 |
| ທ່ານ ຫງວຽນຊວນຟຸກ ແລະ ທ່ານ ບຸນຍັງ ວໍລະຈິດ.(ພາບ:TTXVN) |
ໃນວັນທີ 13 ພຶດສະພາ 2020 ໃນໂອກາດເຂົ້າຮ່ວມພິທີວາງພວງມາລາ ແລະ ໄວ້ອາໄລຕໍ່ການເສຍຊີວິດຂອງສະຫາຍ ພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີ, ອະດີດປະທານສູນກາງແນວລາວສ້າງຊາດ, ພະນັກງານປະຕິວັດອາວຸໂສບຳນານຜູ້ທີ່ເດັດດ່ຽວໜຽວແໜ້ນ ເຊິ່ງສະຫາຍແມ່ນຜູ້ໜຶ່ງທີ່ປະກອບສ່ວນ ໃນການສ້າງຕັ້ງພັກ ແລະ ກອງທັບປະຊາຊົນລາວໃນເມື່ອກ່ອນ. ທີ່ໄດ້ເຖິງແກ່ມໍລະນະກໍາ ໃນວັນທີ 12 ພຶດສະພາ 2020 ລວມອາຍຸໄດ້ 92 ປີ, ທ່ານ ຫງວຽນຊວນຟຸກ ນາຍົກລັດຖະມົນຕີ ແຫ່ງ ສສ ຫວຽດນາມ ພ້ອມດ້ວຍຄະນະໄດ້ເຂົ້າຢ້ຽມຂໍ່ານັບ ທ່ານ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ທີ່ຫ້ອງວ່າການສຳນັກງານປະທານປະເທດ.
ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ໄດ້ສະແດງຄວາມຂອບໃຈ ແລະ ມີຄວາມຊາບຊຶ້ງເປັນຢ່າງຍິ່ງທີ່ສະຫາຍພ້ອມດ້ວຍຄະນະຜູ້ແທນຂັ້ນສູງພັກ, ລັດຫວຽດນາມໄດ້ຕາງໜ້າໃຫ້ຄະນະບໍລິຫານງານ ສູນກາງພັກກອມມູນິດຫວຽດນາມ, ລັດຖະບານ ແຫ່ງ ສສ ຫວຽດນາມ ແລະ ປະຊາຊົນຫວຽດນາມ ທີ່ໄດ້ເດີນທາງມາ ຮ່ວມສະແດງຄວາມໄວ້ອາໄລ ອາວອນອັນສຸດຊຶ້ງ, ແບ່ງ ຄວາມທຸກໂສກຮ່ວມກັບພັກ, ລັດຖະບານ ແລະ ປະຊາຊົນ ລາວບັນດາເຜົ່າ, ຕໍ່ການຈາກ ໄປຢ່າງບໍ່ມີວັນກັບຄືນຂອງສະຫາຍ ພົນເອກ ສີສະຫວາດ ແກ້ວບຸນພັນ ຊຶ່ງເປັນການສະແດງໃຫ້ເຫັນເຖິງຄວາມມີຊີວິດຊີວາຂອງຄວາມສາມັກຄີພິເສດ ລາວ-ຫວຽດນາມ. ພ້ອມນີ້, ທ່ານ ບຸນຍັງ ວໍລະຈິດ ເລຂາທິການໃຫຍ່ ຍັງໄດ້ສະແດງຄວາມຂອບໃຈເປັນຢ່າງສູງທີ່ສູນກາງພັກກອມມູນິດຫວຽດນາມໄດ້ໃຫ້ຄວາມເປັນຫ່ວງເປັນໄຍຕໍ່ການປິ່ນປົວສຸຂະພາບຂອງສະຫາຍ ພົນເອກ ສີສະຫວາດ ແກ້ວບຸນພັນ ໃນໄລຍະທ້າຍຂອງຊີວິດຂອງສະຫາຍໂດຍໄດ້ເອົາໃຈໃສ່ສົ່ງຄະນະແພດໝໍມາຊ່ວຍປິ່ນປົວຢ່າງທັນການຕາມການສະເໜີຂອງຝ່າຍລາວ ແລະ ໄດ້ຊ່ວຍຢຸກຢາເປັນຈໍານວນຫຼາຍຈົນເຖິງວິນາທີສຸດທ້າຍ.
ເນື່ອງໃນໂອກາດນີ້, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ສະແດງຄວາມປິຕິຊົມຊື່ນທີ່ພັກປະຊາຊົນປະຕິວັດລາວ ທີ່ພວມຂຸ້ນຂ້ຽວກະກຽມໃສ່ການດໍາເນີນກອງປະຊຸມໃຫຍ່ຂອງພັກ, ມຸ່ງໜ້າໄປສູ່ກອງປະຊຸມໃຫຍ່ຂອງພັກທົ່ວປະເທດ. ພ້ອມກັນນັ້ນ, ປະເທດລາວໄດ້ປະສົບຜົນສຳເລັດໂດຍພື້ນຖານໃນການປ້ອງກັນ ແລະ ຕ້ານການລະບາດຂອງພະຍາດ COVID-19. ໃນນັ້ນມີພຽງແຕ່ 19 ຄົນທີ່ຕິດເຊື້ອໃນທົ່ວປະເທດ, ເຊິ່ງສ່ວນໃຫຍ່ໄດ້ຮັບການປິ່ນປົວຫາຍດີ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ສປປ ລາວ ກໍ່ໄດ້ຢືນຢັນວ່າໃນສະພາບການຂອງໂລກ ແລະ ພາກພື້ນທີ່ມີການຜັນແປທີ່ບໍ່ສາມາດຄາດເດົາໄດ້, ຫວຽດນາມ ແລະ ລາວ ຈະຄຽງບ່າຄຽງໄລ່ກັນ ຢູ່ ສະເໝີ, ສະໜັບສະໜູນ ເຊິ່ງກັນ ແລະ ກັນ ບົນພື້ນຖານມິດຕະພາບທີ່ຍິ່ງໃຫຍ່ ແລະ ຄວາມສາມັກຄີພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດ.
