ເພີ່ມທະວີການຮ່ວມມື ລະຫວ່າງ ຫ້ອງວ່າການລັດຖະບານ ຫວຽດນາມ ແລະ ລາວ

ນາຍົກລັດຖະມົນຕີ ແຫ່ງ ສປປ ລາວ ທ່ານ ທອງລຸນ ສີສຸລິດ ຕ້ອນຮັບ ລັດຖະມົນຕີກະ ຫົວໜ້າຫ້ອງວ່າສຳນັກງານນາຍົກຫວຽດນາມ, ທ່ານ ມາຍ ຕ໋ຽນ ຢຸ໋ງ. (ພາບ: ຊົນຕູ໋ /ສນຂຫນ)

ໃນກອງປະຊຸມ, ລັດຖະມົນຕີກະ ຫົວໜ້າຫ້ອງວ່າສຳນັກງານນາຍົກຫວຽດນາມ, ທ່ານ ມາຍ ຕ໋ຽນ ຢຸ໋ງ ໄດ້ຂອບອົກຂອບໃຈນາຍົກລັດຖະມົນຕີ ແຫ່ງ ສປປ ລາວ ທ່ານ ທອງລຸນ ສີສຸລິດ, ທີ່ໄດ້ສະຫຼະເວລາ ໃຫ້ການຕ້ອນຮັບຄະນະຜູ້ແທນ; ສົ່ງຄຳຢ້ຽມຢາມຖາມຂ່າວ ແລະ ອວຍພອນສຸຂະພາບ ຂອງ ທ່ານນາຍົກລັດຖະມົນຕີຫວຽດນາມ ຫງວ໋ຽນ ຊົນ ຟຸກ ເຖິງນາຍົກລັດຖະມົນຕີ ແຫ່ງສປປ ລາວ ແລະ ຄອບຄົວ; ສະຫຼຸບລາຍງານຕໍ່ ທ່ານນາຍົກລັດຖະມົນຕີ ກ່ຽວກັບຜົນໄດ້ຮັບຂອງການເຈລະຈາ ກັບ ທ່ານລັດຖະມົນຕີ ຫົວໜ້າຫ້ອງວ່າສຳນັກງານນາຍົກ ແຫ່ງ ສປປ ລາວ ເພັດ ພົມພິພັກ.

ລັດຖະມົນຕີກະ ຫົວໜ້າຫ້ອງວ່າສຳນັກງານນາຍົກຫວຽດນາມ, ທ່ານ ມາຍ ຕ໋ຽນ ຢຸ໋ງ ໄດ້ສະແດງຄວາມຍິນດີຕໍ່ຜົນສໍາເລັດກໍ່ຄືໝາກຜົນ ຂອງ ສປປ ລາວ ໃນ 6 ເດືອນຕົ້ນປີ; ກ່າວວ່າຕື່ມ ເຖິງແມ່ນວ່າຈະຍັງມີຄວາມຫຍຸ້ງຍາກຫຼາຍອັນ, ເນື່ອງມາຈາກໄພພິບັດທາງທໍາມະຊາດ ແລະ ອຸທົກກະໄພ, ນໍ້າຖ້ວມຮ້າຍແຮງ, ແຕ່ດ້ວຍຄວາມພະຍາຍາມ, ໝາກຜົນຂອງການຂະຫຍາຍຕົວທາງເສດຖະກິດຂອງ ປະເທດລາວ ແມ່ນຍັງຢູ່ໃນອັນດັບດີ (6.5%); ຊີວິດຂອງພໍ່ແມ່ປະຊາຊົນ ໄດ້ຮັບການປັບປຸງດີຂຶ້ນ; ການພົວພັນຕ່າງປະເທດຂອງສປປ ລາວ ນັບມື້ນັບຂະຫຍາຍຕົວຫລາຍຂຶ້ນ; ເນັ້ນໜັກ ຫວຽດນາມຍາມໃດກໍ່ເອົາໃຈໃສ່ ຕິດຕາມ ແລະ ຫວັງໃຫ້ ປະເທດລາວ ພັດທະນາຢ່າງມີສະຖຽນລະພາບ ແລະ ສີວິໄລ, ປະຊາຊົນລາວ ມີຊີວິດອົບອຸ່ນແລະ ມີຄວາມສຸກ.

