 |
ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ຕ້ອນຮັບການນໍາທາໂກ ແລະ ຮວ່າງແອງຢາລາຍ
ໃນກອງປະຊຸມ, ທ່ານ ເຈີ່ນ ບາ ເຢືອງ ໄດ້ແຈ້ງການຕໍ່ທ່ານ ທອງລຸນ ສີສຸລິດ ນາຍົກລັດຖະມົນຕີລາວໄດ້ຊາບກ່ຽວກັບຍຸດທະສາດການຮ່ວມມືພັດທະນາດ້ານກະສິກໍາລະຫວ່າງ ທາໂກ ແລະ ຮວ່າງແອງຢາລາຍ, ເຊິ່ງໃນນັ້ນປະກອບມີແຜນການນໍາໃຊ້ຮູບແບບການຄຸ້ມຄອງບໍລິຫານສັນຍາພາຍໃນ, ກ້າວສູ່ການຜັນຂະຫຍາຍໃນການຮ່ວມມືກັນກັບຊາວກະສິກອນພາຍນອກ, ປະກອບສ່ວນເຂົ້າໃນການສ້າງລະບົບຕ່ອງໂສ້ມູນຄ່າທີ່ຍືນຍົງສໍາລັບຂະແຫນງກະສິກໍາຂອງລາວ ແລະ ຫວຽດນາມ.ດ້ວຍເປົ້າຫມາຍໃນການຮ່ວມກັບຮວ່າງແອງຢາລາຍເພື່ອສຸມໃສ່ໃນການພັດທະນາດ້ານພືດກະສິກໍາຫມາກໄມ້ຢູ່ລາວ, ທາໂກຈະສຸມໃສ່ການສໍາເລັດລະບົບຕ່ອງໂສ້ມູນຄ່າແບບຄົບວົງຈອນ, ແຜ່ຂະຫຍາຍຮູບແບບປູກພືດດ້ວຍຂະຫນາດໃຫຍ່, ການມອບໂອນເຕັກໂນໂລຢີ ແລະ ເຕັກນິກເພື່ອຊ່ວຍຊາວກະສິກອນໃນການພັດທະນາດ້ານກະສິກໍາ.
ໂດຍສະເພາະແມ່ນດ້ວຍຄໍາຫມັ້ນສັນຍາໃນການສະຫນັບສະຫນູນທາງດ້ານການເງິນ ແລະ ຄວາມສາມາດໃນການກໍ່ສ້າງຂອງບໍລິສັດທາໂກ, ຮວ່າງແອງຢາລາຍກໍ່ໃຫ້ຄໍາຫມັ້ນສັນຍາທີ່ຈະສຸມໃສ່ໃນການກໍ່ສ້າງ, ສໍາເລັດ ແລະ ເປີດນໍາໃຊ້ໂຄງການສະຫນາມບິນຫນອງຄ້າງດ້ວຍມູນຄ່າລົງທຶນທັງຫມົດກວ່າ 74 ລ້ານໂດລາສະຫະລັດແຕ່ເດືອນ 12 ປີ 2019 ເປັນຕົ້ນໄປ.ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ໄດ້ສະແດງຄວາມຊົມເຊີຍຕໍ່ຍຸດທະສາດການລົງທຶນດ້ານການກະສິກໍາຂອງທາໂກ, ພ້ອມກັນນັ້ນກໍ່ອວຍພອນໃຫ້ແກ່ການຮ່ວມມືລະຫວ່າງ ຮວ່າງແອງຢາລາຍ ແລະ ທາໂກ, ເຊິ່ງຊ່ວຍໃຫ້ຜູ້ອອກແຮງງານມີວຽກເຮັດງານທໍາ ແລະ ການປ່ຽນແປງດ້ານກະສິກໍາໃນລາວ.
ທ່ານ ທອງລຸນ ສີສຸລິດ ກໍ່ໄດ້ຢືນຢັນວ່າຈະສ້າງເງື່ອນໄຂອັນສະດວກໃຫ້ແກ່ທາໂກ ແລະ ຮວ່າງແອງຢາລາຍສືບຕໍ່ການລົງທຶນ ແລະ ພັດທະນາດ້ານກະສິກໍາຢູ່ລາວໃນສະເພາະໜ້າ.
（ໄຊພອນ）
