| 50 ປີແຫ່ງທ້ອນໂຮມປະເທດຊາດເປັນເອກະພາບ: ຄວາມຫວັງໃຫ້ນັກປະຕິວັດໃນທົ່ວໂລກ | |
| ນະຄອນໂຮ່ຈີມິນ ອວຍພອນວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 70 ປີ |
ເຂົ້າຮ່ວມພິທີ ມີບັນດາສະຫາຍ: ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ; ເລືອງເກື່ອງ, ປະທານປະເທດ ແຫ່ງສາທາລະນະລັດ ສັງຄົມນິຍົມຫວຽດນາມ; ທ່ານ ຟ້າມມິງຈິງ, ນາຍົກລັດຖະມົນຕີ ແຫ່ງ ສາທາລະນະລັດ ສັງຄົມນິຍົມ ຫວຽດນາມ; ທ່ານ ເຈິ່ນແທັງເໝິນ, ປະທານສະພາແຫ່ງຊາດ ແຫ່ງສາທາລະນະລັດ ສັງຄົມນິຍົມ ຫວຽດນາມ...
 |
| ການນໍາພັກ, ລັດ ແລະບັນດາຜູ້ແທນສາກົນ ເຂົ້າຮ່ວມພິທີສະເຫຼີມສະຫຼອງ. ພາບ: TTXVN |
ເຂົ້າຮ່ວມພິທີຍັງມີບັນດາສະຫາຍການນຳ ແລະອະດີດການນຳພັກ, ລັດ, ແນວໂຮມປະເທດຊາດຫວຽດນາມ, ບັນດາສະຫາຍພະນັກງານປະຕິວັດອາວຸໂສ, ແມ່ຫວຽດນາມວິລະຊົນ, ນັກວິລະຊົນກໍາລັງປະກອບອາວຸດປະຊາຊົນ ແລະ ນັກວິລະຊົນແຮງງານ; ການນຳບັນດາກະຊວງ, ຂະແໜງການຂັ້ນສູນກາງ ແລະທ້ອງຖິ່ນ; ນັກຮົບເກົ່າທີ່ເຄີຍເຂົ້າຮ່ວມບັ້ນຮົບໂຮ່ຈີມິນ ໃນລະດູໃບໄມ້ປົ່ງ ປີ 1975...
ກ່າວສູນທອນພົດທີ່ພິທີ, ທ່ານເລຂາທິການໃຫຍ່ ໂຕເລິມ ເນັ້ນໜັກວ່າໃນເວລາອັນສັກສິດນີ້, ພວກເຮົາ ສະແດງຄວາມອາໄລຫາ ແລະຮູ້ບຸນຄຸນຕໍ່ຄຸນງາມຄວາມດີອັນໃຫຍ່ຫຼວງຂອງປະທານ ໂຮ່ຈີມິນ ຜູ້ນໍາທີ່ແສນເຄົາລົບຮັກ - ຜູ້ນໍາທີ່ປີຊາສາມາດຂອງພັກ ແລະຊາດເຮົາ, ອາຈານທີ່ຍິ່ງໃຫຍ່ຂອງການປະຕິວັດຫວຽດນາມ, ນັກວິລະຊົນປົດປ່ອຍຊາດ, ນັກວັດທະນະທຳຂອງໂລກ, ນັກຮົບທີ່ດີເດັ່ນຂອງຂະບວນການກອມມູນິດ ແລະຊາວຜູ້ອອກແຮງງານ ສາກົນ - ດ້ວຍຄວາມຄາດຫວັງຢາກປົດປ່ອຍພາກໃຕ້, ທ້ອນໂຮມ ປະເທດຊາດ ເປັນເອກະພາບ, ດ້ວຍຄວາມເຊື່ອໝັ້ນຕໍ່ໄຊຊະນະຢ່າງແນ່ນອນ “ເຖິງປະສົບຄວາມຫຍຸ້ງຍາກລໍາບາກ ທໍ່ໃດ, ປະຊາຊົນເຮົາ ຈະໄດ້ຮັບໄຊ ຊະນະຢ່າງສົມບູນທີ່ແນ່ນອນ. ປະເທດຊາດເຮົາ ຈະເປັນທ້ອນໂຮມ ເປັນເອກະພາບຢ່າງແນ່ນອນ. ພີ່ນ້ອງຮ່ວມຊາດ ພາກໃຕ້-ພາກເໜືອ ຈະໂຮມເຂົ້າເປັນອັນໜຶ່ງອັນດຽວ.
