| 29 ມື້ທີ່ ສປປ. ລາວ ບໍ່ມີຜູ້ຕິດເຊື້ອໂຄວິດ-19 ເພີ່ມ | |
| ກວ໋າງຈິ ເປີດປະຕູດ່ານຊາຍແດນສໍາຮອງ 4 ແຫ່ງ ແນໃສ່ຈໍລະຈອນສິນຄ້າກັບ ລາວ |
 |
| ພາບປະກອບ |
ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້ກໍານົດການປັບປຸງເງື່ອນໄຂ ແລະ ມາດຕະການສໍາລັບການສືບຕໍ່ເຄື່ອນໄຫວຂອງພາກທຸລະກິດໃນໄລຍະທີ່ມີການລະບາດຂອງ ພະຍາດ COVID-19 ຕາມທີ່ໄດ້ກໍານົດໃນຄໍາແນະນໍາ 031/ສພກ, ລົງວັນທີ 21 ເມສາ 2020 ດັ່ງນີ້:
ເງື່ອນໄຂຂອງພາກທຸລະກິດ ທີ່ສາມາດເປີດດໍາເນີນກິດຈະການ ມີດັ່ງນີ້: 1. ມີສະຖານທີ່ເຮັດວຽກ ທີ່ບໍ່ແອອັດ ແລະ ຮັບປະກັນໄລຍະຫ່າງ 1 ແມັດຂຶ້ນໄປ; 2. ມີຫ້ອງອາຫານທີ່ບໍ່ແອອັດ, ຮັບປະກັນຫຼັກການອະນາໄມ, ບໍ່ໃຫ້ໃຊ້ເຄື່ອງຮ່ວມກັນ ແລະ ເວລານັ່ງກິນອາຫານຕ້ອງມີໄລຍະຫ່າງ 1 ແມັດຂຶ້ນໄປ ແລະ ມີສະຖານທີ່ແຍກປ່ຽວສໍາລັບ ກໍລະນີສົງໄສພະ ຍາດ COVID-19; 3. ມີນໍ້າດື່ມ, ນ້ໍາໃຊ້ທີ່ສະອາດ, ມີຜ້າອັດປາກ- ດັງ, ບ່ອນລ້າງມື, ສະບູ ແລະ ເຈວລ້າງມືໃຫ້ພະນັກງານ - ກໍາມະກອນຢ່າງພຽງພໍ ແລະ ໃຫ້ຖືກຕາມຫຼັກການອະນາ ໄມ; 4. ມີເຈົ້າໜ້າທີ່ຮັກສາເວນຍາມ ແລະ ມີການກວດ ກາ ພະນັກງານ, ກໍາມະກອນທີ່ເຂົ້າ-ອອກ ຢ່າງເຂັ້ມງວດ; 5. ມີໜ່ວຍງານອະນາໄມ ແລະ ມີກະຕ່າຂີ້ເຫຍື້ອແບບມີຝາປິດ ຢູ່ແຕ່ລະຈຸດ ເພື່ອບັນຈຸຂີ້ເຫຍື້ອ ແລະ ສິ່ງເສດເຫຼືອ ທີ່ມີຄວາມສ່ຽງຕໍ່ການຕິດເຊື້ອພະຍາດ; 6. ມີການອໍານວຍຄວາມສະ ດວກໃຫ້ແກ່ທີມແພດ ແລະ ພາກສ່ວນທີ່ກ່ຽວຂ້ອງ ເຂົ້າໄປຕິດຕາມກວດກາ ຫຼື ເຜີຍແຜ່ຄວາມຮູ້ ກ່ຽວກັບພະຍາດ COVID-19 ເປັນແຕ່ລະໄລຍະ ສໍາລັບໂຄງການ, ບໍລິສັດ ແລະ ໂຮງງານຕ່າງໆ.
