 |
ມອບເງິນປະກອບສ່ວນ ສະກັດກັ້ນ ແລະ ຕ້ານໄວຣັສໂຄວິດ-19.(ພາບ: vientianemai.net)
ໂອກາດນີ້ ທ່ານ ສົມດີ ດວງດີ ກໍໄດ້ຕີລາຄາສູງ ແລະ ສະແດງຄວາມຊົມເຊີຍຕໍ່ການນຳຂອງແຂວງບໍລິຄຳໄຊ ໂດຍສະເພາະ ປະຊາຊົນບັນດາເຜົ່າທົ່ວແຂວງບໍລິຄຳໄຊ ທີ່ໄດ້ປະກອບສ່ວນທຶນຮອນໃຫ້ລັດຖະ ບານ ແລະ ເປັນແຂວງທຳອິດທີ່ໄດ້ສົມທົບທຶນ ລັດຖະບານລາວຈະນຳເອົາເງິນຈຳນວນນີ້ໄປມອບໃຫ້ລັດ ຖະບານຈີນ ເພື່ອສົມທົບທຶນຕ້ານການລະບາດຂອງພະຍາດ COVID-19 ຢູ່ເມືອງອູຮັ່ນ ແຂວງຫູເປີຍ ສປ ຈີນ ເພື່ອສະແດງເຖິງຄວາມສາມັກຄີເພື່ອນມິດຍຸດທະສາດ ລະຫວ່າງ ລາວ-ຈີນ ທີ່ມີສາຍພົວພັນອັນດີງາມຕໍ່ກັນຕະຫຼອດມາ ລັດຖະບານໄດ້ຮັບການຊ່ວຍເຫຼືອຈາກຫຼາຍພາກສ່ວນໃນໄລຍະຜ່ານມາ ເປັນຕົ້ນທະນາຄານພັດທະນາລາວ ບໍລິສັດເອກະຊົນຈຳນວນໜຶ່ງ ເຊິ່ງສະມາຄົມມິດຕະພາບ ລາວ-ຈີນ ໄດ້ລະດົມທຶນ ເພື່ອນຳເງິນວັດຖຸປັດໄຈເພື່ອສະແດງເຖິງນ້ຳໃຈຊ່ວຍເຫຼືອປະເທດເພື່ອນບ້ານ ທີ່ມີສາຍພົວພັນຮັກແພງກັນຢ່າງຊະໜິດແໜ້ນ.
 |
ຄະນະກວດກາສູນກາງພັກ ແລະ ອົງການກວດກາລັດຖະບານ ນຳໂດຍ ທ່ານ ທຸມມີ ທຳມະວົງ ຫົວໜ້າຫ້ອງການ ຄະນະກວດກາສູນກາງພັກ ແລະ ອົງການກວດກາລັດຖະບານ ໄດ້ນຳເງິນ 100 ລ້ານກີບ ໄປມອບໃຫ້ກະຊວງພະລັງງານ ແລະ ບໍ່ແຮ່. (ພາບ: vientianemai.net)
ວັນທີ 24 ກຸມພາ 2020 ຄະນະກວດກາສູນກາງພັກ ແລະ ອົງການກວດກາລັດຖະບານ ນຳໂດຍ ທ່ານ ທຸມມີ ທຳມະວົງ ຫົວໜ້າຫ້ອງການ ຄະນະກວດກາສູນກາງພັກ ແລະ ອົງການກວດກາລັດຖະບານ ໄດ້ນຳເງິນ 100 ລ້ານກີບ ໄປມອບໃຫ້ກະຊວງພະລັງງານ ແລະ ບໍ່ແຮ່ ແລະ ຮັບໂດຍທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ປະທານສະມາຄົມມິດຕະພາບ ລາວ-ຈີນ ຂັ້ນສູນກາງ ເພື່ອເປັນການປະກອບສ່ວນຊ່ວຍເຫຼືອເຂົ້າໃນການປ້ອງກັນການສະກັດກັ້ນ ແລະ ຕ້ານການລະບາດຂອງພະຍາດປອດອັກເສບສາຍພັນໃໝ່ ໄວຣັສໂຄວິດ-19 ພ້ອມທັງສະແດງຄວາມເຫັນໃຈຕໍ່ລັດ ຖະບານ ແລະ ປະຊາຊົນຈີນ ໂດຍສະເພາະ ບັນດາຍາດພີ່ນ້ອງຜູ້ໄດ້ຮັບເຄາະຮ້າຍຈາກການແຜ່ລະບາດຂອງພະຍາດຄັ້ງນີ້.
 |
ຍີ່ປຸ່ນໃຫ້ການຊ່ວຍເຫລືອ ຄວາມພາຍະຍາມປ້ອງກັນການແຜ່ກະຈາຍຂອງໂຄໂຣນາໄວຣັດ COVID-19.(ພາບ: kpl.gov.la/)
ໃນວັນທີ 25 ກຸມພາ 2020 ທີ່ນະຄອນຫລວງວຽງຈັນ ທ່ານ ທາເກວາກະ ເຄໂຊ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ໄດ້ມອບອຸປະກອນປ້ອງກັນ ອັນຕະລາຍແບບສ່ວນບຸກຄົນ (PPE) ໃຫ້ແກ່ ທ່ານ ດຣ. ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໂດຍມີ ທ່ານ ດຣ. ມາກ ເຈຄອບ ຜູ້ຕາງໜ້າອົງການອານະໄມໂລກ ປະຈຳສປປ ລາວ ພ້ອມດ້ວຍພາກສ່ວນກ່ຽວຂ້ອງຮ່ວມເປັນສັກຂີພິຍານ.
