ທ່ານ ກົງສີ ແກ້ວມະນີ - ຮອງລັດຖະມົນຕີກະຊວງສຶກສາທິການ ແລະ ກິລາ ລາວ ກ່າວຄຳເຫັນທີ່ພິທີ. (ພາບ: thoidai.com.vn)

ເຂົ້າຮ່ວມພິທີສະເຫຼີມສະຫຼອງ ມີທ່ານ ກົງສີ ແກ້ວມະນີ - ຮອງລັດຖະມົນຕີກະຊວງສຶກສາທິການ ແລະ ກິລາແຫ່ງສາທາລະນະລັດປະຊາທິປະໄຕປະຊາຊົນ ລາວ; ທ່ານຫງວຽນທິທູເຮືອງ - ກຳມະການຄະນະປະຈຳ, ຫົວໜ້າພະແນກໂຄສະນາອົບຮົມ ແຂວງເງ້ອານ, ພ້ອມດ້ວຍຜູ້ຕາງໜ້າຄະນະ ແລະ ບຸກຄົນໄດ້ຮັບລາງວັນອັນສູງສົ່ງ; ພະນັກງານ - ລັດຖະກອນຂອງໂຮງຮຽນ ແລະ ຄະນະຜູ້ແທນນັກຮຽນນັກສຶກສາ, ນັກສຶກສາຕ່າງປະເທດເຂົ້າຮ່ວມ.

ໃນໄລຍະ 60 ປີແຫ່ງການກໍ່ສ້າງ ແລະ ພັດທະນາ, ມະຫາວິທະຍາໄລ ວິງ ໄດ້ຢືນຢັນຖານະ ເປັນມະຫາວິທະຍາໄລຫຼັກແຫ່ງຊາດ. ກ່າວຄຳເຫັນທີ່ພິທີ, ຜູ້ນຳໂຮງຮຽນ ກໍ່ເຊື່ອໝັ້ນວ່າ ທົ່ວໂຮງຮຽນຈະປະຕິບັດສຳເລັດເປົ້າໝາຍ ກໍ່ສ້າງມະຫາວິທະຍາໄລ ວິງ ໃຫ້ກາຍເປັນມະຫາວິທະຍາໄລຫຼັກແຫ່ງຊາດ, ເປັນສະມາຊິກ ຂອງເຄືອຂ່າຍມະຫາວິທະຍາໄລອາຊຽນ, ເຊື່ອມໂຍງຢ່າງຕັ້ງໜ້າ ແລະ ໝັ້ນໃຈກັບການສຶກສາຊັ້ນສູງໃນພາກພື້ນ ແລະ ໂລກ.

ທ່ານ ກົງສີ ແກ້ວມະນີ ໄດ້ມອບຫຼຽນໄຊແຮງງານຊັ້ນ ສາມ ແລະ ຫຼຽນໄຊມິດຕະພາບໃຫ້ແກ່ໂຮງຮຽນມະຫາວິທະຍາໄລ ວິງ ແລະ ບຸກຄົນທົ່ວໄປ. (ພາບ: thoidai.com.vn)

ຮອງຮັບການປະກອບສ່ວນ ຂອງມະຫາວິທະຍາໄລ ວິງ ຕໍ່ພາລະກິດຂອງການສຶກສາ ແລະ ການຝຶກອົບຮົມ, ການສະໜອງຊັບພະຍາກອນມະນຸດ ທີ່ມີຄຸນນະພາບສູງໃຫ້ແກ່ລາວ, ເນື່ອງໃນໂອກາດວັນສ້າງຕັ້ງມະຫາວິທະຍາໄລ ວິງ ຄົບຮອບ 60 ປີ, ທ່ານ ກົງສີ ແກ້ວມະນີ - ຮອງລັດຖະມົນຕີກະຊວງສຶກສາທິການ ແລະ ກິລາແຫ່ງສາທາລະນະລັດປະຊາທິປະໄຕປະຊາຊົນ ລາວ ໃນນາມຕາງໜ້າໃຫ້ລັດ ສປປ.ລາວ ໄດ້ມອບຫຼຽນໄຊແຮງງານຊັ້ນ ສາມ ແລະ ຫຼຽນໄຊມິດຕະພາບໃຫ້ແກ່ໂຮງຮຽນມະຫາວິທະຍາໄລ ວິງ ແລະ ບຸກຄົນທົ່ວໄປ.

（ຄຳຮຸ່ງ）