ມາດຕະການທີ່ຕ້ອງປະຕິບັດສໍາລັບພາກທຸລະກິດ ທີ່ຈະດໍາເນີນກິດຈະການ ມີດັ່ງນີ້: 1. ຕ້ອງມີຈຸດກວດອຸນ ຫະພູມ ແລະ ສະໜອງເຈວລ້າງມືໃຫ້ພະນັກງານ-ກໍາມະ ກອນຢູ່ທາງເຂົ້າ-ອອກບ່ອນເຮັດວຽກ, ຫໍພັກ ແລະ ຫ້ອງອາຫານ ຕອນເຊົ້າ-ແລງໃນແຕ່ລະວັນ ແລະ ຖ້າພົບເຫັນຜູ້ມີອາການໄຂ້ (ອຸນຫະພູມສູງ ກວ່າ 37.5 ອົງສາ) ຫຼື ໄອ ຫຼື ຫາຍໃຈຍາກແມ່ນໃຫ້ບັນທຶກໄວ້ ແລະ ຕ້ອງໄດ້ສົ່ງເຂົ້າຫ້ອງ ແຍກປ່ຽວຂອງໂຄງການ, ບໍລິ ສັດ ແລະ ໂຮງງານ ທີ່ຈັດໄວ້ ຢ່າງຮີບດ່ວນ ແລ້ວໂທປຶກສາສາຍດ່ວນ 166, 165 ແລະ ພົວພັນໃຫ້ແພດໝໍເຂົ້າກວດທັນທີ; 2. ຕ້ອງມີຜ້າອັດປາກ-ດັງ ສະໜອງໃຫ້ພະນັກງານ-ກໍາມະກອນ ທຸກຄົນໃສ່ຕະຫຼອດໄລຍະເວລາເຮັດວຽກ ແລະ ເວລາຢູ່ຮ່ວມກັນໃນສະ ຖານທີ່ໃດໜຶ່ງ ແລະ ມີສະຖານ ທີ່ສະດວກສໍາລັບລ້າງມືໃສ່ສະບູ ຫຼື ເຈວລ້າງມື; 3. ຕ້ອງມີການຮັກສາໄລຍະຫ່າງຢ່າງໜ້ອຍ 1 ແມັດຂຶ້ນໄປ ສໍາລັບພະນັກງານ-ກໍາມະກອນ, ຫ້າມດໍາເນີນກິດຈະກໍາທີ່ບໍ່ສາມາດຮັກສາໄລຍະຫ່າງໄດ້ເຊັ່ນ: ກິລາ, ງານລ້ຽງ ລວມທັງການຊຸມນຸມຕ່າງໆ; 4. ຕ້ອງມີມາດຕະການກວດກາ ຄົນຂັບລົດຂົນສົ່ງສິນຄ້າ ຫຼື ຜູ້ມາພົວພັນວຽກຈາກພາຍນອກຢ່າງເຄັ່ງຄັດຕາມມາດຕະການທີ່ວາງອອກຄືກັນກັບພະນັກງານ-ກໍາມະກອນຂອງຕົນ; 5. ຕ້ອງອະນາໄມ ສະຖານທີ່ເຮັດວຽກຂອງພະນັກງານ-ກໍາມະກອນ, ຫ້ອງອາຫານ, ຫ້ອງນຳ້, ບ່ອນພັກ ແລະ ສາງບ່ອນທີ່ຮັບສົ່ງສິນຄ້າ ພາຍຫຼັງສິ້ນສຸດກິດຈະກໍາ ທຸກໆມື້ ສໍາລັບໂຄງການ, ບໍລິສັດ ແລະ ໂຮງງານ;
ການຈັດຕັ້ງປະຕິບັດ: 1. ບັນດາໂຄງການ, ບໍລິສັດ ແລະ ໂຮງງານຂະ ໜາດໃຫຍ່ທີ່ມີແຮງງານຈໍານວນຫຼວງຫຼາຍ ຕາມທີ່ລະບຸໃນແຈ້ງການ 524/ຫສນຍ, ລົງວັນທີ 1 ພຶດສະພາ 2020 ຕ້ອງເປັນເຈົ້າການໃນການສ້າງແຜນການປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ຂອງຕົນໃຫ້ຖືກຕ້ອງຕາມ 