 |
ຕອນຄຳ່ຂອງວັນທີ 5 ພະຈິກ ຢູ່ ເທດສະບານເມືອງຊຳ, ແຂວງຫົວພັນ ໄດ້ຈັດພິທີເປີດ “ສັບປະດາວັດທະນະທຳ-ທ່ອງທ່ຽວ ເຊີນລາ ແລະ ຫົວພັນ” ປີ 2018. ເຂົ້າຮ່ວມໃນພິທີເປີດ ມີບັນດາສະຫາຍ ວັນໄຊ ແພງຊຸມມາ ກຳມະການບໍລິຫານສູນກາງພັນປະຊາຊົນປະຕິວັດລາວ ເລຂາພັກແຂວງເຈົ້າແຂວງໆຫົວພັນ; ຝ່າຍແຂວງເຊີນລາ ມີບັນດາສະຫາຍ ຮ່ວາງ ວັນເຈີ໋ດ ເລຂາພັກແຂວງ, ປະທານສະພາປະຊາຊົນແຂວງ; ສະຫາຍ ບຸ່ຍ ມິງເຊີນ ກຳມະການຜູ້ປະຈຳການແຂວງ ຮອງປະທານຜູ້ປະຈຳການ ສະພາປະຊາຊົນແຂວງ; ສະຫາຍ ຈ໋າງ ຖິຊົນ ກຳມະການຜູ້ປະຈຳການແຂວງຮອງປະທານຜູ້ປະຈຳການ ສະພາປະຊາຊົນແຂວງ; ສະຫາຍ ມາຍ ທູເຮືອງ ກຳມະການຄະນະຜູ້ປະຈຳການແຂວງ ຫົວໜ້າໂຄສະນາແຂວງ; ສະຫາຍ ຟ້າມ ວັນທຸ້ຍ ຮອງປະທານຄະນະກຳມະການປະຊາຊົນແຂວງ ຫົວໜ້າຄະນະກຳມະການຈັດຕັ້ງ ງານ “ສັບປະດາວັດທະນະທຳ-ທ່ອງທ່ຽວ ເຊີນລາ ແລະ ຫົວພັນ” ປີ 2018. ເຂົ້າຮ່ວມໃນພິທີເປີດຄັ້ງນີ້ຍັງມີບັນດາສະຫາຍການນຳຮາກຖານ, ພະແນກການ, ຫ້ອງການ ຂອງແຂວງຫົວພັນ ແລະ ແຂວງເຊີນລາ ຮ່ວມກັບ ບັນພະນັກງານ, ປະຊາຊົນ ຂອງເທດສະບານເມືອງ ຊຳເໜືອ ແລະ ແຂວງຫົວພັນ.
 |
ທ່ານ ວັນໄຊ ແພງຊຸມມາ ກຳມະການບໍລິຫານສູນກາງພັນປະຊາຊົນປະຕິວັດລາວ ເລຂາພັກແຂວງເຈົ້າແຂວງໆຫົວພັນ ຂື້ນກ່າວເປີດງານ.
ທ່ານ ວັນໄຊ ແພງຊຸມມາ ໄດ້ກ່າວເປີດພິທີ ວ່າ: ງານວັນວັດທະນະທຳ ແລະ ທ່ອງທ່ຽວ ຫົວພັນ-ເຊິນລາ ເປັນຂີດໝາຍໃໝ່ແຫ່ງການຮ່ວມມື ມິດຕະພາບ ເພື່ອສ້າງເງື່ອນໄຂອຳນວຍຄວາມສະດວກ ໃຫ້ປະຊາຊົນ ສອງ ຝາກ ຊາຍແດນ 2 ແຂວງ ໄດ້ໄປມາຫາສູ່, ພົວພັນ ຊື້-ຂາຍ ແລກປ່ຽນສິນຄ້າ,ທ່ອງທ່ຽວຢ້ຽມຢາມ ເຊິ່ງກັນ ແລະ ກັນ ອັນເປັນມູນເຊື້ອທີ່ມີມາແຕ່ດົນນານແລ້ວນັ້ນ ໃຫ້ນັບມື້ເພີ່ມທະວີແລະ ເສີມຂະຫຍາຍໃຫ້ມີຄວາມ ສະ ດວກ ຂຶ້ນເລື້ອຍໆ. ງານວັດທະນະທຳ ແລະ ທ່ອງທ່ຽວ ຫົວພັນ-ເຊິນລາ ຈັດຂຶ້ນໄລຍະສັ້ນ ແຕ່ກໍເປັນກາລະໂອກາດອັນໃໝ່ ເພື່ອໃຫ້ຜູ້ປະກອບການທັງ 2 ແຂວງ ໄດ້ນຳສະເໜີຜະລິດຕະພັນການທ່ອງທ່ຽວ, ກາລະໂອກາດ ແລະ ສິ່ງທ້າທາຍ ເພື່ອດຶງດູດນັກທ່ອງທ່ຽວ ຂອງທັງ 2 ແຂວງ ໃຫ້ຫລາຍຂຶ້ນ.
 |
 |
 |
 |
 |
 |
ບັນຍາກາດການເປີດງານ ດ້ວຍລາຍການສິນລະປະ ທີ່ເຕັມໄປດ້ວຍຄວາມຟົດຟື້ນ ແລະ ອະລັງການ.
ສຳລັບກິດຈະກຳພາຍໃນງານຄັ້ງນີ້ ປະກອບ ມີ: ການວາງສະແດງສິນຄ້າ ແລະ ອາຫານພື້ນເມືອງຂອງສອງແຂວງ, ວາງສະແດງຮູບພາບ ກ່ຽວກັບແຫລ່ງທ່ອງທ່ຽວ, ການພົວພັນຮ່ວມມືຕ່າງປະເທດ ແລະ ວິຖີຊີວິດ ຂອງປະຊາຊົນ 2 ແຂວງ, ໃນນີ້ຝ່າຍລາວ ມີຮູບ 100 ແຜ່ນ ແລະ ຝ່າຍ ຫວຽດນາມ ມີຮູບ 200 ແຜ່ນ.
（ຫັດທະບູນ）