ໃນໂອກາດນີ້, ທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ຍັງໄດ້ອວຍພອນ ທ່ານ ຫງວຽນຊວນຟຸກ ນາຍົກລັດຖະມົນ ສສ ຫວຽດນາມ ພ້ອມດ້ວຍ ຄະນະ ແລະ ຜ່ານທ່ານ ຫງວຽນຊວນຟຸກ ໄປຍັງ ທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດ ສສ ຫວຽດນາມ ແລະ ບັນດາສະຫາຍ ການນຳຂັ້ນສູງຂອງພັກ-ລັດ ຖະບານຫວຽດນາມ ຈົ່ງມີສຸຂະ ພາບເຂັ້ມແຂງ ແລະ ປະສົບຜົນສຳເລັດໃໝ່ໃຫຍ່ຫຼວງກວ່າເກົ່າ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ 12 ຂອງພັກຢ່າງມີໄຊ ແລະ ກ້າວສູ່ກອງປະຊຸມໃຫຍ່ຂອງພັກກອມມູນິດຫວຽດນາມຄັ້ງທີ 13 ໃນຕົ້ນປີ 2021, ບັນ ລຸເປົ້າໝາຍເຮັດໃຫ້ປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ປະຊາທິປະໄຕ, ຍຸຕິທຳ, ສີວິໄລ.
 | ທ່ານ ຫງວຽນຊວັນຟຸກ ນາຍົກລັດຖະມົນຕີ ຫວຽດນາມ ໄຫວ້ອາໄລ ທ່ານພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີ ລາວ ຍສໝ - ຕອນບ່າຍ ວັນທີ 13 ພຶດສະພາ, ຢູ່ ນະຄອນຫຼວງວຽງຈັນ ສປປ.ລາວ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ນຳໜ້າຄະນະຜູ້ແທນຂັ້ນສູງພັກ ແລະ ລັດຖະບານ ຫວຽດນາມ ໄດ້ໄປໄຫວ້ອາໄລທ່ານ ພົວເອກ ສີສະຫວາດ ແກ້ວບຸນພັນ, ອະດີດກຳມະການກົມການເມືອງ, ອະດີດນາຍົກລັດຖະມົນຕີ, ອະດີດປະທານຄະນະກຳມະການສູນກາງແນວລາວສ້າງຊາດ ທີ່ຫາກໍ່ເຖິງແກ່ມໍລະນະກຳໃນວັນທີ 12 ພຶດສະພາ. |
 | ທະຫານຊາຍແດນ ແຂວງ ດ້ຽນບຽນ ສສ.ຫວຽດນາມ ມອບອຸປະກອນການແພດ ໃຫ້ແກ່ທະຫານຊາຍແດນແຂວງ ຜົ້ງສາລີ ສປປ.ລາວ ເພື່ອຕ້ານ ໂລກລະບາດ COVID-19 ຍສໝ - ທະຫານຊາຍແດນ ເມື່ອງປົ່ນ, ດ້ຽນບຽນ ໄດ້ມອບອຸປະກອນການແພດ ລວມມີ ຜ້າອັດປາກ 2.000 ອັນ, ຊຸດຕ້ານການລະບາດ 20 ຊຸດ, ເຄື່ອງວັດແທກອຸນຫະພູມຮ່າງກາຍເອເລັກໂຕຣນິກ 1 ໜ່ວຍ... ໃຫ້ແກ່ກອງບັນຊາການທະຫານ ແຂວງຜົ້ງສາລີ, ລາວ. |
 | ກອງບັນຊາການທະຫານນະຄອນດາໜັງ ສສ.ຫວຽດນາມ ມອບອຸປະກອນການແພດ ໃຫ້ກອງບັນຊາການທະຫານ ແຂວງສາລະວັນ ສປປ.ລາວ ຍສໝ - ເມື່ອບໍ່ດົນມານີ້, ກອງບັນຊາການທະຫານແຂວງ ສາລະວັນ ສປປ.ລາວ ໄດ້ຮັບເຄື່ອງອຸປະກອນການແພດ ຈາກກອງບັນຊາການທະຫານ ນະຄອນດາໜັງ ສສ.ຫວຽດນາມ ເພື່ອປ້ອງກັນ ແລະ ສະກັດກັ້ນການລະບາດຂອງ ພະຍາດ Covid -19. |
ໄຊພອນ
