 |
ງານຖະແຫຼງຂ່າວກ່ຽວກັບງານຕະຫຼາດນັດ ຫວຽດນາມ-ລາວ 2018.
ຕອນບ່າຍວັນທີ 25 ມິຖຸນາ, ຢູ່ນະຄອນຫຼວງວຽງຈັນ, ປະເທດລາວ. ກະຊວງປ້ອງກັນປະເທດຫວຽດນາມສົມທົບກັບກະຊວງອຸດສາຫະກຳ - ການຄ້າ ຫວຽດນາມ, ກະຊວງອຸດສາຫະກຳ - ການຄ້າ ແລະ ກະຊວງປ້ອງກັນປະເທດລາວ ຈັດຕັ້ງການປະຊຸມຂ່າວ ເພື່ອແຈ້ງໃຫ້ຊາບກ່ຽວກັບງານຕະຫຼາດນັດການຄ້າຫວຽດນາມ - ລາວ ປີ 2018.
ດ້ວຍຫົວຂໍ້ວ່າ “ຮ່ວມມື, ມິດຕະພາບ ແລະພັດທະນາ”, ງານຕະຫຼາດນັດການຄ້າຫວຽດນາມ - ລາວ ປີ 2018 ແມ່ນການເຄື່ອນໄຫວນອນໃນຂອບເຂດການສົ່ງເສີມການຄ້າແຫ່ງຊາດ, ແມ່ນການເຄື່ອນໄຫວເສດຖະກິດ, ການເມືອງ - ສັງຄົມ ທີ່ສຳຄັນ ເພື່ອແນໃສ່ປັບປຸງ ແລະ ເພີ່ມທະວີການໂຄສະນາເຜີຍແຜ່ກ່ຽວກັບການພົວພັນສາມັກຄີ, ນ້ຳໃຈມິດຕະພາບແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ.
ງານຕະຫຼາດນັດມີການເຂົ້າຮ່ວມຂອງບັນດາຫົວໜ່ວຍ, ວິສາຫະກິດສອງປະເທດ ຫວຽດນາມ - ລາວ ກວ່າ 120 ແຫ່ງ, ດ້ວຍຮ້ານວາງສະແດງ ກວ່າ 200 ຮ້ານ ໄດ້ແນະນຳຮູບພາບກ່ຽວກັບສາຍພົວພັນມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດ ຫວຽດນາມ - ລາວ ແລະ ຮູບພາບກອງທັບປະຊາຊົນ ຫວຽດນາມ ເຂົ້າຮ່ວມການອອກແຮງງານດຳເນີນການຜະລິດ, ສ້າງເສດຖະກິດ ແລະ ສ້າງສາປະເທດຊາດ. ງານຕະຫຼາດນັດຈະດຳເນີນແຕ່ວັນທີ 28 ມິຖຸນາ - 2 ກໍລະກົດ 2018 ຢູ່ສູນການຄ້າລາວ Itec ທີ່ນະຄອນຫຼວງວຽງຈັນ.
（ແຫຼ່ງຂໍ້ມູນ： vov5）
