕະການຕ່າງໆ ຕາມຄຳແນະນຳ ຂອງຄະນະສະເພາະກິດ.
ຢ່າງໃດກໍ່ຕາມ ເຖິງແມ່ນວ່າການແຜ່ລະບາດ ຂອງພະຍາດນີ້, ຢູ່ ສປປ ລາວ ຈະຜ່ອນຄາຍລົງ ກໍ່ຕາມ ຮຽກຮ້ອງໃຫ້ປະຊາຊົນລາວບັນດາເຜົ່າ ໃນຂອບເຂດທົ່ວປະເທດ ຢ່າປະໝາດຢ່າງເດັດຂາດ ເນື່ອງຈາກວ່າ ຍັງມີການລະບາດຢູ່ໃນໂລກ ແລະ ບາງປະເທດໃນອາຊຽນ. ທັງນີ້, ແນໃສ່ສະກັນກັ້ນ ການແຜ່ລະບາດ ຂອງເຊື້ອໄວຣັດໂຄວິດ-19 ຢູ່ ສປປ ລາວ ບໍ່ໃຫ້ກັບຄືນມາແຜ່ລະບາດອີກ ເປັນຄັ້ງທີ 2.
ໄລ່ຮອດເວລາ 8 ໂມງເຊົ້າ ວັນທີ 18 ພຶດສະພາ (ຕາມເວລາຫວຽດນາມ), ທົ່ວໂລກຢັ້ງຢືນວ່າມີຈຳນວນຜູ້ຕິດເຊື້ອ Covid – 19 ທັງໝົດແມ່ນ 4.801.510 ຄົນ, ໃນນັ້ນມີ 316.658 ຄົນເສຍຊີວິດ. ປັດຈຸບັນ, ໂລກລະບາດ Covid – 19ພວມແຜ່ລະບາດອອກສູ່ 213 ປະເທດ ແລະ ເຂດແຄ້ວນໃນທົ່ວໂລກ. ຈຳນວນຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນ 1.858.079 ຄົນ.
 | ລາວ ເລີ່ມປະຕິບັດຜ່ອນຜັນບາງມາດຕະການ ແລະ ໃຫ້ສືບຕໍ່ປະຕິບັດບາງມາດຕະການປ້ອງກັນການຕິດເຊື້ອໃນທົ່ວປະເທດ ຍສໝ - ລັດຖະບານ ລາວ ໄດ້ຕົກລົງ ແລະ ຊີ້ນໍາ ກ່ຽວກັບການຜ່ອນຜັນມາດຕະການຈຳນວນໜຶ່ງ ແລະ ສືບຕໍ່ປະຕິບັດຢ່າງເຂັ້ມງວດບາງມາດຕະການປ້ອງກັນການຕິດເຊື້ອ. |
 | ລາວ: ປັບປຸງເງື່ອນໄຂ ແລະ ມາດຕະການສຳລັບການເຄື່ອນໄຫວຂອງພາກທຸລະກິດ ໃນໄລຍະທີ່ມີການລະບາດຂອງພະຍາດ ໂຄວິດ-19 ຍສໝ - ເພື່ອເປັນການຫຼຸດຜ່ອນຜົນກະທົບຕໍ່ເສດຖະກິດຂອງລາວ ຈາກການສືບຕໍ່ປະຕິບັດມາດຕະການ ໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການແຜ່ລະບາດ ຂອງ COVID-19 ໃນໄລຍະແຕ່ວັນທີ 4-17 ພຶດ ສະພາ 2020 ຕາມການແຈ້ງການຂອງຫ້ອງການສໍານັກງານນາຍົກລັດຖະມົນຕີ ສະບັບເລກທີ 524/ຫສນຍ, ລົງວັນທີ 1 ພຶດສະພາ 2020. ຄະນະສະເພາະກິດ ເພື່ອປ້ອງກັນ, ຄວບຄຸມ ... |
 | ກວ໋າງຈິ ເປີດປະຕູດ່ານຊາຍແດນສໍາຮອງ 4 ແຫ່ງ ແນໃສ່ຈໍລະຈອນສິນຄ້າກັບ ລາວ ຍສໝ - ບັນດາປະຕູດ່ານຊາຍແດນສໍາຮອງທີ່ໄດ້ຮັບການອະນາຍາດໃຫ້ເປີດປະຕູຄືນໃໝ່ເຫຼົ່ານັ້ນ ລວມມີ ຕ່າຣຸ່ງ, ແຈງ, ແທັງ ຂຶ້ນກັບເມືອງ ເຮື໊ອງຮວ໊າ ແລະ ດ່ານຊາຍແດນ ກອກ ຂຶ້ນກັບເມືອງ ດັກຣົງ ຕິດກັບຊາຍແດນຂອງສອງແຂວງ ສະຫວັນນະເຂດ ແລະ ສາລະວັນຂອງລາວ. |
ໄຊພອນ
