ກ່າວຄຳເຫັນທີ່ການຕ້ອນຮັບ, ທ່ານ ຝູ່ງຊວັນຍະ ໄດ້ສະເໜີໃຫ້ທ່ານເອກອັກຄະລັດຖະທູດ ທ່ານ Tanee Sangrat ຊຸກຍູ້ເພື່ອໃຫ້ 2 ປະເທດໄດ້ລົງນາມບົດບັນທຶກຊ່ວຍຈຳວ່າດ້ວຍການຮ່ວມມືການສຶກສາທີ່ໄດ້ລົງນາມໃນປີ 2004 ຄືນໃໝ່ໂດຍໄວ; ສືບຕໍ່ໜູນຊ່ວຍບັນດາໂຄງການ, ລາຍການທີ່ພວມໄດ້ຮັບການຜັນຂະຫຍາຍຢູ່ ຫວຽດນາມ ເປັນຕົ້ນແມ່ນຫຼັກສູດການສອນພາສາໄທ ຢູ່ຕາມໂຮງຮຽນມະຫາວິທະຍາໄລຂອງ ຫວຽດນາມ; ໜູນຊ່ວຍຍູ້ແຮງການສິດສອນພາສາ ຫວຽດ ຢູ່ ໄທ; ໜູນຊ່ວຍກະຊວງສຶກສາ ແລະ ບຳລຸງສ້າງໃນການສ້າງຕັ້ງສູນພາສາ ແລະ ການສຶກສາ ຫວຽດນາມ ຢູ່ ໄທ.
 |
ທ່ານລັດຖະມົນຕີ ຝູ່ງຊວັນຍະ ໄດ້ມອບຂອງຂວັນທີ່ລະນຶກໃຫ້ທ່ານ Tanee Sangrat ເອກອັກຄະລັດຖະທູດໄທຄົນໃໝ່ ປະຈຳ ຫວຽດນາມ. (ພາບ: giaoducthoidai)
ສ່ວນທ່ານເອກອັກຄະລັດຖະທູດ ທ່ານ Tanee Sangrat ໃຫ້ຮູ້ວ່າ: ຄາດວ່າໃນປີ 2020 ກະຊວງສຶກສາ ໄທ ຈະຈັດຕັ້ງກອງປະຊຸມສຳມະນາ ເພື່ອໃຫ້ຄູອາຈານ ຫວຽດນາມ ແລະ ຄູອາຈານບັນດາປະເທດ ອາຊຽນ ໄດ້ແລກປ່ຽນ, ແບ່ງປັນບົດຮຽນກ່ຽວກັບວິທີສິດສອນ; ໃນປີນີ້, ສະຖານທູດ ໄທ ປະຈຳ ຫວຽດນາມ ກໍ່ຈະຈັດຕັ້ງກອງປະຊຸມຫວນຄືນ 20 ປີແຫ່ງການສິດສອນພາສາໄທ ຢູ່ ຫວຽດນາມ, ພ້ອມກັນນັ້ນ ຈະຈັດຕັ້ງເວທີປາໄສການສຶກສາໄທ ຢູ່ ຫວຽດນາມ ດ້ວຍການເຂົ້າຮ່ວມຂອງຄູອາຈານທີ່ມາຈາກບັນດາມະຫາວິທະຍາໄລຂອງໄທ.
（ແຫຼ່ງຂໍ້ມູນ： http://vovworld.vn）
