 |
ທ່ານນາງ ຫງວ໋ຽນ ຖິ ເຟືອງ ງາ - ປະທານ VUFO ມອບໃບຍ້ອງຍໍໃຫ້ແກ່ການນຳ ສະຫະພັນອົງການມິດຕະພາບນະຄອນໂຮ່ຈິ໋ມິນ.
ເຂົ້າຮ່ວມພິທີ ທ່ານນາງ ຫງວ໋ຽນ ຖິ ເຟືອງ ງາ - ປະທານ VUFO, ທ່ານ ຮວິ່ງ ມິງ ທ້ຽນ - ປະທານສະຫະພັນ ອົງການມິດຕະພາບ ໂຮ່ຈິ໋ມິນ, ທ່ານນາງ ຫງວ໋ຽນ ຖິ ຮົ່ງ ຢຽມ - ຮອງປະທານສະຫະພັນອົງການມິດຕະພາບໂຮ່ຈີ໋ມິນ ພ້ອມທັງບັນດາການນຳຂອງນະຄອນໂຮ່ຈີ໋ມິນ, ຕ່າງໜ້າພະແນການ, ຂະແໜງການ, ພະນັກງານນະຄອນ, ສະຫະພັນບັນດາແຂວງ, ເມືອງ, ບັນດາສະມາຊິກສະມາຄົມ, ບັນດາກົງສຸນ ແລະ ອົງການຈັດຕັ້ງສາກົນ...
ກ່າວຄຳປາໄສໃນພິທີ, ທ່ານປະທານ VUFO ຕີລາຄາສູງການເຄື່ອນໄຫວອັນຕັ້ງໜ້າຂອງສະຫະພັນ ນະຄອນໂຮ່ຈີ໋ມິນ ໃນວຽກງານພົວພັນປະຊາຊົນ ໄລຍະ 30 ປີຜ່ານມາ (1989-2019).
ມາຮອດປະຈຸບັນ, ສະຫະພັນໂຮ່ຈີມິນ ໄດ້ພັດທະນາຂື້ນມີຮອດ 30 ສະມາຄົມ ສອງຝ່າຍ ແລະ ຫຼາຍຝ່າຍ, 2 ສະໂມສອນ ຮ່ວມກັນກັບ ອີກຫຼາຍ 150 ສະມາຄົມຂັ້ນຮາກຖານ, ສ້າງພື້ນຖານອັນແໜ້ນແກ່ນໃຫ້ການຈັດຕັ້ງປະຕິບັດກິດຈະກໍາ ການພົວພັນປະຊາຊົນ ຂອງນະຄອນໃຫຍ່ທີ່ສຸດຂອງປະເທດ.
ນອກຈາກນັ້ນ, ສະຫະພັນນະຄອນໂຮ່ຈິ໋ມິນ ໄດ້ຜັນຂະຫຍາຍຢ່າງມີປະສິທິຜົນວຽກງານບໍ່ຂື້ນກັບລັດຖະບານຕ່າງປະເທດ ທີ່ມີມູນຄ່າການຊ່ວຍເຫຼືອຫຼາຍກວ່າ 40 ລ້ານໂດລາສະຫະລັດ / ປີ, ປະກອບສ່ວນເຂົ້າໃນການລົບລ້າງຄວາມອຶດຫິວ ແລະ ການຫຼຸດຜ່ອນຄວາມທຸກຍາກ.
 |
ທ່ານນາງ ຫງວ໋ຽນ ຖິ ເຟືອງ ງາ - ປະທານ VUFO ກ່າວຄຳເຫັນທີ່ພິທີ.
ວຽກງານການໂຄສະນາ ແລະ ສົ່ງເສີມວຽກງານເຄື່ອນໄຫວວຽກງານການພົວພັນປະຊາຊົນ ກໍ່ໄດ້ໃຫ້ຄວາມເອົາໃຈໃສ່ຊຸກຍູ້ເພື່ອແນໃສ່ສະໜອງຂໍ້ມູນຂ່າວສານຢ່າງເປັນທາງການ, ນອກໂຕ ກ່ຽວກັບ ແນວທາງພັດທະນາ ຂອງ ຫວຽດນາມ ເວົ້າລວມ ແລະ ນະຄອນເວົ້າສະເພາະ, ຍາດແຍ່ງຄວາມຊ່ວຍເຫຼືອຈາກປະຊາຄົມສາກົນ, ກໍ່່ຄືການເພີ່ມທະວີ ນຳ້ໃຈມິດຕະພາບ ລະຫວ່າງ ປະຊາຊົນ ນະຄອນ ກັບປະຊາຊົນຂອງບັນດາຕ່າງປະເທດ.