6 ເງື່ອນໄຂ ແລະ 5 ມາດຕະການ ທີ່ກ່າວມາຂ້າງເທິງນັ້ນ ຢ່າງເຂັ້ມງວດ, ຖ້າເຫັນວ່າສາມາດຮັບປະກັນໄດ້ວ່າຈະບໍ່ມີຄວາມສ່ຽງໃນການຕິດເຊື້ອ ແມ່ນລາຍງານຂໍອະນຸຍາດດໍາເນີນກິດຈະການ ຈາກຂະແໜງການກ່ຽວຂ້ອງ ທີ່ຮັບຜິດຊອບຄຸ້ມຄອງຕາມພາລະບົດບາດ, ສ່ວນໂຄງການ, ບໍລິສັດ ແລະ ໂຮງງານຂະໜາດກາງ ແລະ ຂະໜາດນ້ອຍ ທີ່ຂຶ້ນນໍາການຄຸ້ມຄອງຂອງທ້ອງຖິ່ນ ກໍໃຫ້ເປັນເຈົ້າການສ້າງແຜນປ້ອງກັນ ແລະ ຄວບຄຸມດ້ວຍຕົນເອງຕາມເງື່ອນໄຂ ແລະ ມາດຕະການ ຕາມຄໍາແນະນໍາຂອງຄະນະສະເພາະກິດ, ແລ້ວສະເໜີໃຫ້ອົງການປົກຄອງທ້ອງຖິ່ນ ເປັນຜູ້ກວດກາ ແລະ ພິຈາລະນາອະນຸຍາດ. ໃນການອະນຸຍາດນັ້ນ ແມ່ນໃຫ້ລະບຸໄວ້ຊັດເຈນວ່າ ກໍລະນີ ຜູ້ປະກອບການໃດ ບໍ່ປະຕິບັດຕາມ ເງື່ອນໄຂ ແລະ ມາດຕະການທີ່ກ່າວມາ ເຮັດໃຫ້ເກີດມີການຕິດເຊື້ອພາຍໃນໂຄງການ, ບໍລິສັດ ແລະ ໂຮງງານ ຂອງຕົນ ແມ່ນຕ້ອງຮັບຜິດຊອບຕໍ່ຜົນເສຍຫາຍທີ່ເກີດຂຶ້ນທັງໝົດ, ຖ້າຫາກມີກໍລະນີຈໍາເປັນ ທັງສອງຄະ ນະສະເພາະກິດຂັ້ນສູນກາງ ສາມາດແຕ່ງຕັ້ງຄະນະວິຊາ ການລົງກວດກາ ແລະ ຕິດຕາມ ສະເພາະຕື່ມອີກ. 2. ຖ້າຫາກໂຄງການ, ບໍລິສັດ ແລະ ໂຮງງານໃດ ບໍ່ເປັນເຈົ້າໃນການປະຕິບັດຕາມເງື່ອນໄຂ ແລະ ມາດຕະການທີ່ໄດ້ກໍານົດໄວ້ ແມ່ນຈະຖືກຕັກເຕືອນ, ຖ້າບໍ່ມີການແກ້ໄຂຢ່າງຮີບດ່ວນ ແມ່ນຈະຖືກສັ່ງໂຈະ ຫຼື ປັບໃໝ ແລະ ດໍາເນີນການຕາມລະບຽບກົດໝາຍ ຂອງ ສປປ ລາວ. 3. ຄໍາແນະນໍາສະບັບນີ້ ປ່ຽນແທນຄໍາແນະນໍາສະບັບເລກທີ 031/ສພກ, ລັງວັນທີ 21 ເມສາ 2020 ແລະ ມີ ຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ ຈົນກວ່າຈະມີການປ່ຽນແປງ. 4. ມອບໃຫ້ຂະແໜງ ການກ່ຽວຂ້ອງ ແລະ ອົງການປົກຄອງທ້ອງຖິ່ນ ພ້ອມກັນຈັດຕັ້ງປະຕິບັດ, ເຜີຍແຜ່, ແນະນໍາ ແລະ ຕິດຕາມກວດກາຕາມພາລະບົດບາດຂອງຕົນ ຢ່າງໃກ້ຊິດ.
