 |
ບັນຍາກາດການພົບປະຂອງສອງແຂວງ.
ພ້ອມນີ້, ສອງຝ່າຍໄດ້ຜັດປ່ຽນກັນລາຍງານສະພາບລວມໃນການພັດທະນາດ້ານເສດຖະກິດ-ສັງຄົມ ແລະ ທ່າແຮງດ້ານຕ່າງໆຂອງແຕ່ລະແຂວງໃຫ້ກັນຊາບ. ໂອກາດນີ້ທ່ານເຈົ້າແຂວງສາລະວັນ ແລະ ທ່ານຜູ້ປະຈຳການຄະນະບໍລິຫານງານແຂວງກວາງຈິໄດ້ປຶກສາຫາລື ແລະ ຕົກລົງຮ່ວມມືກັນໃນການແກ້ໄຂ, ຕ້ານສະກັດກັ້ນປະກົດການຫຍໍ້ທໍ້ຕ່າງໆໃນຂອບເຂດຊາຍແດນ, ພ້ອມທັງໄດ້ແນະນຳທ່າແຮງດ້ານການລົງທຶນໃຫ້ບັນດານັກທຸລະກິດ, ຜູ້ປະກອບການເພື່ອດຶງດູດເອົານັກລົງທຶນ ແລະ ພ້ອມທີ່ຈະສ້າງເງື່ອນໄຂເອື້ອອຳນວຍຄວາມສະດວກໃນທຸກດ້ານເພື່ອປະກອບສ່ວນໃນການພັດທະນາເສດຖະກິດສັງຄົມຮ່ວມກັນ ແລະ ຊຸກຍູ້ໃນການພັດທະນາໃນຂົງເຂດຕ່າງໆ ເປັນຕົ້ນ: ດ້ານກະສິກຳ, ອຸດສະຫະກຳ-ການຄ້າ, ການທ່ອງທ່ຽວ ແລະ ບໍລິການອື່ນໆ. ທັງນີ້, ເພື່ອຮັດແໜ້ນສາຍພົວພັນຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງປະຊາຊົນສອງຊາດ ລາວ-ຫວຽດນາມ ກໍຄືແຂວງສາລະວັນກັບແຂວງກວາງຈິໃຫ້ກ້າວເຂົ້າສູ່ລວງເລິກ ແລະ ແໜ້ນແຟ້ນຂຶ້ນເລື້ອຍໆ.
ທ່ານ ຟາມ ດຶກ ເຈົາ ພ້ອມດ້ວຍຄະນະຍັງໄດ້ເຄື່ອນໄຫວທ່ຽວຊົມສະຖານທີ່ເກົ່າແກ່ທີ່ເປັນຮ່ອງຮອຍປະຫວັດສາດຂອງແຂວງສາລະວັນອີກດ້ວຍ.
（ແຫຼ່ງຂໍ້ມູນ： ຂປລ）