"ຫລາຍປີທີ່ຜ່ານມາ, ສະຫະພັນໄດ້ມີຄວາມສົນໃຈຫຼາຍໃນການກໍ່ສ້າງສາຍພົວພັນຮັດແໜ້ນ, ປະສານສົມທົບ ກິດຈະກໍາສະຫະພັນບັນດາແຂວງພາກໃຕ້. ຈາກນັ້ນຊ່ວຍເຫຼືອ ສະຫະພັນຂອງຫມູ່ເພື່ອນ ໃນການຈັດຕັ້ງຫຼາຍເຫດການການພົວພັນ, ກໍ່ຄືການສ້າງເງື່ອນໄຂ ເພື່ອໃຫ້ບັນດາທ້ອງຖິ່ນ ເຂົ້າເຖິງໄດ້ກັບບັນດາໂຄງການ ຂອງອົງການຈັດຕັ້ງທີ່ບໍ່ຂຶ້ນກັບລັດຖະບານ ຕ່າງປະເທດ, ປະກອບສ່ວນເພື່ອຈຸດປະສົງສ້າງຊີວິດການເປັນຢູ່ໃນສັງຄົມ, ປັບປຸງການເປັນຢູ່ຂອງປະຊາຊົນ" ທ່ານ ຫງວ໋ຽນ ວັນ ແມັ້ງ ຮອງປະທານສະຫະພັນນະຄອນ ໂຮ່ຈິ໋ມິນແບ່ງປັນ.
 |
ບັນດາພະນັກງານ, ບຸກຄະລາກອນໄດ້ຮັບໃບຍ້ອງຍໍຈາກ ປະທານສະຫະພັນອົງການມິດຕະພາບຫວຽດນາມນາມ.
ປະທານ VUFO ຫວັງເປັນຢ່າງຍິ່ງວ່າໃນອານາຄົດ, ສະຫະພັນນະຄອນ ໂຮ່ຈິ໋ມິນ ຈະສືບຕໍ່ພະຍາຍາມຍົກສູງຄຸນນະພາບຂອງການເຄື່ອນໄຫວການພົວພັນປະຊາຊົນ, ປັບປຸງສາຍພົວພັນກັບຄູ່ຮ່ວມອັນເກົ່າແກ່, ເປີດກວ້າງເຄືອຄ່າຍເພື່ອນມິດ, ຄູ່ຮ່ວມມືສາກົນ; ເຊື່ອມໂຍງການເຄື່ອນໄຫວສັນຕິພາບ, ມິດຕະພາບ, ແລະ ສົ່ງເສີມການຮ່ວມມື, ດຶງດູດການລົງທຶນໃນຂົງເຂດເສດຖະກິດ ແລະ ການຄ້າ ... , ເພີ່ມທະວີການປຸກລະດົມ ແລະ ສາຍພົວພັນ ກັບ ອົງການຈັດຕັ້ງທີ່ບໍ່ຂຶ້ນກັບລັດຖະບານຕ່າງປະເທດ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດ - ສັງຄົມ ຂອງນະຄອນ.
ໃນພິທີດັ່ງກ່າວ, ທ່ານ ເລ ແທັງ ລຽມ ຮອງປະທານ ຄະນະກໍາມະການປະຊາຊົນນະຄອນໂຮ່ຈີມິນ ແບ່ງປັນອັນຈິງໃຈ: "ນະຄອນໂຮຈິ໋ມິນ ແມ່ນສູນກາງຂອງການແລກປ່ຽນ ເສດຖະກິດ, ວັດທະນະທໍາຂອງພາກພື້ນ ພາກໃຕ້ ທີ່ມີສະຖານກົງສຸນ ຫຼາຍກວ່າ 40 ແຫ່ງ, ຫ້ອງການຕ່າງໜ້າ ແລະ ອົງການທີ່ບໍ່ຂື້ນກັບລັດຖະບານຕ່າງປະເທດ ຫຼາຍກ່ວາ 160 ກຳລັງ ເຄື່ອນໄຫວ. ການພົວພັນຕ່າງປະເທດຂອງ ນະຄອນ ມີການເຄື່ອນໄຫວຢ່າງຟົດຟື້ນ, ມີຄວາມຫຼາກ. ໃນແຕ່ລະປີ, ນະຄອນໄດ້ຕ້ອນຮັບແຂກຕ່າງປະເທດ, ຈັດກອງປະຊຸມເສດຖະກິດ, ກອງປະຊຸມສຳມະນາ, ງານວາງສະແດງສາກົນ, ... ການເຄື່ອໄຫວເຫຼົ່ານີ້ໄດ້ນໍາມາແຫ່ງໂອກາດການຮ່ວມມື, ການລົງທຶນ, ພັດທະນາ ໃຫ້ນະຄອນ".
（ຫັດທະບູນ）
