 |
ທ່ານ ສາຍສະໝິງ ສີວິໄລ ຫົວໜ້າກົມຕຳຫລວດກວດຄົນເຂົ້າເມືອງ ກະຊວງປ້ອງກັນຄວາມສະຫງົບ
ທ່ານ ສາຍສະໝິງ ສີວິໄລ ຫົວໜ້າກົມຕຳຫລວດກວດຄົນເຂົ້າເມືອງ ກະຊວງປ້ອງກັນຄວາມສະຫງົບ ລາຍງານໃຫ້ຮູ້ ເມື່ອບໍ່ດົນມານີ້ວ່າ: ປັດຈຸບັນລະບົບດັ່ງກ່າວ, ແມ່ນໄດ້ນຳໃຊ້ໃນຂັ້ນທົດລອງແລ້ວໂດຍເລີ່ມແຕ່ວັນທີ 1 ກຸມພາ 2020 ເປັນຕົ້ນມາ, ໂດຍຂໍ້ມູນແມ່ນຈະຖືກສົ່ງມາ ຈາກສາຍການບິນໃນເວລາທີ່ຜູ້ໂດຍ ສານແຈ້ງປີ້ໂດຍສານໃນຈຸດໃດກໍຕາມ ຂໍ້ມູນຈະຖືກສົ່ງມາແບບອອນໄລນ໌ ຊຶ່ງທາງພວກເຮົາຈະໃຊ້ ເວລາພຽງບໍ່ເທົ່າໃດວິນາທີເທົ່ານັ້ນ ໃນການກວດກາກໍຈະແຈ້ງ ຕອບກັບໄປຍັງສາຍການບິນ ເພື່ອພິຈາລະນາອະນຸຍາດເບື້ອງຕົ້ນວ່າ ຈະໃຫ້ຜູ້ໂດຍສານທີ່ແຈ້ງປີ້ດັ່ງກ່າວ ເດີນທາງເຂົ້າ-ອອກ ສປປ ລາວ ຫລື ບໍ່ ເພື່ອຕ້ານການລະບາດ ຂອງໄວຣັດໂຄວິດ-19.
ທ່ານ ສາຍສະໝິງ ສີວິໄລ ໃຫ້ຮູ້ອີກວ່າ: ລະບົບກວດກາຂໍ້ມູນຜູ້ໂດຍສານລ່ວງໜ້າ APPS ແລະ ລະບົບບັນທຶກຂໍ້ມູນຜູ້ໂດຍສານ PNR ເປັນລະບົບໂປຣແກມຄອມພິວເຕີ ທີ່ທາງໜ່ວຍງານພາກລັດຈະໃຊ້ ໃນການຄຸ້ມຄອງກວດກາຜູ້ໂດຍສານ ທີ່ເດີນທາງທາງອາກາດ ໃນຖ້ຽວບິນສາກົນທີ່ເດີນທາງເຂົ້າ-ອອກ ຫລື ເດີນທາງຜ່ານ ສປປ ລາວ.
（ແຫຼ່ງຂໍ້ມູນ： ຂປລ）