ເພື່ອປ້ອງກັນການແຜ່ກະຈາຍ ຂອງໂຄໂຣນາໄວຣັດ COVID-19 ໄປທົ່ວໂລກ, ຍີ່ປຸ່ນໄດ້ມອບຊຸດແພດໃຍສັງເຄາະ 4.680 ຊຸດ, ໜ້າກາກກັນເຊື້ອ 6.000 ອັນ, ໜ້າກາກອານະໄມ 13.200 ອັນ, ນ້ຳຢາອານໂກນ ສຳລັບລ້າງມື 240 ຕຸກ, ແວ່ນຕາກັນເຊື້ອ 270 ອັນ ແລະ ຖົງມືອະນາໄມແບບໃຊ້ແລ້ວຖິ້ມ 12.200 ຖົງ ໃຫ້ແກ່ ສປປ ລາວ. ສຳລັບອຸປະກອນເຫລົ່ານີ້ ແມ່ນໄດ້ຮັບມາຈາກຄັງສຳຮອງສຳລັບເຄື່ອງມື ແລະອຸປະກອນຄວາມປອດໄພ ໂດຍອົງການມູນລະນິທິ ອາຊີ-ເອີຣົບ (ASEF) ແລະ ເຄື່ອງບໍລິຈາກ ຈາກລັດຖະບານຍີ່ປຸ່ນ. ອຸປະກອນດັ່ງກ່າວ, ຈະຖືກສົ່ງໄປປະເທດລາວ ຜ່ານຫ້ອງສາງທີ່ປະເທດສິງກະໂປ ໂດຍເປັນການປະສານງານ ຮ່ວມມືກັບຫ້ອງ ການທ້ອງຖິ່ນ ສຳລັບເຂດປາຊີຟິກຕາເວັນຕົກ ຂອງອົງການອານະໄມໂລກ (WPRO).
ກະຊວງສາທາລະນະສຸກ ໄດ້ອອກມາແຈ້ງຂ່າວເພື່ອສະແດງຄວາມເປັນຫ່ວງເປັນໄຍຕໍ່ປະຊາຊົນລາວ ກ່ຽວກັບພະຍາດອັກເສບປອດໄວຣັດສາຍພັນໃໝ່ ຫຼື ໂຄວິດ 19 ໃນວັນທີ 26 ກຸມພານີ້ ທີ່ກະຊວງດັ່ງກ່າວ, ທ່ານ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ແລະ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ອອກມາແຈ້ງຂ່າວກ່ຽວກັບພະຍາດອັກເສບປອດໄວຣັດສາຍພັນໃໝ່ ຫຼື ໂຄວິດ 19 ຂ້າພະເຈົ້າ ຂໍໃຫ້ຂໍ້ມູນຕື່ມໃນວັນທີ 25 ກຸມພາຜ່ານມາ ສະພາບພະຍາດອັກເສບປອດໄວຣັດສາຍ ພັນໃໝ່ ຫຼື ໂຄວິດ 19 ສະເພາະຢູ່ ສປ ຈີນ ມີທ່ວງທ່າຫຼຸດຜ່ອນລົງສັງລວມແລ້ວສາມາດຄວບຄຸມສະຖານະການໄດ້ ຊຶ່ງໂຕເລກຫຼ້າສຸດຮອດວັນທີ 25 ກຸມພາ ມີຜູ້ຕິດເຊື້ອກໍລະນີໃໝ່ ລວມທັງໝົດແມ່ນ 78.064 ກໍລະນີ, ກໍລະນີໃໝ່ 406 ຄົນ, ກໍລະນີເສຍຊີວິດມາຮອດປັດ ຈຸບັນ 2.715 ກໍລະນີ ຫຼຸດລົງຈາກມື້ຜ່ານມາ, ໂຕເລກມີການປ່ຽນແປງໄປແຕ່ລະຊົ່ວໂມງ, ສະເພາະບັນຫາໃໝ່ທີ່ເກີດຂຶ້ນ ຊຶ່ງພວກເຮົາຈະຕ້ອງໄດ້ເອົາໃຈໃສ່ແມ່ນຢູ່ສາທາລະນະລັດເກົາຫຼີ ກໍລະນີການຕິດເຊື້ອຢູ່ເມືອງແດກູ ແມ່ນໄດ້ເພີ່ມຂຶ້ນຢ່າງໄວເຊື້ອພະຍາດໂຄວິດ 19 ມີການແຜ່ຂະຫຍາຍຕົວໄວເປັນວົງກວ້າງ ມາຮອດປັດ ຈຸບັນຂໍ້ມູນຫຼ້າສຸດມີເຖິງ 977 ກໍລະນີ, ເສຍຊີວິດແລ້ວ 10 ກໍລະນີ. ນອກຈາກນັ້ນ, ຢູ່ໃນເຂດຢູໂຣບ ເປັນຕົ້ນປະເທດ ອີຕາລີ ມີອັດຕາການຕິດເຊື້ອມີເຖິງ 322 ກໍລະນີ, ເສຍຊີວິດ 10 ກໍລະນີ ໂດຍລວມແລ້ວ ພະຍາດໄດ້ແຜ່ຂະຫຍາຍ. ນອກຈາກຢູ່ ສປ ຈີນ ຍັງຂະ ຫຍາຍໄປປະເທດອື່ນໆ ໃນທົ່ວໂລກກວມ ເອົາ 37 ປະເທດ.
（ໄຊພອນ）