ນາຍົກລັດຖະມົນຕີ ແຫ່ງ ສປປ ລາວ ທ່ານ ທອງລຸນ ສີສຸລິດ ຕີລາຄາສູງ ການຢ້ຽມຢາມ ແລະ ການເຮັດວຽກ ຂອງຄະນະຜູ້ແທນ ຢູ່ ສປປ ລາວໃນຄັ້ງນີ້; ຢືນຢັນວ່າການຢ້ຽມຢາມ ແລະ ການເຮັດວຽກຂອງຄະນະຜູ້ແທນຈະປະກອບສ່ວນເສີມສ້າງຄວາມເຂັ້ມແຂງ ແລະເພີ່ມທະວີການພົວພັນພິເສດລະຫວ່າງສອງພັກ, ສອງລັດ ແລະ ປະຊາຊົນສອງປະເທດເວົ້າລວມ, ລະຫວ່າງສອງ ຫ້ອງວ່າການສຳນັກງານນາຍົກ ລາວ ແລະ ຫວຽດນາມ ເວົ້າສະເພາະ.

ນາຍົກລັດຖະມົນຕີ ແຫ່ງ ສປປ ລາວ ທ່ານ ທອງລຸນ ສີສຸລິດ ໄດ້ສະເໜີໃຫ້ສອງ ຫ້ອງວ່າການສຳນັກງານນາຍົກ ສືບຕໍ່ປະສານສົມທົບ ແລະ ແລກປ່ຽນປະສົບການໃນທຸກຂົງເຂດ; ເພີ່ມທະວີການຮ່ວມມືໃນການກໍ່ສ້າງ ແລະ ຝຶກອົບຮົມພະນັກງານ ເພື່ອຮັບປະກັນວຽກງານເສນາທິການທີ່ມີປະສິດທິຜົນ ເພື່ອຮັບໃຊ້ວຽກງານການຊີ້ນໍາຂອງລັດຖະບານແລະນາຍົກລັດຖະມົນຕີ.

ຫ້ອງວ່າການສຳນັກງານນາຍົກ ໄດ້ສະແດງຄວາມຍິນດີຕໍ່ຜົນສໍາເລັດກໍ່ຄືໝາກຜົນອັນຍິ່ງໃຫຍ່ຂອງຫວຽດນາມ ໃນການພັດທະນາລັດຖະບານດີຈີຕັ້ນ; ທ່ານຄິດວ່າການຈັດຕັ້ງປະຕິບັດກ່ຽວກັບ ລາຍເຊັນດິຈິຕອນຂອງລັດຖະບານຫວຽດນາມທີ່ກຳລັງດຳເນີນການ ຈະປະກອບສ່ວນຢ່າງມີປະສິດທິຜົນຕໍ່ການຊີ້ນໍາ ແລະ ການຄຸ້ມຄອງຂອງລັດຖະບານ; ສະແດງຄວາມປາຖະຫນາ ຢາກໃຫ້ຫວຽດນາມ ແບ່ງປັນປະສົບການ ກັບ ສປປ ລາວ ໃນການພັດທະນາລັດຖະບານ ດີຈີຕັ້ນ ແລະ ທ່ານກ່າວວ່າຈະ ຊີ້ໃຫ້ຫ້ອງວ່າການສຳນັກງານນາຍົກ ຄັດເລືອກເອົາພະນັກງານ ສົ່ງໄປປະເທດຫວຽດນາມ ເພື່ອຮຽນຮູ້ປະສົບການ ກ່ຽວກັບການກໍ່ສ້າງລັດຖະບານດີຈີຕັ້ນ. ພ້ອມດຽວກັນນັ້ນ, ທ່ານຍັງໄດ້ສະເຫນີໃຫ້ສອງຫ້ອງວ່າການ ປະສານສົມທົບກັນກໍ່ສ້າງໂຄງການທີ່ກ່ຽວຂ້ອງກັບຂົງເຂດນີ້.

（ຫັດ​ທະ​ບູນ）