ພວກເຮົາ ຂອບໃຈຢ່າງຈິງໃຈຕໍ່ການສະໜັບສະໜູນ, ການຊ່ວຍເຫຼືອອັນໃຫຍ່ຫຼວງ, ລໍ້າຄ່າ, ໝົດຈິດໝົດໃຈ, ສັດຊື່ບໍລິສຸດຜຸດຜ່ອງຂອງບັນດາສະຫາຍອ້າຍນ້ອງ ແລະເພື່ອນມິດສາກົນ, ບັນດາກໍາລັງກ້າວໜ້າ ແລະປະຊາຊົນຮັກຫອມສັນຕິພາບໃນໂລກ ຕໍ່ພາລະກິດຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບຂອງປະຊາຊົນຫວຽດນາມ.
 |
| ບັນດາກ້ອນກໍາລັງສວນສະໜາມ ພວມເຂົ້າຜາມໄຊ. ພາບ: TTXVN |
ກ່າວຄໍາເຫັນທີ່ພິທີມ ທ່ານພົນຈັດຕະວາ ເຈິ່ນຫງອັກໂຖ, ອາຍຸ 79 ປີ, ອະດີດເສນາທິການ ທະຫານເຂດ 7, ຕາງໜ້າໃຫ້ບັນດາກໍາລັງເຂົ້າຮ່ວມບັ້ນຮົບໂຮ່ຈີມິນ ໃຫ້ຮູ້ວ່າ: “ໂດຍແມ່ນຜູ້ທີ່ກັບຄືນຈາກການຕໍ່ສູ້ຕ້ານຈັກກະພັດອາເມລິກາ, ກູ້ຊາດ, ໄດ້ດຳລົງຊີວິດຢູ່ໃນປະເທດ ແຫ່ງສັນຕິພາບ, ເອກະລາດ, ເອກະພາບ, ທົ່ວປະເທດກ້າວຂຶ້ນສູ່ສັງຄົມ ນິຍົມ, ພວກຂ້າພະເຈົ້າ ຮູ້ສຶກດີໃຈ ແລະເອກອ້າງທະນົງໃຈທີ່ສຸດ ຕໍ່ບັນດາຜົນງານອັນໃຫຍ່ຫຼວງຂອງປະເທດ ພາຍຫຼັງເກືອບ 40 ປີແຫ່ງ ການປະຕິບັດພາລະກິດປ່ຽນແປງໃໝ່ ໂດຍ ພັກ ເປັນຜູ້ລິເລີ່ມ ແລະນໍາພາ”.
