 |
ສິງກະໂປ ຜ່ານກົດໝາຍ ວ່າດ້ວຍຂ່າວປອມ.
ໃນວັນທີ 8 ພຶດສະພາ , ສະພາແຫ່ງຊາດ ປະເທດສິງກະໂປໄດ້ຜ່ານ ກົດໝາຍຕ້ານ “ຂ່າວສານປອມ”, ຈາກນັ້ນອະນຸຍາດໃຫ້ ເຈົ້າໜ້າທີ່ສາມາດອອກຄຳສັ່ງລົບ ບັນດາເນື້ອຂອງການອັບຂື້ນໜ້າສື່ສັງຄົມອອນລາຍ ທີ່ເຫັນວ່າບໍ່ສອດຄ່ອງ.
ກົດຫມາຍໃຫມ່ໄດ້ມອບສິດໃຫ້ບັນດາລັດຖະມົນຕີ ໃນລັດຖະບານ ຮຽກຮ້ອງ ໄປຍັງສື່ສັງຄົມອອນລາຍ ຄື: ເຟສບຸກ ແລະ Twitter ແນບຄຳເຕືອນກັບບັນດາເນື້ອໃນໄດ້ຮັບການອັບຂື້ນ ທີ່ທາງອຳນາດການປົກຄົງເຫັນວ່າເປັນຂ່າວສານປອມ.
ຖ້າການເຄື່ອນໄຫວກໍ່ຄືພຶດຕິກຳໃດທີ່ເຫັນວ່າ ເປັນໄພອັນຕະລາຍ ແລະ ຄຸກຄາມຕໍ່ຜົນປະໂຫຍດຂອງສິງກະໂປ, ບໍລິສັດອາດຈະຖືກປັບໃຫມເຖິງ 1 ລ້ານ SGD (ປະມານ 735,000 ໂດລາສະຫະລັດ). ບຸກຄົນທີ່ລະເມີດອາດຈະປະເຊີນກັບ ໂທດສູງສຸດ ຄືຈຳຄຸກເຖິງ 10 ປີ.
ເຈົ້າຫນ້າທີ່ສິງກະໂປ ຢືນຢັນວ່າ: ມາດຕະການຂ້າງເທິງແມ່ນຈໍາເປັນເພື່ອປ້ອງກັນການແຜ່ກະຈາຍຂໍ້ມູນທີ່ບໍ່ຖືກຕ້ອງທີ່ຈະແບ່ງແຍກສັງຄົມ ແລະ ທຳລາຍຄວາມເຊື່ອໝັ້ນຕໍ່ລະບົບການປົກຄອງ.
ກ່າວຄຳເຫັນທີ່ ສະພາແຫ່ງຊາດ, ທ່ານລັດຖະມົນຕີ ກະຊວງພາຍໃນສິງກະໂປ K.Shanmugam ໄດ້ກ່າວວ່າ: ບໍ່ສາມາດທີ່ຈະໃຫ້ບໍລິສັດເຕັກໂນໂລຍີ ຄຸ້ມຄອງບັນຫານີ້ເອງໄດ້ ແລະ "ຕ້ອງພິສູດວ່າ ເຈົ້າໜ້າທີ ມີຄວາມຍຸຕິທໍາ ແລະ ເອົາຈິງເອົາຈັງ".
ລັດຖະບານສິງກະໂປ ເນັ້ນຫນັກວ່າ: ກົດຫມາຍດັ່ງກ່າວແມ່ນແນໃສ່ເປົ້າໝາຍການຖະແຫຼງການທີ່ບໍ່ຖືກຕ້ອງ, ບໍ່ເປັນຄວາມຈິງ, ແລະ ຮຽກຮ້ອງໃຫ້ "ແກ້ໄຂ" ສ່ວນຂໍ້ມູນປອມຫຼາຍ ແມ່ນຈະຖືກປັບໄຫມຫຼືຖືກຈໍາຄຸກ.
ການກະທຳດັ່ງກ່າວ ໄດ້ເຮັດໃຫ້ ສິງກະໂປ ເປັນປະເທດໜຶ່ງທີ່ນອນຢູ່ໃນບັນດາປະເທດຕ່າງໆທົ່ວໂລກຜ່ານກົດຫມາຍ ວ່າດ້ວຍການ ຕ້ານຂ່າວສານປອມ.
（ຫັດທະບູນ）
