ຮີບຮ້ອນເຮັດໃຫ້ແຜນການຍຸດທະສາດປະຊາຄົມວັດທະນະທຳ - ສັງຄົມ ອາຊຽນ ຢູ່ ຫວຽດນາມ ປະກົດຜົນເປັນຈິງ

	ຫວຽດນາມ ເຂົ້າຮ່ວມງານວາງສະແດງສິລະປະຢູ່ ອີຕາລີ ເປັນຄັ້ງທຳອິດ
	ເລັ່ງລັດການຫັນປ່ຽນ, ນຳເອົາການນະວັດຕະກຳ ເຂົ້າສູ່ພຶດຕິກຳຕົວຈິງຂອງການພັດທະນາ

ທ່ານຮອງລັດຖະມົນຕີກະຊວງພາຍໃນ ກາວຮຸຍ (CaoHuy) ກ່າວປາໄສໃນກອງປະຊຸມ. (ຮູບພາບ: VGP/ທູຢາງ (ThuGiang))

ນີ້ຖືວ່າແມ່ນບາດກ້າວທີ່ລະອຽດຕົວຈິງ, ສ້າງພື້ນຖານເພື່ອເຮັດໃຫ້ໂຄງການເຄື່ອນໄຫວປະຕິບັດແຜນການຍຸດທະສາດປະຊາຄົມວັດທະນະທຳ - ສັງຄົມ ອາຊຽນ ຢູ່ ຫວຽດນາມ (VietNam) ໄລຍະ 2026-2035 ປະກົດຜົນເປັນຈິງ ຕາມຂໍ້ຕົກລົງເລກທີ 155/QĐ-TTg ລົງວັນທີ 20 ມັງກອນ 2026 ຂອງທ່ານນາຍົກລັດຖະມົນຕີ (ໂຄງການ 155).

ກອງປະຊຸມມີການເຂົ້າຮ່ວມຂອງຜູ້ຕາງໜ້າຈາກຫຼາຍກະຊວງ, ຂະແໜງການ ເຊັ່ນ: ກະຊວງການຕ່າງປະເທດ, ກະຊວງອຸດສາຫະກຳ ແລະ ການຄ້າ; ບັນດາກົມກອງຂຶ້ນກັບກະຊວງພາຍໃນ; ບັນດາພະແນກ, ຂະແໜງການຂອງ 17 ແຂວງ ແລະ ນະຄອນ ໃນເຂດພາກເໜືອ ແລະ ພາກກາງ. ເປັນພິເສດ, ສະຖານເອກອັກຄະລັດຖະທູດບັນດາປະເທດ ອາຊຽນ ປະຈຳ ຫວຽດນາມ ແລະ ກອງເລຂາ ອາຊຽນ ກໍ່ໄດ້ເຂົ້າຮ່ວມ ແລະ ແບ່ງປັນຜ່ານທາງອອນລາຍ, ປະກອບສ່ວນເພີ່ມທະວີການເຊື່ອມຕໍ່ ແລະ ແບ່ງປັນປະສົບການໃນພາກພື້ນ.

ກ່າວປາໄສໃນກອງປະຊຸມ, ທ່ານຮອງລັດຖະມົນຕີກະຊວງພາຍໃນ ກາວຮຸຍ (CaoHuy) ຢືນຢັນວ່າ ການພັດທະນາຂອງແຕ່ລະປະເທດສະມາຊິກໃນປະຈຸບັນ ແມ່ນບັນດາຂໍ້ຕໍ່ທີ່ບໍ່ສາມາດຕັດແຍກອອກຈາກກັນໄດ້ ໃນອົງຄະນະພະຍົບແຫ່ງພາກພື້ນທີ່ເປັນເອກະພາບ, ຮ່ວມກັນປັບຕົວ ແລະ ອັດຕະພາບ.

