 |
ກອງປະຊຸມປຶກສາຫາລື ແລກປ່ຽນບົດຮຽນວຽກງານການໂຄສະນາ ລະຫວ່າງ ແຂວງແທັງຫວ໋າ ແລະ ແຂວງຫົວພັນ.(ພາບ: baothanhhoa.vn)
ເຂົ້າຮ່ວມໃນກອງປະຊຸມຄັ້ງນີປະກອບມີ ສະຫາຍຫງວ໋ຽນ ວັນ ຟາດ, ກຳມະການຄະນະປະຈຳ, ປະທານໂຄສະນາແຂວງ ແທັງຫວ໋າ;ເພັດ ມະປັນຍາ, ກໍາມະການຄະນະປະຈໍາພັກແຂວງ, ຫົວຫນ້າພະແນກໂຄສະນາອົບຮົມແຂວງຫົວພັນ, ພະນັກງານ, ລັດຖະກອນ ພະແນກໂຄສະນາແຂວງແທັງ ຫວ໋າ ແລະ ພະແນກໂຄສະນາອົບຮົມແຂວງຫົວພັນ.
ໃນກອງປະຊຸມ, ຕາງຫນ້າພະແນກໂຄສະນາແຂວງແທັງຫວ໋າ ແລະ ພະແນກໂຄສະນາອົບຮົມແຂວງຫົວພັນ ໄດ້ສະຫຼຸບລາຍງານ ໃຫ້ແກ່ກັນຮູ້ ກ່ຽວກັບສະພາບການລວມຂອງທ້ອງຖິ່ນ, ບັນດາໝາກຜົນກໍ່ຄືຜົນສໍາເລັດອັນພົ້ນເດັ່ນ ໃນວຽກງານ ໂຄສະນາສຶກສາ (ໂຄສະນາອົບຮົມ) ສອງແຂວງໃນປີ 2018 ແລະ 6 ເດືອນຕົ້ນປີ 2019, ກໍ່ຄືສະພາບ ການຈັດຕັ້ງປະຕິບັດ ສັນຍາການຮ່ວມມື ຂອງແຕ່ລະຝ່າຍໃນປີ 2018 ຂອງແຕ່ລະປະເທດ.
ໃນມີວຽກງານ ການປະສານສົມທົບ ວຽກງານການແປພາສາ ແລະ ການຈັດພິມ, ການພິມຈຳໜ່າຍປື້ມອ່ານາ "ແທັງຫວ໋າ ກັບ ການປະຕິວັດລາວ ແລະ ແຂວງຫົວພັນ"; ຈັດຊຸດຝຶກອົບຮົມກ່ຽວກັບວຽກງານ ການໂຄສະນາອົລບຮົມກ່ຽວກັບການປ້ອງກັນຊາຍແດນ ລະຫວ່າງ ແຂວງ ແທັງຫວ໋າ ແລະ ຫົວພັນ, ເມືອງກວານຫວ໋າ, ແຂວງແທັງຫວ໋າ; ຮັບປະກັນການປ້ອງກັນຊາດປ້ອງກັນຄວາມສະຫງົບ ຂອງສອງປະເທດ. ພ້ອມກັນນັ້ນກໍ່ຍູ້ແຮງວຽກງານໂຄສະນາສຶກສາ ບັນດາເນື້ອໃນຂອງສັນຍາແຜນງານການຮ່ວມມືໄລຍະ 2016-2020 ລະຫ່ວາງ ພະແນກໂຄສະນາສຶກສາສູນກາງພັກ ຄອມມູນິດຫວຽດນາມ ແລະ ພະແນກໂຄສະນາອົບຮົມສູນກາງພັກປະຊາຊົນປະຕິວັດລາວ...
