 |
ການໂອ້ລົມແລກປ່ຽນປະສົບການດຳເນີນໄປໃນຕອນເຊົ້າຂອງວັນທີ 30 ຕຸລາ
ທີ່ການພົບປະ ແລະ ການເຮັດວຽກ, ສອງໜ່ວຍງານໄດ້ສະຫຼຸບລາຍງານແຈ້ງໃຫ້ກັນຊາບກ່ຽວກັບສະພາບການພັດທະນາ ເສດຖະກິດ - ສັງຄົມ ຂອງສອງແຂວງ; ແລກປ່ຽນ, ແບ່ງປັນປະສົບການ ແລະ ຜົນສຳເລັດທີ່ໄດ້ຮັບໃນວຽກງານຂອງສະຫະພັນແມ່ຍິງ ແລະ ການເຄື່ອນໄຫວຂອງແຕ່ລະຝ່າຍ. ພ້ອມດຽວກັນນີ້, ປຶກສາຫາລື ແລະ ຕີລາຄາ ກ່ຽວກັບຂໍ້ບົກຜ່ອງ ແລະ ຂໍ້ຄົງຄ້າງຕ່າງໆໃນຂະບວນການຮ່ວມມືລະຫວ່າງ ສອງ ສະຫະພັນ.
ສອງຝ່າຍໄດ້ຕີລາຄາຄືນໝາກຜົນແຫ່ງການປະຕິບັດເນື້ອໃນບົດບັນທຶກການຮ່ວມມື ລະຫວ່າງສອງອົງການຈັດຕັ້ງຂອງສະຫະພັນແມ່ຍິງແຂວງຮ່າຕິ້ງ ແລະ ສະຫະພັນແມ່ຍິງແຂວງບໍລິຄຳໄຊ ໄດ້ລົງນາມໃນວັນທີ 26 ກັນຍາ 2019 ທີ່ນະຄອນຮ່າຕິ້ງ.
ຈາກນັ້ນ, ສະຫະພັນແມ່ຍິງແຂວງຮ່າຕິ້ງ ໄດ້ຊ່ວຍເຫຼືອສ້າງຮູບແບບເພື່ອຊ່ວຍເຫຼືອແມ່ຍິງຜູ້ທຸກຍາກຢູ່ແຂວງບໍລິຄຳໄຊ ຈຳນວນ 10 ຮູບແບບ, ເພື່ອພັດທະນາເສດຖະກິດ ມູນຄ່າ 100 ລ້ານດົ່ງ; ພ້ອມດຽວກັນນີ້, ເປັນປະທານໃນການປະສານສົມທົບກັບ ສະຫະພັນແມ່ຍິງບໍລິຄຳໄຊ ໃນການຈັດຕັ້ງການໂຄສະນາສື່ສານມວນຊົນ, ກວດສຸຂະພາບ ແລະ ການໃຫ້ຄຳປຶກສາ, ໃນການຮັກສາສຸຂະພາບ ສຳລັບແມ່ຍິງ ແລະ ເດັກຍິງ ຕາມບ້າານຊາຍແດນໃນເມືອງຄຳເກີດ.
 |
ການກວດສຸຂະພາບ ໃຫ້ແມ່ຍິງ ຢູ່ເຂດຊາຍແດນ ແຂວງບໍລິຄຳໄຊ ແມ່ນກິດຈະກຳ ທີ່ຈັດຂື້ນໂດຍສະຫະພັນແມ່ຍິງຮ່າຕິ໋ງ.
ໃນໂອກາດດັ່ງກ່າວ, ຄະນະຜູ້ແທນຍັງໄດ້ໄປຢ້ຽມຢາມຮູບແບບການຫຼຸດຜ່ອນຄວາມທຸກຍາກ ໂດຍ ສະຫະພັນແມ່ຍິງແຂວງຊ່ວຍເຫຼືອ ແລະ ຮູບແບບເສດຖະກິດຈຳນວນໜຶ່ງ ຂອງສະຫະພັນແມ່ຍິງແຂວງບໍລິຄຳໄຊ.
ແລະໃນການຢ້ຽມຢາມ, ຄະນະໄດ້ຈັດຕັ້ງໂຄງການກວດສຸຂະພາບ ແລະ ແຈກຢາໂດຍບໍ່ເສຍຄ່າ ໃຫ້ແກ່ແມ່ຍິງຈຳນວນ 600 ຄົນ ຢູ່ບ້ານທອງແປ ແລະ ບ້ານນາເເປ (ເມືອງຄຳເກີດ); ມອບຂອງຂັວນໃຫ້ຄ້າຍທະຫານເສນາຮັກບ້ານຈຳນວນ 2 ບ້ານ. ລວມມູນຄ່າຂອງຂວັນທັງໝົດຈຳນວນ 160 ລ້ານ.
 |
ຄະນະແພດ ກວດສຸຂະພາບ ແລະ ແຈກຢາປົວພະຍາດໂດຍບໍ່ເສຍຄ່າໃຫ້ແກ່ແມ່ຍິງຈຳນວນ 600 ຄົນ ຢູ່ບ້ານທອງແປ ແລະ ບ້ານນາແປ ໃນວັນທີ 28-29 ຕຸລານີ້.
ການຢ້ຽມຢາມ ແລະ ເຮັດວຽກຄັ້ງນີ້ໄດ້ປະກອບສ່ວນເພີ່ມພູນຄູນສ້າງຄວາມສາມັກຄີ, ມິດຕະພາບ, ການຮ່ວມມື ແລະ ການພັດທະນາຮອບດ້ານຂອງສອງປະເທດຫວຽດນາມ - ລາວ ເວົ້າລວມ ແລະ ລະຫວ່າງສະຫະພັນແມ່ຍິງແຂວງຮ່າຕິ້ງ ແລະ ສະຫະພັນແມ່ຍິງແຂວງບໍລິຄຳໄຊເວົ້າສະເພາະ.
（ຫັດທະບູນ）
