 | ນາຍທະຫານ 5 ຄົນໄປປະຕິບັດໜ້າທີ່ຮັກສາສັນຕິພາບສະຫະປະຊາຊາດ |
| ຫວຽດນາມ ເລີ່ມດຳເນີນອາຍຸການເປັນສະມາຊິກສະພາບໍລິຫານງານ UN Women ອາຍຸການ 2025-2027 |
ການຝຶກອົບຮົມຕາມມາດຕະຖານສາກົນ
ຕາມຫົວໜ່ວຍຕຳຫຼວດຮັກສາສັນຕິພາບເລກທີ 1 (ກະຊວງຕຳຫຼວດ), ໃນຖານະທີ່ເປັນປະເທດທີ່ຕັ້ງໜ້າໃນການເຄື່ອນໄຫວຮັກສາສັນຕິພາບ, ຫວຽດນາມ ໄດ້ເລີ່ມເຂົ້າຮ່ວມກອງກຳລັງນີ້ໃນປີ 2014. ມາຮອດປະຈຸບັນ, ໄດ້ສົ່ງນາຍ ແລະ ພົນທະຫານກວ່າ 1.000 ຄົນໄປປະຕິບັດໜ້າທີ່ຮັກສາສັນຕິພາບຢູ່ບັນດາພາລະກິດຂອງ ສປຊ, ໃນນັ້ນມີທັງກອງທັບ ແລະ ບຸກຄະລາກອນ.
 |
| ເຈົ້າໜ້າທີ່ຕຳຫຼວດເຂົ້າຮ່ວມການຝຶກຊ້ອມຢູ່ສະໜາມຝຶກຊ້ອມ. (ພາບ: ຫົວໜ່ວຍຕຳຫຼວດຮັກສາສັນຕິພາບເລກທີ 1) |
ນັບແຕ່ປີ 2022 ເປັນຕົ້ນມາ, ຕຳຫຼວດຫວຽດນາມ ໄດ້ຜັນຂະຫຍາຍກຳລັງເຂົ້າຮ່ວມການເຄື່ອນໄຫວຮັກສາສັນຕິພາບ ຢ່າງເປັນທາງການ. ມາຮອດປະຈຸບັນ, 5 ຄະນະປະຕິບັດງານໄດ້ຮັບການມອບໝາຍໄປເຮັດໜ້າທີ່ຢູ່ກົມເຄື່ອນໄຫວສັນຕິພາບສະຫະປະຊາຊາດຢູ່ອາເມລິກາ, ຄະນະປະຕິບັດງານ UNMISS (ຊູດານໃຕ້) ແລະ UNISFA (ພາກພື້ນ Abyei). ຄາດວ່າໃນເດືອນມິຖຸນານີ້, ຄະນະປະຕິບັດງານເລກທີ 6 ຈະອອກເດີນທາງໄປປະຕິບັດໜ້າທີ່ຢູ່ຄະນະປະຕິບັດງານ MINUSCA ຢູ່ສາທາລະນະລັດ ອາຟຼິກາກາງ, ເປັນຄັ້ງທຳອິດທີ່ກະຊວງຕຳຫຼວດຫວຽດນາມ ເຂົ້າຮ່ວມພາລະກິດນີ້.
ເພື່ອຮັບປະກັນຄຸນນະພາບກຳລັງ, ກະຊວງຕຳຫຼວດເອົາໃຈໃສ່ເປັນພິເສດເຖິງການຝຶກອົບຮົມພະນັກງານຕາມມາດຖານຂອງ ສປຊ. ທ່ານພັນໂທ ຫງວຽນກຽວຈິງ, ທີມປະຕິບັດງານເລກທີ 6 ໃຫ້ຮູ້ວ່າ ພະນັກງານ, ນັກຮົບໄດ້ຮັບການຝຶກອົບຮົມໂດຍກົງ ແລະ ຜ່ານລະບົບອອນໄລ, ອັບເດັດຂໍ້ມູນສະພາບການຂອງພາລະກິດ, ປະສົບການປະຕິບັດຕົວຈິງຈາກບັນດາກໍາລັງທະຫານ, ຕໍາຫຼວດທີ່ເຂົ້າຮ່ວມ. ເນື້ອໃນການຝຶກອົບຮົມລວມມີບັນດາລະບຽບການຂອງສະຫະປະຊາຊາດ, ທັກສະການເຂົ້າເຖິງພາກສະໜາມ, ການສື່ສານກັບຊາວທ້ອງຖິ່ນ, ການເຂົ້າຮ່ວມວຽກງານພົນລະເຮືອນ, ລະບຽບການມາດຕະຖານໃນການຄຸ້ມຄອງ ແລະ ດຳເນີນງານໃນພາລະກິດ ແລະ ອື່ນໆ.
