 | ການຫັນເປັນດິຈິຕອນໃນຂະແໜງປຶ້ມ, ເປີດແນວຄິດໃນຍຸກສະໄໝດິຈິຕອນ |
| ເສັ້ນທາງແຫ່ງມິດຕະພາບ, ຍົກລະດັບການພົວພັນຕິດພັນແບບຍຸດທະສາດ ຫວຽດນາມ-ລາວ |
 |
| ທ່ານເອກອັກຄະລັດຖະທູດ ຟານມິງຢາງ (PhanMinhGiang) (ເບື້ອງຊ້າຍ) ຍື່ນສານຕາຕັ້ງຕໍ່ ທ່ານ Tuimalealiifano Va’aletoa Sualauvi II, ຜູ້ນຳລັດເອກະລາດ Samoa. (ຮູບພາບ: TTXVN) |
ຕາມການລາຍງານຂອງນັກຂ່າວ TTXVN ປະຈຳພາກພື້ນໂອເຊອານີ, ພິທີຮັບສານຕາຕັ້ງໄດ້ຖືກຈັດຂຶ້ນຢ່າງສົມກຽດ ໂດຍມີການເຂົ້າຮ່ວມຂອງບັນດາຜູ້ຕາງໜ້າເຈົ້າໜ້າທີ່ຈາກຫ້ອງວ່າການຜູ້ນຳລັດເອກະລາດ Samoa, ລັດຖະບານ, ກະຊວງການຕ່າງປະເທດ ແລະ ການຄ້າ Samoa.
ກ່າວຄຳເຫັນໃນພິທີ, ທ່ານເອກອັກຄະລັດຖະທູດ ຟານມິງຢາງ (PhanMinhGiang) ໄດ້ສະແດງຄວາມເປັນກຽດທີ່ໄດ້ຮັບໜ້າທີ່ອັນໜັກແໜ້ນເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສັງຄົມນິຍົມ ຫວຽດນາມ (VietNam) ປະຈຳລັດເອກະລາດ Samoa, ພ້ອມທັງຢືນຢັນວ່າຈະສຸມທຸກຄວາມພະຍາຍາມເພື່ອປະກອບສ່ວນຊຸກຍູ້ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດໃຫ້ພັດທະນາຢ່າງແຂງແຮງກວ່າເກົ່າໃນຕໍ່ໜ້າ. ທ່ານເອກອັກຄະລັດຖະທູດ ຟານມິງຢາງ (PhanMinhGiang) ເຊື່ອໝັ້ນຢ່າງແນ່ນອນວ່າ, ດ້ວຍຄວາມມຸ່ງໝັ້ນ ແລະ ຄວາມພະຍາຍາມຂອງທັງສອງປະເທດ, ສາຍພົວພັນຮ່ວມມືສອງຝ່າຍຈະນັບມື້ນັບເຂົ້າສູ່ລວງເລິກ, ເປັນຮູບປະທຳ ແລະ ມີປະສິດທິຜົນກວ່າເກົ່າໃນຂົງເຂດທີ່ສອງປະເທດມີຄວາມສົນໃຈຮ່ວມກັນ ແລະ ມີທ່າແຮງ, ກໍ່ຄືມີຄວາມປາດຖະໜາໃຫ້ສອງຝ່າຍສືບຕໍ່ເພີ່ມທະວີການປະສານງານ ແລະ ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສຫຼາຍຝ່າຍຂອງພາກພື້ນ ແລະ ສາກົນ.
ໃນພິທີຮັບສານຕາຕັ້ງ, ຜູ້ນຳລັດເອກະລາດ Samoa ທ່ານ Tuimalealiifano Va’aletoa Sualauvi II ໄດ້ສະແດງຄວາມຊົມເຊີຍທີ່ສອງປະເທດໄດ້ສ້າງຕັ້ງສາຍພົວພັນທາງການທູດຢ່າງເປັນທາງການໃນເດືອນມີນາ 1994 ແລະ ສ້າງສາຍພົວພັນຮ່ວມມືບົນພື້ນຖານການເຄົາລົບເຊິ່ງກັນ ແລະ ກັນ, ແບ່ງປັນບັນດາຄຸນຄ່າລວມ ແລະ ຄຳໝັ້ນສັນຍາໃນການຊຸກຍູ້ບັນດາເປົ້າໝາຍລວມ ເພື່ອການພັດທະນາທີ່ຮັ່ງມີເຂັ້ມແຂງຂອງທັງສອງປະເທດ.