 |
ບັນຍາກາດກອງປະຊຸມ.(ພາບ: ຈ້ອງນາມ/baothanhhoa.vn)
ກ່າວຄຳເຫັນທີ່ກອງປະຊຸມ ສະຫາຍ ຫງວ໋ຽນ ວັນ ຟາດ ຫົວຫນ້າພະແນກໂຄສະນາສຶກສາແຂວງແທັງຫວ໋າ ແລະ ສະຫາຍ ເພັດ ມະປັນຍາ ຕີລາຄາສູງການຈັດຕັ້ງປະຕິບັດ ບັນດາເນື້ອໃນຂອງ ບົດບັນທຶກສັນຍາທີ່ໄດ້ລົງນາມ ການຮ່ວມມື ລະຫວ່າງ ພະແນກໂຄສະນາສຶກສາ ແລະ ພະແນກໂຄສະນາອົບຮົມ ຂອງ 2 ແຂວງໃນໄລຍະທີ່ຜ່ານມາ; ພ້ອມກັນນັ້ນ, ຊີ້ໃຫ້ເຫັນຂໍ້ຄົງຄ້າງ ແລະ ຄວາມຫຍຸ້ງຍາກ. ກ່ຽວກັບຄວາມຮັບຜິດຊອບໃນອານາຄົດ, ທັງສອງຝ່າຍໄດ້ປຶກສາຫາລື, ແລກປ່ຽນ ແລະ ຕົກລົງເຫັນດີເປັນເອກກະພາບກັນ ກ່ຽວກັບພາລະກິດທີ່ສໍາຄັນບາງເນື້ອໃນເຊັ່ນ: ສືບຕໍ່ຊຸຸກຍູ້ສົ່ງເສີມວຽກງານການໂຄສະນາອົບຮົມ ແລະ ຈັດຕັ້ງປະຕິບັດຢ່າງມີປະສິດທິຜົນ ເນື້ອໃນຂອງບົດບັນທຶກສັນຍາຮ່ວມມື ລະຫວ່າງ ພະແນກໂຄສະນາສຶກສາແຂວງແທັງຫວ໋າ ແລະ ພະແນກໂຄສະນາອົບຮົມແຂວງຫົວພັນໄດ້ເຊັນລົງນາມໃນວັນທີ 6 ຕຸລາ 2017; ສືບຕໍ່ ປະສານສົມທົບ, ແລກປ່ຽນຂໍ້ມູນຂ່າວສານ, ປະສົບການ ເຊິ່ງກັນແລະກັນ ຕ້ານ ແລະ ສະກັດກັ້ນ ຕໍ່ສູ້ ກັບການມ້າງເພທຳລາຍທັດສະນະອັນຜິດບໍ່ຖຶກຕ້ອງ, ຂໍ້ມູນທີ່ບໍ່ດີຂອງກໍາລັງສັດຕູ ທຳລາຍຄວາມສາມັກຄີ ມິດຕະພາບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ແຂວງແທັງຫວ໋າ ແລະ ຫົວພັນ.
ໂຄສະນາ, ສຶກສາອົບຮົມ ໃຫ້ແກ່ພະນັກງານ, ສະມາຊິກພັກ ແລະ ປະຊາຊົນຂອງສອງແຂວງ, ໂດຍສະເພາະແມ່ນປະຊາຊົນທ້ອງຖິ່ນທີ່ມີເສັ້ນຊາຍແດນຮ່ວມກັນ ກ່ຽວກັບແນວທາງ ແລະ ນະໂຍບາຍຂອງສອງຝ່າຍ, ສອງປະເທດໃນການປົກປັກຮັກສາ ແລະເສີມສ້າງສາຍພົວພັນມິດພາບພິເສດ ລະຫວ່າງ ຫວຽດນາມ-ລາວເວົ້າລວມ, ລະຫວ່າງແຂວງແທັງຫວ໋າ ແລະ ແຂວງຫົວພັນ ເວົ້າສະເພາະ ໃຫ້ນັບມື້ນັບແໜ້ນແຟ້ນ, ຮ່ວມກັນພັດທະນາ; ຈັດຕັ້ງການພົບປະແລກປ່ຽນ, ແລກປ່ຽນປະສົບການ ວຽກງານ ການໂຄສະນາສຶກສາ ແລະ ການໂຄສະນາອົບຮົມ ລະຫວ່າງສອງແຂວງໃນແຕ່ລະງວດຂອງປີ. ພ້ອມດຽວກັນນັ້ນ, ເຫັນດີເປັນເອກະພາບ ໃນການຈັດຕັ້ງປະຕິບັດໂຄງການສົ່ງເສີມ ຝຶກອົບຮົມ ໃຫ້ແກ່ພະນັກງານໂຄສະນາ ຂອງ ແຂວງຫົວພັນ, ຕາມຄຳຊີ້ນຳຂອງກຳມະການພັກແຂວງໆແທັງຫວ໋າ ແລະ ແຂວງຫົວພັນ ແລະ ອີງຕາມສັນຍາຮ່ວມມື ລະຫວ່າງສອງແຂວງ.
 |
ຜູ້ແທນທັງສອງຝ່າຍມອບຂອງທີ່ລະນຶກໃຫ້ແກ່ກັນ.(ພາບ: ຈ້ອງນາມ/baothanhhoa.vn)
ໃນໂອກາດດັ່ງກ່າວ, ຄະນະຜູ້ແທນ ພະແນກໂຄງສະນາສຶກສາ ແຂວງແທັງຫວ໋າ ໄດ້ໄປວາງພວງດອກໄມ້, ຈູດທູບໄຫ້ວອາໄລ ປະທານ ໄກສອນ ພົມວິຫານ (ຕົວເມືອງຊຳເໜືອ); ຢ້ຽມຢາມຖຳ້ບັນດາຜູ້ນຳທີ່ຍິ່ງໃຫຍ່ ຢູ່ ເມືອງວຽງໄຊ; ພ້ອມກັນນັ້ນກໍ່ໄດ້ມອບຂອງຂັວນເປັນທີລະນຶກໃຫ້ແກ່ພະແນກໂຄສະນາອົບຮົມແຂວງຫົວພັນປື້ມອ່ານ ຈຳນວນ 500ຫົວ “ ແທັງຫວ໋າ ກັບ ການປະຕິວັດລາວ ແລະ ແຂວງຫົວພັນ”, ເຄື່ອງຄອມພິວເຕີ້ ແລະ ສິນຄ້າກະສິກຳທ້ອງຖິ່ນຈຳນວນໜຶ່ງ.
（ຫັດທະບູນ）