ທ່ານພັນໂທ ດິງຫງອກໂລກ, ຮອງກອງບັນຊາການຫົວໜ່ວຍຕຳຫຼວດຮັກສາສັນຕິພາບເລກທີ 1 ໃຫ້ຮູ້ວ່າ ເພື່ອຕອບສະໜອງຄວາມຮຽກຮ້ອງຕ້ອງການຂອງພາລະກິດ, ກະຊວງຕຳຫຼວດ ກຳນົດທິດຕ້ອງສ້າງຖັນແຖວພະນັກງານທີ່ມີເຈດຈຳນົງການເມືອງໜັກແໜ້ນ, ມີວິຊາສະເພາະ, ມີທັກສະພາສາຕ່າງປະເທດເປັນຢ່າງດີ, ມີຄວາມເຂົ້າໃຈກ່ຽວກັບກົດໝາຍສາກົນ, ມີວິຊາສະເພາະສູງ ແລະ ມີຄວາມສາມາດໃນການເຮັດວຽກ ແລະ ເຄື່ອນໄຫວຢ່າງເປັນເອກະລາດໃນສະພາບແວດລ້ອມສາກົນ. ຫົວໜ່ວຍຕຳຫຼວດຮັກສາສັນຕິພາບເລກທີ 1 ໄດ້ເຊື້ອເຊີນນັກຊ່ຽວຊານສາກົນທີ່ມີປະສົບການຄື: ອິນໂດເນເຊຍ ແລະ ອີຕາລີ ເຂົ້າຮ່ວມການຝຶກອົບຮົມ.
ທ່ານພັນໂທ Andi Rio Indra Saputra, ຫົວໜ້າກົມຝຶກອົບຮົມສູນຕຳຫຼວດຮັກສາສັນຕິພາບ ອິນໂດເນເຊຍ ໄດ້ຕີລາຄາສູງບັນດາອາລົມຈິດຮໍ່າຮຽນຂອງນາຍທະຫານຫວຽດນາມ. ທ່ານແບ່ງປັນວ່າ: “ພວກຂ້າພະເຈົ້າໄດ້ອອກແບບແຜນງານຝຶກອົບຮົມທີ່ເໝາະສົມ, ໂດຍສຸມໃສ່ການກະກຽມ ແລະ ຄຸ້ມຄອງໜ່ວຍງານ - ແມ່ນມີຄວາມສຳຄັນເປັນພິເສດສຳລັບກຳລັງທີ່ໄດ້ຮັບການສ້າງຕັ້ງຂຶ້ນໃໝ່ຄືຂອງຫວຽດນາມ. ຫຼາຍເນື້ອໃນແມ່ນມີການພົວພັນຢ່າງເລິກເຊິ່ງກັບບັນດາຜູ້ບັນຊາການ, ຄູສອນຫວຽດນາມ ເພື່ອແນໃສ່ສືບຕໍ່ຖ່າຍທອດໃຫ້ບັນດາສະມາຊິກອື່ນໆຂອງໜ່ວຍງານ.”
ພ້ອມກັບການສົ່ງພະນັກງານໄປປະຕິບັດໜ້າທີ່, ກະຊວງຕຳຫຼວດຫວຽດນາມ ພວມມຸ່ງໄປເຖິງການສະເໜີຜູ້ສະໝັກຮັບຕຳແໜ່ງສຳຄັນຢູ່ສຳນັກງານໃຫຍ່ ສປຊ ກໍ່ຄືບັນດາຕຳແໜ່ງການນຳ ແລະ ບັນຊາການໃນຄະນະປະຕິບັດງານຮັກສາສັນຕິພາບ. ກະຊວງຕຳຫຼວດກໍ່ມຸ່ງໄປເຖິງການກໍ່ສ້າງສູນຝຶກອົບຮົມ ແລະ ສ້າງຄວາມສາມາດໃນການຮັກສາສັນຕິພາບທີ່ໄດ້ຮັບມາດຖານຂອງອົງການສະຫະປະຊາຊາດ ແລະ ສາກົນ, ເພື່ອແນໃສ່ກາຍເປັນສູນກາງແຖວໜ້າຢູ່ພາກພື້ນອາຊີ - ປາຊີຟິກ.