 |
| ທ່ານເອກອັກຄະລັດຖະທູດ ຟານມິງຢາງ (PhanMinhGiang) (ຜູ້ທີສອງ ຈາກຊ້າຍຫາຂວາ) ແລະ ພັນລະຍາ ຖ່າຍຮູບທີ່ລະນຶກຮ່ວມກັບ ທ່ານ Tuimalealiifano Va’aletoa Sualauvi II, ຜູ້ນຳລັດເອກະລາດ Samoa ແລະ ພັນລະຍາ. (ຮູບພາບ: TTXVN) |
ໂດຍເນັ້ນໜັກວ່າ Samoa ແລະ ຫວຽດນາມ (VietNam) ຍັງມີທ່າແຮງໃນການຮ່ວມມືເພື່ອພັດທະນາອີກຫຼາຍຢ່າງ, ຜູ້ນຳລັດເອກະລາດ Samoa ໄດ້ສະແດງຄວາມປາດຖະໜາໃຫ້ສອງປະເທດເພີ່ມທະວີການຊ່ວຍເຫຼືອເຊິ່ງກັນ ແລະ ກັນ, ຊຸກຍູ້ການຮ່ວມມືໃນບັນດາຂົງເຂດບຸລິມະສິດທີ່ສົນໃຈຮ່ວມກັນ, ສືບຕໍ່ສະໜັບສະໜູນເຊິ່ງກັນ ແລະ ກັນໃນບັນດາເວທີປາໄສຫຼາຍຝ່າຍ, ແລະ ຮ່ວມມືກັນແກ້ໄຂບັນດາສິ່ງທ້າທາຍທົ່ວໂລກຢ່າງມີປະສິດທິຜົນ. ໃນໂອກາດນີ້, ທ່ານ Tuimalealiifano Va’aletoa Sualauvi II ໄດ້ອວຍພອນໃຫ້ ທ່ານເອກອັກຄະລັດຖະທູດ ຟານມິງຢາງ (PhanMinhGiang) ມີວາລະການດຳລົງຕຳແໜ່ງທີ່ປະສົບຜົນສຳເລັດ, ສຳເລັດໜ້າທີ່ໃນບົດບາດເປັນເອກອັກຄະລັດຖະທູດທີ່ບໍ່ປະຈຳການຢູ່ລັດເອກະລາດ Samoa ຢ່າງຈົບງາມ.
ໃນຂອບເຂດການເດີນທາງໄປຢ້ຽມຢາມເພື່ອຍື່ນສານຕາຕັ້ງ, ທ່ານເອກອັກຄະລັດຖະທູດ ຟານມິງຢາງ (PhanMinhGiang) ໄດ້ເຂົ້າຢ້ຽມຂຳນັບຮັກສາການນາຍົກລັດຖະມົນຕີ ທັງເປັນລັດຖະມົນຕີກະຊວງການເງິນ Samoa, ພົບປະ ແລະ ເຮັດວຽກຮ່ວມກັບລັດຖະມົນຕີ, ການນຳກະຊວງການຕ່າງປະເທດ ແລະ ການຄ້າ, ກະຊວງຊັບພະຍາກອນ ແລະ ສິ່ງແວດລ້ອມ, ກະຊວງອຸດສາຫະກຳ, ການຄ້າ ແລະ ແຮງງານ, ສະພາການຄ້າ Samoa, ພ້ອມທັງໄດ້ພົບປະ ແລະ ເຈລະຈາກັບບັນດາຄູ່ຮ່ວມມື ແລະ ວິສາຫະກິດທ້ອງຖິ່ນ ເພື່ອແລກປ່ຽນ ແລະ ປຶກສາຫາລືກ່ຽວກັບທິດທາງ, ມາດຕະການໃນການຂຸດຄົ້ນທ່າແຮງ ແລະ ນຳໃຊ້ກຳລັງແຮງເພື່ອເພີ່ມທະວີການຮ່ວມມືລະຫວ່າງສອງປະເທດ.
ລັດເອກະລາດ Samoa ແມ່ນປະເທດທີ່ຂຶ້ນກັບພາກພື້ນປາຊີຟິກໃຕ້ ທີ່ມີປະຊາກອນປະມານ 220,000 ຄົນ, ມີເນື້ອທີ່ທັງໝົດປະມານ 2,842 ກິໂລແມັດມົນທົນ. ຫວຽດນາມ ແລະ Samoa ໄດ້ສ້າງຕັ້ງສາຍພົວພັນທາງການທູດຢ່າງເປັນທາງການໃນວັນທີ 9 ມີນາ 1994.
 | ເຂດສາມລ່ຽມພັດທະນາກໍາປູເຈຍ-ລາວ-ຫວຽດນາມ ຊຸກຍູ້ການຮ່ວມມືລະຫວ່າງ 3 ປະເທດ ຍສໝ - ການຮ່ວມມືລະຫວ່າງສາມປະເທດແມ່ນເລີ່ມມາຈາກແຫຼ່ງທີ່ໝັ້ນແກ່ນຈາກຫຼັກການຮ່ວມມືພ້ອມກັນມີຜົນປະໂຫຍດ, ເຄົາລົບເຊິ່ງກັນ ແລະກັນ. |
 | Children of Vietnam ໜູນຊ່ວຍເຂົ້າປຽກເຂົ້າທີ່ມີປະໂຫຍດທາງໂພຊະນາການໃຫ້ນັກຮຽນອະນຸບານແຂວງກວາງນາມ ຍສໝ - ຄະນະກຳມະການປະຊາຊົນແຂວງ ກວາງນາມ ຫາກໍ່ໄດ້ອອກມະຕິຕົກລົງສະບັບເລກທີ 1890/QD-UBND ລົງວັນທີ 12 ສິງຫາ 2024 ອະນຸມັດການຊ່ວຍເຫຼືອເຂົ້າປຽກເຂົ້າທີ່ມີປະໂຫຍດທາງໂພຊະນາການ 6 ໝໍ້ໃຫ້ນັກຮຽນອະນຸບານ ແລະ ບັນດາເປົ້າໝາຍທີ່ໄດ້ຮັບຜົນປະໂຫຍດຢູ່ເຂດ 8 ເມືອງ, ນະຄອນ ໂດຍອົງການ Children of Vietnam (COV) ອຸປະຖໍາ ... |
