 |
ທ່ານນາງ ຫງວຽນທິກິມເງິນ ແລະ ທ່ານ ບຸນປອນ ບຸດຕະນະວົງ. (ພາບ: quochoi.vn)
ທີ່ການຕ້ອນຮັບ; ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ເນັ້ນໜັກວ່າ: ສອງຝ່າຍຄວນສືບຕໍ່ຮັກສາການແລກປ່ຽນບັນດາການຢ້ຽມຢາມຂອງການນຳຂັ້ນສູງ ແລະ ບັນດາອົງການວິຊາສະເພາະຂອງ ສອງສະພາແຫ່ງຊາດເປັນປະຈຳ ບົນຈິດໃຈມີປະສິດທິຜົນ; ເພີ່ມທະວີການແລກປ່ຽນຂໍ້ມູນຂ່າວສານ, ສົມທົບກັນເພື່ອແກ້ໄຂບັນດາບັນຫາເກີດຂຶ້ນຢ່າງທັນການ.
ນອກຈາກນນັ້ນ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ກໍ່ໄດ້ສະເໜີວ່າ: ກຳມາທິການພົວພັນຕ່າງປະເທດຂອງສອງສະພາແຫ່ງຊາດ ກວດກາບັນດາລາຍການ, ແຜນການເຊິ່ງ ສອງ ຝ່າຍໄດ້ສ້າງແຜນການປະຕິບັດໃຫ້ຊຸມປີຕໍ່ໆໄປ ເພື່ອຍົກສູງປະສິດທິຜົນການເຄື່ອນໄຫວ, ການສົມທົບກັນລະຫວ່າງ ສອງສະພາແຫ່ງຊາດຢ່າງມີປະສິດທິຜົນ; ສະພາແຫ່ງຊາດສອງປະເທດເພີ່ມທະວີການຕິດຕາມກວດກາ, ກະຕຸກຊຸກຍູ້ການປະຕິບັດການຜັນຂະຫຍາຍບັນດາຂໍ້ຕົກລົງທີ່ໄດ້ລົງນາມແລ້ວລະຫວ່າງລັດຖະບານ, ກະຊວງ, ຂະແໜງການ ແລະ ທ້ອງຖິ່ນຂອງ ສອງປະເທດຢ່າງມີປະສິດທິຜົນ.
 |
ບັນຍາກາດທີ່ການຕ້ອນຮັບ. (ພາບ: quochoi.vn)
ທີ່ການຕ້ອນຮັບ; ທ່ານຮອງປະທານສະພາແຫ່ງຊາດລາວ ບຸນປອນ ບຸດຕະນະວົງ ໄດ້ຢືນຢັນວ່າ: ຍາມໃດ ສປປ ລາວ ກໍ່ສະໜັບສະໜູນ ແລະ ຕີລາຄາສູງເລື່ອງຫວຽດນາມ ດຳລົງຕຳແໜ່ງປະທານ AIPA ແລະ ອາຊຽນ; ເຊື່ອໝັ້ນວ່າ ດ້ວຍມີບົດຮຽນຫຼາຍຢ່າງ, ຫວຽດນາມ ຈະຈັດຕັ້ງ ແລະ ປະຕິບັດໜ້າທີ່ດັ່ງກ່າວບັນລຸຜົນສຳເລັດ.
（ໄຊພອນ）