ສະໜັບສະໜູນຊຸມຊົນ, ເຜີຍແຜ່ຄວາມຮັກ
ບໍ່ພຽງແຕ່ສຸມໃສ່ຍົກສູງກຳລັງຄວາມສາມາດດ້ານວິຊາຊີບເທົ່ານັ້ນ, ບັນດາເຈົ້າໜ້າທີ່ຕຳຫຼວດປະຊາຊົນຫວຽດນາມ ເມື່ອເຂົ້າຮ່ວມຄະນະປະຕິບັດງານຮັກສາສັນຕິພາບ ສປຊ ຍັງຕັ້ງໜ້າເຂົ້າຮ່ວມບັນດາການເຄື່ອນໄຫວຂົນຂວາຍປະຊາຊົນ, ໜູນຊ່ວຍຊຸມຊົນ, ໜູນຊ່ວຍຜູ້ດ້ອຍໂອກາດ ແລະ ປົກປັກຮັກສາສິ່ງແວດລ້ອມ.
 |
ຄະນະປະຕິບັດງານກະຊວງຕຳຫຼວດ ໄດ້ມອບຂອງຂວັນທີ່ສູນເດັກນ້ອຍກຳພ້າ Sheikh Dafalla Quranic Academic Foundation Orphanage. (ພາບ: ຫົວໜ່ວຍຕຳຫຼວດຮັກສາສັນຕິພາບເລກທີ 1) |
ໃນຂອບເຂດການໄປປະຕິບັດງານຂອງກະຊວງຕຳຫຼວດຢູ່ສາທາລະນະລັດ ຊູດັງໃຕ້, ຄະນະປະຕິບັດງານ ພ້ອມກັບເຈົ້າໜ້າທີ່ຮັກສາສັນຕິພາບຫວຽດນາມ ໄດ້ໄປຢ້ຽມຢາມສູນລ້ຽງເດັກກຳພ້າ Sheikh Dafalla ຢູ່ນະຄອນຫຼວງ Juba. ປະຈຸບັນ, ສະຖານທີ່ນີ້ພວມລ້ຽງດູເດັກນ້ອຍເກືອບ 200 ຄົນ, ໃນນັ້ນ 70% ແມ່ນເດັກກຳພ້າ, ສ່ວນທີ່ເຫຼືອແມ່ນເດັກນ້ອຍທີ່ປະສົບກັບຄວາມຫຍຸ້ງຍາກແບບພິເສດ. ເພື່ອເປັນສັກຂີພິຍານຕໍ່ການພົບປະກັບສະພາບຂາດເຂີນໄຟຟ້າ, ນ້ຳ ແລະ ສະບຽງອາຫານ, ຄະນະຜູ້ແທນໄດ້ມອບຂອງຂວັນທີ່ປະຕິບັດໄດ້ຫຼາຍຢ່າງໃຫ້ສູນເຊັ່ນ: ປື້ມບັນທຶກ 1.000 ຫົວ, ຕຽງນອນ, ຜ້າມັດຢາງ, ຜ້າມ່ານ, ເຂົ້າສານເຄິ່ງໂຕນ ແລະ ຖົ່ວເຫຼືອງ....
ທ່ານ Shiek Juma Ali, ຜູ້ຄຸ້ມຄອງສູນ Sheikh Dafalla ແບ່ງປັນວ່າ "ປື້ມ, ສໍ, ປາກກາທີ່ເຂົາເຈົ້າເອົາມາບໍ່ພຽງແຕ່ເປັນວັດຖຸເທົ່ານັ້ນ, ແຕ່ຍັງເປັນຄວາມຫວັງ ແລະ ຄວາມຝັນຂອງຄວາມຮູ້ສໍາລັບເດັກນ້ອຍຢູ່ທີ່ນີ້. ເຂົາເຈົ້າຢາກຊ່ວຍໃຫ້ເດັກນ້ອຍຮຽນຮູ້ການອ່ານ, ຂຽນ ແລະ ກາຍເປັນຄົນທີ່ມີອະນາຄົດ. ນອກຈາກນັ້ນ, ການຊ່ວຍເຫຼືອດ້ານສະບຽງອາຫານໃນຊ່ວງເວລາທີ່ຫຍຸ້ງຍາກນີ້ແມ່ນມີຄ່າທີ່ສຸດ”.
ທ່ານພົນໂທ ເຈີ່ນຈ້ອງງວຽນ , ຮອງກອງບັນຊາການຫົວໜ່ວຍຕໍາຫຼວດຮັກສາສັນຕິພາບເລກທີ 1 ເນັ້ນໜັກວ່າ “ພາລະກິດຂອງພວກຂ້າພະເຈົ້າແມ່ນໜູນຊ່ວຍປະຊາຊົນຢູ່ບັນດາເຂດທີ່ເກີດການປະທະກັນ, ພ້ອມກັນນັ້ນກໍ່ຖືເອົາຮີດຄອງປະເພນີຮັກຫອມສັນຕິພາບຂອງກຳລັງຕຳຫຼວດປະຊາຊົນ ແລະ ປະເທດຊາດຫວຽດນາມ ເພື່ອໜູນຊ່ວຍເພື່ອນມິດສາກົນ. ໃນຂະບວນການຝຶກອົບຮົມ, ພວກຂ້າພະເຈົ້າຮູ້ສະເໝີເຖິງຄວາມຈຳເປັນຕ້ອງໄດ້ສົມທົບກັນຢ່າງແໜ້ນແຟ້ນກັບອຳນາດການປົກຄອງປະຈຳຖິ່ນ ແລະ ທ້ອງຖິ່ນ ເພື່ອເຜີຍແຜ່ຄຸນຄ່າມະນຸດສະທຳຂອງກຳລັງຕຳຫຼວດຮັກສາສັນຕິພາບ”.
