ສະຫະພັນບັນດາສະມາຄົມມິດຕະພາບ

ເຊກອງ-ກວາງນາມ ຖອດຖອນບົດຮຽນວຽກງານກວດກາລັດ

08:46 | 26/06/2018

ມື້​ວານນີ້, ທີ່ ແຂວງ​ເຊ​ກອງ ອົງການກວດກາລັດແຂວງເຊກອງ ສປປ ລາວ ​ແລະ ອົງ ການກວດກາລັດແຂວງກວາງນາມ ສສ ຫວຽດນາມ ໄດ້ມີການພົບປະ ຖອດຖອນແລກປ່ຽນບົດ ຮຽນກ່ຽວກັບ ວຽກງານກວດກາລັດ .

ກອ​ງ​ປະ​ຊຸມ ຖອດຖອນແລກປ່ຽນບົດ ຮຽນກ່ຽວກັບ ວຽກງານກວດກາລັດ ເຊກອງ-ກ້​ວາງ​ນາມ.(ພາບ : ສັນຍາ)

ໃນວັນທີ 25 ມິຖຸນາ 2018  ອົງການກວດກາລັດແຂວງເຊກອງ  ສປປ ລາວ ​ແລະ ອົງ ການກວດກາລັດແຂວງກວາງນາມ  ສສ ຫວຽດນາມ ໄດ້ມີການພົບປະ ຖອດຖອນແລກປ່ຽນບົດ ຮຽນກ່ຽວກັບ ວຽກງານກວດກາລັດ  ຊຶ່ງນຳໂດຍທ່ານ ຫີນເພັດ ແກ້ວຫົງສາ ຮອງປະທານກວດກາພັກ, ພ້ອມ​ດ້ວຍທ່ານ  ອ່ອນມະນີວັນ ຈັນດາວົງ ຮອງປະທານກວດກາລັດ  ​ແລະ ທ່ານ ມາຍ ວັນຕາມ ຮອງປະທານ ກວດກາລັດ  ຕະຫລອດຮອດຄະນະວິຊາການ ທັງສອງຝ່າຍເຂົ້າຮ່ວມ.

ທ່ານ ອ່ອມະນີວັນ ຈັນດາວົງ ໄດ້ລາຍງານສະພາບລວມ  ແລະ ການເຄື່ອນໄຫວວຽກງານ ໃຫ້ອົງການ ກວດກາລັດແຂວງກວາງນາມໄດ້ຊາບ  ຊຶ່ງມີຫລາຍບັນຫາທີ່ພົ້ນເດັ່ນ  ໂດຍສະເພາະ ແມ່ນ ໄດ້ຕິດຕາມປະສານສົມທົບ ແລະ ຊຸກຍູ້ການແກ້ໄຂ ບາງປະກົດການຫຍໍ້ທໍ້ເຂດຊາຍແດນຄື: ແກ້ໄຂ ບັນຫາການລັກລອບຂຸດຄົ້ນ  ແລະ ເຄື່ອນຍ້າຍຊັບພະຍາກອນທຳມະຊາດ, ບັນຫາການຕັ້ງພູມລຳເນົາ ຕາມລຳພັງໃຈຂອງປະຊາຊົນ  ແລະ ການສ້າງ ຄອບຄົວບໍ່ຖືກຕາມກົດໝາຍ  ຢູ່ລຽບຊາຍ ແດນ ລາວ-ຫວຽດນາມ  ໂດຍສະເພາະ ແມ່ນຊາຍແດນແຂວງເຊກອງ  ກັບແຂວງກວາງນາມ. ຈາກນັ້ນ ທ່ານ ມາຍ ວັນຕາມ ໄດ້ລາຍງານ  ການປະຕິບັດວຽກງານກວດກາລັດ ແຂວງກວາງນາມໃຫ້ໄດ້ຊາບ. ໃນກອງປະຊຸມທັງສອງອົງການກວດກາ ຍັງໄດ້ມີການປຶກສາຫາລື, ປະກອບຄຳຄິດຄຳເຫັນ ຖອດ ຖອນ ແລະ ແລກປ່ຽນບົດຮຽນທີ່ສຳຄັນເຊັ່ນ:  ສືບຕໍ່ຮ່ວມມືໃນການຂະຫຍາຍຄວາມສຳພັນ  ແລະ ຄວາມສາມັກຄີແບບພິເສດ ໂດຍສອງຝ່າຍຫາລື ກ່ຽວກັບການແກ້ໄຂບັນຫາ  ຂ້າງ​ເທິງໃຫ້ຖືກຕ້ອງ ສອດຄ່ອງກັບແນວທາງ ການເມືອງທີ່ສອງພັກ-ສອງລັດວາງ ອອກຢ່າງເຂັ້ມງວດ.

ການມາຢ້ຽມຢາມ ແລະ ຮ່ວມເຮັດວຽກຂອງຄະນະ ຜູ້ແທນອົງການກວດກາລັດ ແຂວງກວາງ ນາມຄັ້ງນີ້ ແມ່ນມີຄວາມໝາຍສຳຄັນຢ່າງຍິ່ງ ໃນການເພີ່ມທະວີສາຍພົວພັນມິດຕະພາບ  ແລະ ການ ຮ່ວມມືແບບ ພິເສດລະຫວ່າງ ສອງແຂວງ ໂດຍສະເພາະ ແມ່ນສອງອົງການກວດກາລັດຂັ້ນແຂວງ  ໃຫ້ ແໜ້ນ ແຟ້ນ ຍິ່ງຂຶ້ນ.

(ແຫຼ່ງ​ຂໍ້​ມູນ​: ຂ​ປ​ລ)

ເບິ່ງເພີ່ມເຕີມໃນ: ການພົວພັນສອງປະເທດ

ເບິ່ງເພີ່ມເຕີມ
ຮູບພາບ