ຢູ່ ຫວຽດນາມ, ການທີ່ທ່ານນາຍົກລັດຖະມົນຕີ ອອກຂໍ້ຕົກລົງເລກທີ 155/QĐ-TTg ໄດ້ສະແດງໃຫ້ເຫັນຢ່າງຊັດເຈນເຖິງຄຳໝັ້ນສັນຍາທີ່ເປັນເຈົ້າການ, ຕັ້ງໜ້າເຊື່ອມໂຍງ ອາຊຽນ ບົນພື້ນຖານການພັດທະນາທີ່ຍືນຍົງ ແລະ ຖືເອົາຄົນເປັນສູນກາງ. ທ່ານຮອງລັດຖະມົນຕີ ກາວຮຸຍ ຢືນຢັນວ່າ, ແຜນການຍຸດທະສາດ ວັດທະນະທຳ - ສັງຄົມ ອາຊຽນ ແມ່ນມີຄວາມສອດຄ່ອງຢ່າງສົມບູນກັບບັນດາບຸລິມະສິດການພັດທະນາຂອງ ຫວຽດນາມ ໃນໄລຍະໃໝ່, ໂດຍສະເພາະແມ່ນ “ຊຸດສີ່ເສົາຄ້ຳ”.

ສະເພາະແມ່ນ ກ່ຽວກັບນະວັດຕະກຳດ້ານສະຖາບັນ ແລະ ການບໍລິຫານ, ຫວຽດນາມ ພວມຍູ້ແຮງການປັບປຸງກົງຈັກໃຫ້ກະທັດຮັດ, ຍົກສູງສັກສິດທິຜົນ ແລະ ປະສິດທິຜົນຂອງລະບົບການເມືອງ. ນີ້ກໍ່ແມ່ນເປົ້າໝາຍຂອງ ອາຊຽນ ໃນການສ້າງປະຊາຄົມທີ່ເພິ່ງຕົນເອງ ແລະ ເຂັ້ມແຂງ, ໃນນັ້ນ ວຽກງານລັດຖະກອນທີ່ທັນສະໄໝສວມບົດບາດເປັນຕົວເລັ່ງ. ການຜັນຂະຫຍາຍ ອາຊຽນ ບໍ່ພຽງແຕ່ແມ່ນໜ້າທີ່ການຕ່າງປະເທດເທົ່ານັ້ນ ແຕ່ຫາກຍັງແມ່ນໂອກາດໃນການເຮັດໃຫ້ຂະບວນການບໍລິການສາທາລະນະເປັນມາດຕະຖານ, ຍົກສູງຂີດຄວາມສາມາດໃນການບໍລິຫານປະເທດຊາດ.

ກ່ຽວກັບມະນຸດ ແລະ ສະຫວັດດີການສັງຄົມ, ບັນດາບຸລິມະສິດຂອງ ຫວຽດນາມ ໃນຂົງເຂດສາທາລະນະສຸກ, ການສຶກສາ, ສະຫວັດດີການ ກໍ່ແມ່ນເສົາຄ້ຳຫຼັກຂອງປະຊາຄົມວັດທະນະທຳ - ສັງຄົມ ອາຊຽນ. ໂຄງການ 155 ໄດ້ວາງຄວາມຮຽກຮ້ອງຕ້ອງການໃນການສອດແຊກບັນດາມາດຕະຖານພາກພື້ນເຂົ້າໃນນະໂຍບາຍຂອງທ້ອງຖິ່ນ, ຮັບປະກັນໃຫ້ປະຊາຊົນທຸກຄົນໄດ້ຮັບຜົນປະໂຫຍດຈາກໝາກຜົນແຫ່ງການພັດທະນາຢ່າງສະເໝີພາບ.

ໃນຂະນະດຽວກັນ, ທິດທາງການປັບຕົວ ແລະ ພັດທະນາຢ່າງຍືນຍົງຂອງ ຫວຽດນາມ – ໂດຍສະເພາະແມ່ນໃນບໍລິບົດຂອງການປ່ຽນແປງສະພາບພູມອາກາດ ແລະ ຄວາມຜັນຜວນຂອງເສດຖະກິດໂລກ – ແມ່ນສອດຄ່ອງຢ່າງສົມບູນກັບບັນດາຂໍ້ລິເລີ່ມສ້າງ ອາຊຽນ ທີ່ເຊື່ອມໂຍງ ແລະ ຍືນຍົງ. ການສ້າງແຜນການ 5 ປີຕໍ່ໜ້າ ຖືວ່າແມ່ນບາດກ້າວກຽມ “ພູມຕ້ານທານ” ໃຫ້ແກ່ພື້ນຖານເສດຖະກິດ ແລະ ສັງຄົມ ກ່ອນທີ່ຈະມີການກະທົບຈາກພາຍນອກ.

