ໃນຕອນເຊົ້າວັນທີ 14 ພຶດສະພານີ້, ທີ່ສຸສານນັກຮົບວິລະຊົນແຫ່ງຊາດ ເມືອງ ຫງີລົກ, ແຂວງ ເງ້ອານ, ໄດ້ຈັດພິທີປົງສົບ ນັກຮົບວິລະຊົນ ແລະ ຜູ້ຊ່ຽວຊານຫວຽດນາມທີ່ເສຍຊີວິດຢູ່ລາວໃນປາງສົງຄາມ ຢ່າງສະຫງ່າຜ່າເຜີຍ ຕາມພິທີກຳ ຂັ້ນສູງສຸດຂອງກອງທັບປະຊາຊົນຫວຽດນາມ.
ເຂົ້າຮ່ວມພິທີປົງສົບ ມີຜູ້ຕາງຫນ້າ ຄະນະກໍາມະການພິເສດ ລັດຖະບານຫວຽດນາມ ແລະ ສປປ ລາວ, ການນໍາ ແລະ ຫົວໜ້າອົງການທີ່ກ່ຽວຂ້ອງຂອງທະຫານເຂດ 4; ຜູ້ຕາງຫນ້າຄະນະກໍາມະການ ປະຕິບັດງານພິເສດ 3 ແຂວງຂອງລາວ ແລະ ແຂວງ ເງ້ອານ, ປະຊາຊົນເມືອງ ເງ້ອານ.
 |
ພິທີປົງສົບນັກຮົບ ຢູ່ສຸສານນັກຮົບເສຍສະລະເມືອງ ຫງີ້ ໂລ້ກ. (ພາບ: VOV)
ໃນພິທີປົງສົບຄັ້ງນີ້, ຄະນະຜູ້ແທນໄດ້ເລົ່າຫວນຄືນເຖິງຄວາມຫຼັງ ອັນສະຫງ່າອົງອາດຂອງສອງຊົນເຜົ່າ ຫວຽດນາມ - ລາວ, ເຊິ່ງຕໍ່ສູ້ຄຽງບ່າຄຽງໄຫຼ່ ຜ່ານຜ່າການທົດສອບ ແລະ ຄວາມຫຍຸ້ງຍາກ; ຮັບຮູ້ເຖິງການເສຍສະຫຼະຂອງບັນດາທະຫານ, ນັກຮົບ ເພື່ອປົກປັກຮັກສາ ເອກະລາດ ຂອງປະຊາຊົນສອງປະເທດ.
ທ່ານ ເລ ງ້ອກ ຮວາ ຫົວຫນ້າຄະນະກໍາມະການປະຕິບັດງານພິເສດ, ຮອງປະທານກຳມະການປະຊາຊົນແຂວງເງ້ອານ ກ່າວວ່າ: ເຖິງວ່າວຽກງານການທ້ອນໂຮມ ຈະປະສົບກັບຄວາມຫຍຸ້ງຍາກລຳບາກຫລາຍປະການ, ແຕ່ຄະນະປະຕິບັດງານໄດ້ພະຍາຍາມຢ່າງສຸດຄວາມສາມາດ, ປະສານສົມທົບ ລະຫວ່າງ ກອງທ້ອນໂຮມ, ທະຫານເງ້ອານ, ພັກ ແລະ ອໍານາດການປົກຄອງ ຮ່ວມກັບ ປະຊາຊົນທ້ອງຖິ່ນ ລາວ ຢ່າງບໍ່ທໍ້ຖ່ອຍ.
ທ່ານພັນຕີ ຂັນທອງ ວົງນໍ້າຄາ, ກຳມະການ-ການເມືອງ ກະຊວງບັນຊາການ ທະຫານແຂວງ ຊຽງຂວາງ ກ່າວວ່າ: ພິທີປົງສົບທະຫານ, ນັກຮົບວິລະຊົນ ທີ່ເສຍສະຫຼະຊີວິດ ແມ່ນມີຄວາມຫມາຍອັນໃຫຍ່ຫຼວງ. ນີ້ກໍ່ແມ່ນການຮັບຮູ້ເຖິງຄຸນງາມຄວາມດີກໍ່ຄືນ້ຳໃຈເສຍສະຫຼະ, ການຮ່ວມມື ລະຫວ່າງ ທະຫານສອງປະເທດ ຫວຽດນາມ-ລາວ, ທີ່ຍາມໃດກໍ່ພ້ອມເສຍສະຫຼະຊີວິດເພື່ອການປະຕິວັດລາວ ແລະ ຫວຽດນາມ.
ທ່ານ ຂັນທອງ ວົງນໍ້າຄາ ຢັ້ງຢືນວ່າ: ສອງປະເທດຈະສືບຕໍ່ ປັບປຸງ, ສຶກສາ, ສ້າງມູນເຊື້ອຄວາມສາມັກຄີທີ່ມີມາແຕ່ຍາວນານໃຫ້ແກ່ໄວໜຸ່ມຄົນລຸ້ນໃໝ່; ກໍ່ສ້າງສາຍສໍາພັນ ລະຫວ່າງ ສອງປະເທດ ໃຫ້ມີຄວາມເຂັ້ມແຂງ ແລະ ນັບມື້ນັບແໜ້ນແຟ້ນ.
（ຄຳຮຸ່ງ）
