 |
ສະຫາຍ ຈູມມະລີ ໄຊຍະສອນ ອະດີດເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ ໄດ້ໃຫ້ກຽດຕ້ອນຮັບ ສະຫາຍ ເຈິ່ນກວັກ ເວືອງ, ກຳມະການກົມການເມືອງ,ຜູ້ປະຈຳການຄະນະເລຂາທິການ ສູນກາງພັກກອມມູນິດ ຫວຽດນາມ.
ໂອກາດດັ່ງກ່າວ, ສະຫາຍ ຈູມມະລີ ໄຊຍະສອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການເດີນທາງມາຢ້ຽມຢາມ ສປປ ລາວ ຂອງສະຫາຍ ເຈິ່ນກວັກ ເວືອງ ພ້ອມດ້ວຍຄະນະ ເຊິ່ງເປັນການປະກອບ ສ່ວນອັນສຳຄັນເຂົ້າໃນການ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີ ແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາ ຊົນສອງຊາດ ລາວ-ຫວຽດນາມ ໃຫ້ໄດ້ຮັບການພັດທະນາ ແລະ ສືບຕໍ່ໃຫ້ການ ສະໜັບສະໜູນຊ່ວຍ ເຫລືອເຊິ່ງກັນລະກັນໃນອະນາຄົດ ແລະ ຍາວນານ.
ສະຫາຍ ເຈິ່ນກວັກ ເວືອງ ກໍໄດ້ສະແດງຄວາມຂອບໃຈ ຕໍ່ສະຫາຍ ຈູມມະລີ ໄຊຍະສອນ ທີ່ໄດ້ສະຫລະເວລາອັນມີຄ່າ ໃຫ້ຕ້ອນຮັບຢ່າງອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງການ ເດີນ ທາງມາຢ້ຽມຢາມ ສປປ ລາວ ໃນຄັ້ງນີ້ ໃຫ້ ສະຫາຍອະດີດປະທານປະເທດ ຮັບຊາບຕື່ມອີກ.（ແຫຼ່ງຂໍ້ມູນ： ຂປລ）
