 |
ກອງບັນຊາການທະຫານແຂວງວຽງຈັນມາຢ້ຽມຢາມ ແລະ ອວຍພອນປີໃໝ່ປະຈໍາຊາດຫວຽດນາມ 2019 ໃຫ້ແກ່ກອງບັນຊາການທະຫານແຂວງເງ້ອານ
ທີ່ສໍານັກງານກອງບັນຊາການທະຫານແຂວງເງ້ອານ, ສະຫາຍ ພົນຈັດຕະວາ ບູນມາ ວົງດາລາແສງ, ກໍາມະການຄະນະປະຈໍາພັກແຂວງ, ຫົວໜ່້າການເມືອງກອງບັນຊາການທະຫານແຂວງວຽງຈັນໄດ້ແຈ້ງກ່ຽວກັບສະພາບການດ້່ານການພັດທະນາເສດຖະກິດ-ສັງຄົມຂອງແຂວງວຽງຈັນໃຫ້ແກ່ການນໍາກອງບັນຊາການທະຫານແຂວງເງ້ອານໄດ້ຊາບ; ພ້ອມກັນນັ້ນ ສະຫາຍ ບູນມາ ວົງດາລາແສງ ກໍ່ໄດ້ກ່າວຄໍາອວຍພອນປີໃໝ່ປະຈໍາຊາດຫວຽດນາມ 2019 ຈົ່ງມີຄວາມຈະເລີນຮຸ່ງເຮືອງກ້າວໜ້າ, ວັດທະນາຖາວອນ, ມອບຂອງຂວັນທີ່ເປັນເອກະລັກດ້ານວັດທະນະທໍາຂອງປະເທດລ້ານຊ້າງໃຫ້ແກ່ພະນັກງານ, ນາຍທະຫານກອງບັນຊາການທະຫານແຂວງເງ້ອານເນື່ອງໃນໂອກາດໃນການກະກຽມຕອນຮັບປີໃໝ່ປະຈໍາຊາດຫວຽດນາມ.
ໃນການຕອນຮັບຄະນະຜູ້ແທນກອງບັນຊາການທະຫານແຂວງວຽງຈັນໃນຄັ້ງນີ້, ສະຫາຍ ພັນເອກ ເວືອງ ກີມ ຂາຍ, ຮອງຫົກໜ້າການເມືອງກອງບັນຊາການທະຫານແຂວງເງ້ອານໄດ້ແຈ້ງສະພາບການກ່ຽວກັບການພັດທະນາດ້ານເສດຖະກິດ-ສັງຄົມທີ່ຕິດພັນກັບວຽກງານການປັບປຸງດ້ານການປ້ອງກັນຊາດ-ປ້ອງກັນຄວາມສະຫງົບຂອງແຂວງເງ້ອານໃນປີ 2018 ໃຫ້ຄະນະຜູ້ແທນກອງບັນຊາການທະຫານແຂວງວຽງຈັນໄດ້ຮັບຊາບ. ໂດຍສະເພາະໃນປີທີ່ຜ່ານມາ, ແຂວງເງ້ອານ ແລະ ແຂວງວຽງຈັນ ໄດ້ຮ່ວມມືຢ່າງໃກ້ຊິດ ແລະ ໄດ້ຮັບຜົນສໍາເລັດໃນການຄົ້ນຫາ, ການເກັບກໍາອິດຖິຂອງທະຫານອາສາສາໝັກຫວຽດນາມທີ່ໄດ້ເສຍສະຫຼະຢູ່ ສປປ ລາວ.
ສະຫາຍ ພັນເອກ ເວືອງ ກີມ ຂາຍ, ຮອງຫົກໜ້າການເມືອງກອງບັນຊາການທະຫານແຂວງເງ້ອານມີຄວາມຫວັງວ່າໃນໄລຍະຕໍ່ໜ້າການພົວພັນແບບສາມັກຄີລະຫວ່າງກອງບັນຊາການທະຫານແຂວງເງ້ອານ ແລະ ກອງບັນຊາການທະຫານແຂວງວຽງຈັນ ສືບຕໍ່ເຂົ້າໃນຄວາມເລີກ, ເຊິ່ງເພີ່ມທະວີຄວາມສາມັກຄີມິດຕະພາບ ລະຫວ່າງ ປະຊາຊົນສອງປະເທດ, ສອງພັກ, ສອງລັດ, ກອງທັບຂອງສອງປະເທດຫວຽດນາມ - ລາວໃຫ້ຂຽວສົດງົດງາມ, ໝັ້ນຄົງຂະໜົງແກ່ນຊົ່ວກາລະນານ.
（ໄຊພອນ）