ນອກຈາກນັ້ນ, ລັດຖະບານລາວ ຈະສຸມໃສ່ 6 ເປົ້າໝາຍລວມໃຫຍ່ ເພື່ອສຸມໃສ່ການພັດທະນາ ເສດຖະກິດ-ສັງຄົມ ຕາມທ່າແຮງທີ່ມີຢ່າງເຕັມສ່ວນ ເພື່ອພັດທະນາປະເທດຊາດ ໃຫ້ບັນລຸເງື່ອນໄຂການ ຫລຸດພົ້ນອອກ ຈາກສະຖານະພາບ ຄວາມດ້ອຍພັດທະນາ ຢ່າງໜັກແໜ້ນ ດ້ວຍການເຕີບໂຕ ທີ່ມີຄຸນນະພາບຕາມທິດສົມດຸນ ແລະ ສີຂຽວ ແລະ ບັນລຸເປົ້າໝາຍການພັດທະນາ ແບບຍືນຍົງໃນປີ 2030. ເປົ້າໝາຍດັ່ງກ່າວ ແມ່ນຈະໄດ້ບັນຈຸເຂົ້າ ໃນແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ເຊິ່ງປັດຈຸບັນ ແມ່ນກໍາລັງຄົ້ນຄວ້າ ແລະ ປຶກສາຫາລື ເພື່ອໃຫ້ມີທິດທາງ, ຄາດໝາຍສູ້ຊົນ, ມີນະໂຍບາຍ ແລະ ມາດຕະການຢ່າງຈະແຈ້ງ ແລະ ລະອຽດ ເພື່ອໃຫ້ສາມາດຈັດຕັ້ງ ປະຕິບັດຢ່າງມີໝາກຜົນ ແລະ ບັນລຸຕາມແຜນທີ່ວາງໄວ້.
ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ການແຜ່ລະບາດ ຂອງພະ ຍາດອັກເສບປອດ ທີ່ເກີດຈາກເຊື້ອ ຈຸລະໂລກສາຍພັນໃໝ່ COVID-19 ຢືນຢັນວ່າ: ນັບແຕ່ວັນທີ 13 ເມສາຫາ 13 ພຶດສະພາ 2020, ສປປ ລາວ ບໍ່ພົບຜູ້ຕິດເຊື້ອໄວຣັດ ໂຄວິດ-19 ເພີ່ມໃໝ່ອີກ, ຕົວເລກສະສົມຍັງຢູ່ 19 ກໍລະນີ, ນັບເປັນເວລາ 31 ມື້ຕິດຕໍ່ກັນທີ່ກວດບໍ່ພົບເຊື້ອ, ມາຮອດປັດຈຸບັນ ມີຜູ້ປິ່ນປົວດີ 14 ຄົນ, ຍັງສືບຕໍ່ປິ່ນປົວຢູ່ໂຮງໝໍ 5 ຄົນ. ຂະນະທີ່ທົ່ວໂລກຕົວເລກ ຜູ້ຕິດເຊື້ອຍັງເພີ່ມຂຶ້ນໃນແຕ່ລະວັນ, ມາຮອດເວລາ 6:00 ໂມງເຊົ້າ ຂອງວັນທີ 13 ພຶດສະພາ 2020, ມີຜູ້ຕິດເຊື້ອ 4.330.027, ເສຍຊີວິດ 291.911, ປິ່ນປົວຫາຍດີ 1.575.558, ມີບາງປະເທດ ຈຳນວນ ຜູ້ຕິດເຊື້ອມື້ດຽວ ມີເຖິງ 20.564 ຄົນ, ເສຍຊີວິດ 1.466 ຄົນຕໍ່ມື້.