ບັນດາເຈົ້າໜ້າທີ່ຮັກສາສັນຕິພາບກໍ່ໄດ້ສົມທົບກັນຈັດຕັ້ງຮູບແຕ້ມສັນຕິພາບກັບເດັກນ້ອຍທ້ອງຖິ່ນ, ປະຕິບັດໂຄງການ “ຮ່ວມເດີນທາງກັບປະຊາຄົມ”. ດ້ວຍເຫດນີ້ຈຶ່ງສ້າງພາບພົດຂອງເຈົ້າໜ້າທີ່ຕຳຫຼວດທີ່ບໍ່ພຽງແຕ່ມີຄວາມຊຳນານຢ່າງເຂັ້ມແຂງເທົ່ານັ້ນ ແຕ່ຍັງເຕັມໄປດ້ວຍຄວາມເມດຕາສົງສານອີກດ້ວຍ. ບໍ່ພຽງແຕ່ມີທັກສະວິຊາຊີບເທົ່ານັ້ນ, ບັນດາເຈົ້າໜ້າທີ່ຮັກສາສັນຕິພາບຫວຽດນາມ ຍັງມີນ້ຳໃຈເມດຕາຈິດໃຈມະນຸດສະທຳຢ່າງເລິກເຊິ່ງ. ການປະຕິບັດຕົວຈິງ ແລະ ທ່າທາງການກຸສົນຂອງເຂົາເຈົ້າ ໄດ້ສ້າງຄວາມປະທັບໃຈຢ່າງເລິກເຊິ່ງຢູ່ໃນຫົວໃຈຂອງຊາວທ້ອງຖິ່ນ, ເພີ່ມຄວາມຫວັງໃຫ້ມີຊີວິດທີ່ສະຫງົບສຸກ ແລະດີຂຶ້ນ. ນັ້ນແມ່ນຮູບພາບທີ່ສວຍງາມ, ມີມະນຸດສະທຳຂອງທະຫານຫວຽດນາມ ໃນການເດີນທາງຂອງຕົນ ເພື່ອປະກອບສ່ວນໃຫ້ແກ່ສັນຕິພາບໂລກ.
 | ທ່ານເອກອັກຄະລັດຖະທູດ ດັ້ງຮວ່າງຢາງ: ສະຫະປະຊາຊາດ ຖືຫວຽດນາມ ແມ່ນຄູ່ຮ່ວມມືສຳຄັນກ່ຽວກັບການຫັນເປັນດີຈີຕອນ ແລະ AI ຍສໝ - ການນຳ ສປຊ ປາດຖະໜາວ່າ ຫວຽດນາມ ຈະສືບຕໍ່ສວມບົດບາດຢ່າງຕັ້ງໜ້າເຂົ້າໃນບັນດາກົນໄກຂອງກຸ່ມນັກຊ່ຽວຊານວິທະຍາສາດ ແລະການສົນທະນາກ່ຽວກັບການຄຸ້ມຄອງ AI ຂອງອົງການຈັດຕັ້ງຫຼາຍຝ່າຍໃຫຍ່ທີ່ສຸດໃນໜ່ວຍໂລກ. |
 | ຫວຽດນາມ - ສະຫະປະຊາຊາດເພີ່ມທະວີການຮ່ວມມືໃນການເຄື່ອນໄຫວຮັກສາສັນຕິພາບ ຍສໝ - ທ່ານເອກອັກຄະລັດຖະທູດ ດັ້ງຮວ່າງຢາງ ແລະ ທ່ານຮອງເລຂາທິການໃຫຍ່ສະຫະປະຊາຊາດ Jean-Pierre Lacroix ໄດ້ເປັນເອກະພາບເພີ່ມທະວີການຮ່ວມມືໃນຂົງເຂດຮັກສາສັນຕິພາບ, ໃຫ້ບຸລິມະສິດຍົກສູງອັດຕາສ່ວນພະນັກງານ, ນັກຮົບຍິງ. |
ມີງດຶກ