ຕາງໜ້າໃຫ້ລຸ້ນໜຸ່ມກ່າວຄຳເຫັນທີ່ພິທີ, ສະຫາຍ ນາງ ຮວິ່ງແມ້ງເຟືອງ, ກຳມະການຄະນະບໍລິຫານງານສູນກາງຊາວໜຸ່ມນະຄອນໂຮ່ຈິມິນ, ເລຂາຄະນະຊາວໜຸ່ມມະຫາວິທະຍາໄລເສດຖະກິດ ແລະກົດໝາຍ, ມະຫາວິທະຍາໄລແຫ່ງຊາດນະຄອນໂຮ່ຈິມິນ ໃຫ້ຮູ້ວ່າ: “ຈາກບັນດາໜ້າປະຫວັດສາດ, ຮູບເງົາ, ປຶ້ມ, ໜັງສືພິມ, ບັນດາບົດເພງປະຕິວັດ, ພວກຫຼານ ໄດ້ຮຽນ, ໄດ້ອ່ານ, ໄດ້ຊົມ, ໄດ້ຟັງ, ພວກຫຼານ ຍິ່ງຮູ້ສຶກເອກອ້າງທະນົງໃຈ ແລະຮູ້ໄດ້ຄຸນຄ່າຂອງສັນຕິພາບ, ຍິ່ງນິຍົມນັບຖື, ຮູ້ບຸນຄຸນ ແລະເຄົາລົບບັນ ດາຮຸ່ນພໍ່ຮຸ່ນກ່ອນ”.
ເນື່ອງໃນໂອກາດນີ້, ເພື່ອຮັບຮູ້ບັນດາຜົນງານອັນພົ້ນເດັ່ນຂອງອົງຄະນະພັກ, ອໍານາດການປົກຄອງ ແລະປະຊາຊົນນະຄອນໂຮ່ຈິມິນ, ປະກອບສ່ວນເຂົ້າໃນພາລະກິດສ້າງສາສັງຄົມນິຍົມ ແລະ ປົກປັກຮັກສາປະເທດຊາດ, ພັກ ແລະ ລັດ ໄດ້ຕົກລົງມອບນາມມະຍົດວິລະຊົນແຮງງານໃຫ້ອົງຄະນະພັກ, ອໍານາດການປົກຄອງ ແລະ ປະຊາຊົນນະຄອນໂຮ່ຈິມິນ.
 | ສະເຫຼີມສະຫຼອງ 50 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ກຳປູເຈຍ ແຂວງ ກວາງນິງ ຍສໝ - ຕອນເຊົ້າວັນທີ 7 ມັງກອນ, ຢູ່ນະຄອນ ຮ່າໂນ້ຍ, ສະມາຄົມມິດຕະພາບ ຫວຽດນາມ - ກຳປູເຈຍ ແຂວງ ກວາງນິງ ໄດ້ຈັດຕັ້ງການພົບປະສະເຫຼີມສະຫຼອງ 50 ປີແຫ່ງວັນສ້າງຕັ້ງ; 46 ປີແຫ່ງວັນໄຊຊະນະສົງຄາມປົກປັກຮັກສາເຂດຊາຍແດນຕາເວັນຕົກສຽງໃຕ້ຂອງປະເທດຊາດ ວັນທີ 7 ມັງກອນ (1979-2025) ແລະ ສະຫຼຸບວຽກງານຂອງສະມາຄົມໃນປີ 2024, ... |
 | ນະຄອນ ໂຮ່ຈີມິນ ສະເຫຼີມສະຫຼອງວັນຊາດ ຣູມານີ ຄົບຮອບ 106 ປີ ຍສໝ - ວັນທີ 26 ພະຈິກ, ສະຫະພັນບັນດາອົງການຈັດຕັ້ງມິດຕະພາບນະຄອນ ແລະ ສະມາຄົມມິດຕະພາບ ຫວຽດນາມ - ຣູມານີ ນະຄອນ ໂຮ່ຈີມິນ (ສະມາຄົມ) ໄດ້ຈັດຕັ້ງການພົບປະສະເຫຼີມສະຫຼອງ 106 ປີແຫ່ງວັນຊາດ ຣູມານີ ແລະ 10 ປີແຫ່ງວັນສ້າງຕັ້ງສະມາຄົມ. ເຫດການນີ້ແມ່ນໂອກາດເພື່ອເຊີດຊູສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ, ພ້ອມກັນນັ້ນ ກໍ່ຊຸກຍູ້ການຮ່ວມມືດ້ານເສດຖະກິດ, ວັດທະນະທຳ ... |