| ໄລ່ຮອດເວລາ 22ໂມງ ຂອງວັນທີ 12 ພຶດສະພາ (ຕາມເວລາຫວຽດນາມ), ຍອດຈໍານວນຜູ້ຕິດເຊື້ອແມ່ນ 4.292.506 ຄົນ, ໃນນັ້ນ ມີ 288.975 ກໍລະນີ ເສຍຊີວິດ. ຈໍານວນຜູ້ຕິດເຊື້ອໄດ້ຮັບການປິ່ນປົວຫາຍດີເປັນປົກກະຕິແມ່ນ 1.544.917 ຄົນ. ປັດຈຸບັນ ອາເມລິກາຍັງຄົງແມ່ນປະເທດທີ່ມີການແຜ່ລະບາດຮ້າຍແຮງກວ່າໝູ່ໃນໂລກ ດ້ວຍຈໍານວນຜູ້ຕິດເຊື້ອແມ່ນ 1.388.283 ຄົນ ແລະ 82.218 ຄົນເສຍຊີວິດ. ປັດຈຸບັນ, ທໍານຽບຂາວ ພວມຊຸກຍູ້ຍຸດທະສາດໝູນໃຊ້ມາດຕະການວັດແທກອຸນຫະພູມຮ່າງກາຍ ເພື່ອຟື້ນຟູການເຄື່ອນໄຫວຂອງຂະແໜງການບິນໂດຍໄວ. ອົງການອະນາໄມໂລກ ຖືວ່າ ມີບາງວິທີການປິ່ນປົວ ເບິ່ງຄືວ່າ ພວມຊ່ວຍຫຼຸດຜ່ອນລະດັບຄວາມຮ້າຍແຮງລົງ ຫຼື ເວລາຕິດເຊື້ອພະຍາດໂຄວິດ - 19. ປັດຈຸບັນ, ອົງການນີ້ ພວມ ລົງເລິກຄົ້ນຄວ້າ 4 – 5 ວິທີການປິ່ນປົວ ທີ່ມີໝາກຜົນສູງທີ່ສຸດ. |
 | ທ່ານ ຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ໄຫວ້ອາໄລ ທ່ານພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີ ລາວ ຍສໝ - ຕອນບ່າຍ ວັນທີ 13 ພຶດສະພາ, ຢູ່ ນະຄອນຫຼວງວຽງຈັນ ສປປ.ລາວ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ນຳໜ້າຄະນະຜູ້ແທນຂັ້ນສູງພັກ ແລະ ລັດຖະບານ ຫວຽດນາມ ໄດ້ໄປໄຫວ້ອາໄລທ່ານ ພົວເອກ ສີສະຫວາດ ແກ້ວບຸນພັນ, ອະດີດກຳມະການກົມການເມືອງ, ອະດີດນາຍົກລັດຖະມົນຕີ, ອະດີດປະທານຄະນະກຳມະການສູນກາງແນວລາວສ້າງຊາດ ທີ່ຫາກໍ່ເຖິງແກ່ມໍລະນະກຳໃນວັນທີ 12 ພຶດສະພາ. |
 | ລາວ ຍັງຕ້ອງການເຄື່ອງມືອຸປະກອນການແພດ ເພື່ອຕ້ານໂຄວິດ-19 ເຄື່ອງມືດ້ານການແພດ ຈໍານວນໜຶ່ງຍັງຂາດເຂີນ ແລະ ມີຄວາມຕ້ອງການ ຈໍາເປັນອັນຮີບດ່ວນ ເຊັ່ນ: ອຸປະກອນການແພດ, ເຄື່ອງມືປ້ອງກັນການຕິດເຊື້ອ, ພາຫະນະຮັບ-ສົ່ງຄົນເຈັບ ແລະ ຢາປົວພະຍາດ. |
 | ແຜນພັດທະນາ ເສດຖະກິດ-ສັງຄົມແຫ່ງຊາດ ສປປ.ລາວ 5 ປີ ຄັ້ງທີ IX ມາຮອດປັດຈຸບັນ, ກະຊວງແຜນການ ແລະ ການລົງທຶນ ໂດຍການສົມທົບກັບ ຂະແໜງການ ແລະ ທ້ອງຖິ່ນ ໄດ້ສຳເລັດຮ່າງແຜນ ພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX ສະບັບທີ 1 ເຊິ່ງໄດ້ກຳນົດຈຸດໝາຍ ລວມຂອງແຜນການ 5 ປີຄັ້ງນີ້ ແມ່່ນສຸມໃສ່ການພັດທະນາ ເສດຖະກິດ-ສັງຄົມ ຕາມທ່າແຮງ ທີ່ມີຢ່າງເຕັມສ່ວນ ເພື່ອພັດທະນາປະເທດຊາດ ບັນລຸເງື່ອນໄຂ ການ ... |
ໄຊພອນ
