 |
ແຂວງສະຫວັນນະເຂດ ສປປ ລາວ ສະແດງຄວາມເຄົາລົບຮັກກະຕັນຍູຮູ້ບຸນຄຸນຕໍ່ ປະທານ ໂຮ່ຈິ໋ມີງ.
ການຈັດຕັ້ງການວາງພວງມາລາໃນໂອກາດວັນຄ້າຍວັນເກີດຂອງປະທານ ໂຮ່ຈິ໋ມີງ ແມ່ນເປັນການສ່ອງແສງເຖິງລັກສະນະປະຫວັດສາດ, ການເມືອງ, ສ່ອງແສງເຖິງມູນເຊື້ອແຫ່ງຄວາມສາມັກຄີແບບພິເສດ ແລະ ການຮ່ວມມືຮອບ ດ້ານລະຫວ່າງສອງພັກ-ສອງລັດ ແລະປະຊາຊົນສອງ ຊາດລາວ-ຫວຽດນາມ ໂດຍສະເພາະແມ່ນປະທານ ໂຮ່ຈິ໋ມີງ ຜູ້ນໍາຜູ້ຍິ່ງໃຫຍ່ຂອງປະຊາຊົນຫວຽດນາມ ແລະ ປະທານ ໄກສອນ ພົມວິຫານ ຜູ້ນໍາທີ່ເຄົາລົບຮັກຂອງປະຊາຊົນລາວ ເປັນຜູ້ລິເລີ່ມ ແລະ ຈັດຕັ້ງຜັນຂະຫຍາຍເພີ່ມພູນຄູນສ້າງດ້ວຍດີຕະຫລອດມາ.
ແຂວງສະຫວັນນະເຂດສ້າງອະນຸສອນແຫ່ງນີ້ກໍ່ເພື່ອເປັນສະຖານທີ່ທ່ອງທ່ຽວທີ່ສໍາຄັນທາງປະຫວັດສາດຂອງສອງຊາດ ລາວ - ຫວຽດນາມ, ເປັນບ່ອນກາບໄວ້ສັກກາລະບູຊາເຄົາລົບນັບຖື ແລະ ເປັນບ່ອນສຶກສາຮໍ່າຮຽນເອົາຄຸນສົມບັດສິນທໍາປະຕິວັດ ແລະ ການເຄື່ອນໄຫວຂອງປະທານ ໂຮ່ຈິ໋ມີງ ຕະຫລອດໄລຍະທີ່ຜ່ານມາລວມທັງການຊີ້ນໍາໆພາຂະບວນການຕໍ່ສູ້ຕ້ານຈັກກະພັດຕ່າງດ້າວທີ່ເຂົ້າມາຮຸກຮານສອງປະເທດອ້າຍນ້ອງລາວ-ຫວຽດນາມ.
（ໄຊພອນ）
