 |
ແຂວງບໍລິຄໍາໄຊ ແລະແຂວງຮ່າຕີ໋ງ ຈັດຕັ້ງການໂອ້ລົມສົນທະນາກ່ຽວກັບການຮ່ວມມືດ້ານວິທະຍາສາດ-ເຕັກໂນໂລຢີ ຢູ່ລາວ. (ພາບ: baohatinh.vn)
ໂຄງການຮ່ວມມືຄົ້ນຄວ້າຜະລິດເຫັດທີ່ເປັນອາຫານ ແລະເຫັດເພື່ອຜະລິດຢາ ແລະລ້ຽງໂອງແມ່ນໜ້າທີ່ໃນອະນຸສັນຍາລະຫວ່າງສອງປະເທດ ລາວ ແລະຫວຽດນາມ ເພື່ອແນໃສ່ຄົ້ນຄວ້າ, ກໍ່ສ້າງຂະແໜງຜະລິດເຫັດ ແລະລ້ຽງໂອງທີ່ເໝາະສົມກັບເງື່ອນໄຂຂອງແຂວງບໍລິຄໍາໄຊ. ໃນນັ້ນສຸມໃສ່ຖ່າຍທອດເຕັກໂນໂລຢີ ແລະຮູບແບບ, ຂະຫຍາຍແນວພັນ, ປູກ, ປຸງແຕ່ງຂັ້ນຕົ້ນ, ຮັກສາເຫັດປະເພດຕ່າງໆ, ສ້າງເປັນຂັ້ນຕອນເຕັກໂນໂລຢີເພື່ອສ້າງຮູບແບບຂະຫຍາຍແນວພັນ, ລ້ຽງໂອງ, ປຸງແຕ່ງຂັ້ນຕົ້ນ, ຮັກສາເຂົາໂອງອ່ອນ.
 |
ແຂວງຮ່າຕີ໋ງ ຝຶກອົບຮົມກ່ຽວກັບການຖ່າຍທອດເຕັກໂນໂລຢີຜະລິດເຫັດທີ່ເປັນອາຫານ ແລະເຫັດເພື່ອຜະລິດຢາໃຫ້ແກ່ພະນັກງານຂະແໜງວິທະຍາສາດ ແລະເຕັກໂນໂລຢີຂອງແຂວງບໍລິຄໍາໄຊ. ພາບ: baohatinh.vn.
ສະນັ້ນ, ເລື່ອງໜູນຊ່ວຍຄົ້ນຄວ້າ, ຖ່າຍທອດເຕັກໂນໂລຢີ, ສ້າງຮູບແບບຜະລິດເຫັດທີ່ເປັນອາຫານ, ເຫັດເພື່ອຜະລິດຢາ ແລະລ້ຽງໂອງຢູ່ແຂວງບໍລິຄໍາໄຊ ແມ່ນສອດຄ່ອງ. ໂຄງການປະສົບຜົນສໍາເລັດຈະສ້າງວຽກເຮັດງານທໍາໃຫ້ຜູ້ອອກແຮງງານຢູ່ຊົນນະບົດ, ປະກອບສ່ວນພັດທະນາເສດຖະກິດ, ວັດທະນະທໍາ, ສັງຄົມຂອງແຂວງບໍລິຄໍາໄຊ. ພ້ອມກັນນັ້ນ, ປະກອບສ່ວນເພີ່ມທະວີສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ ຫວຽດນາມ-ລາວ.
（ແຫຼ່ງຂໍ້ມູນ： ທູຈາງ/ກປ.ອອນໄລ）