ສຳລັບເອກະລັກ ແລະ ການສື່ສານ, ທ່ານຮອງລັດຖະມົນຕີ ເນັ້ນໜັກວ່າ ອາຊຽນ ຕ້ອງກາຍເປັນຄວາມພາກພູມໃຈຮ່ວມກັນຂອງປະຊາຊົນ. ວຽກງານການສື່ສານຍ້ອນແນວນັ້ນ ຈຳເປັນຕ້ອງໄດ້ຮັບການປ່ຽນແປງໃໝ່ຕາມທິດທາງທີ່ແທ້ຈິງ, ຊ່ວຍໃຫ້ປະຊາຊົນເຂົ້າຫາຂໍ້ມູນກ່ຽວກັບໂອກາດທາງດ້ານການສຶກສາ, ວຽກເຮັດງານທຳ ແລະ ບັນດາກົນໄກປົກປ້ອງພາຍໃນປະຊາຄົມ.

ກອງປະຊຸມໂຄສະນາເຜີຍແຜ່ ແລະ ແນະນຳການສ້າງແຜນການເຄື່ອນໄຫວ ໄລຍະ 2026-2030 ເພື່ອຜັນຂະຫຍາຍໂຄງການເຄື່ອນໄຫວປະຕິບັດແຜນການຍຸດທະສາດປະຊາຄົມວັດທະນະທຳ - ສັງຄົມ ອາຊຽນ ຢູ່ ຫວຽດນາມ. (ຮູບພາບ: VGP/ທູຢາງ (ThuGiang))

ເພື່ອເຮັດໃຫ້ບັນດາເປົ້າໝາຍຂ້າງເທິງປະກົດຜົນເປັນຈິງ, ທ່ານຮອງລັດຖະມົນຕີ ກາວຮຸຍ (CaoHuy) ໄດ້ສະເໜີໃຫ້ບັນດາກະຊວງ, ຂະແໜງການ ແລະ ທ້ອງຖິ່ນ ສຸມໃສ່ 3 ຄວາມຮຽກຮ້ອງຕ້ອງການທີ່ເປັນຈຸດສຸມ. ກ່ອນອື່ນໝົດແມ່ນຕ້ອງຮັບປະກັນລະບຽບວິໄນດ້ານກຳນົດເວລາ, ໃຫ້ສຳເລັດແຜນການເຄື່ອນໄຫວ 5 ປີ ກ່ອນເດືອນມິຖຸນາ 2026 ດ້ວຍຄວາມຮຽກຮ້ອງຕ້ອງການທີ່ວ່າ: ຈະແຈ້ງດ້ານບຸກຄະລາກອນ, ຈະແຈ້ງດ້ານວຽກງານ, ຈະແຈ້ງດ້ານແຫຼ່ງກຳລັງ ແລະ ມີແຜນວາດການດຳເນີນງານທີ່ລະອຽດ.

ທີສອງແມ່ນ ຮັບປະກັນຄວາມເປັນເອກະພາບໃນຄວາມຫຼາກຫຼາຍ, ເດີນຕາມທິດທາງລວມຢ່າງໃກ້ຊິດ ແຕ່ກໍ່ຍັງຕ້ອງເສີມຂະຫຍາຍຈຸດພິເສດສະເພາະຂອງແຕ່ລະທ້ອງຖິ່ນ.

ທີສາມແມ່ນ ຍົກສູງລັກສະນະຕົວຈິງໃນການປະສານງານ, ໃນນັ້ນ ກະຊວງພາຍໃນ ຈະສວມບົດບາດເປັນຜູ້ປະສານງານ ແລະ ສະໜັບສະໜູນ, ສ່ວນປະສິດທິຜົນນັ້ນແມ່ນຂຶ້ນກັບຄວາມເປັນເຈົ້າການຂອງບັນດາທ້ອງຖິ່ນ.

“ການຮ່ວມມື ອາຊຽນ ແມ່ນພາກສ່ວນໜຶ່ງທີ່ບໍ່ສາມາດຕັດແຍກອອກຈາກຍຸດທະສາດການພັດທະນາປະເທດຊາດໄດ້", ທ່ານຮອງລັດຖະມົນຕີ ກາວຮຸຍ ເນັ້ນໜັກ, ພ້ອມທັງຮຽກຮ້ອງໃຫ້ບັນດາກົມກອງຮ່ວມກັນໃຫ້ຄຳໝັ້ນສັນຍາເຄື່ອນໄຫວ ເພື່ອ ຫວຽດນາມ (VietNam) ທີ່ເຂັ້ມແຂງໃນປະຊາຄົມ ອາຊຽນ.

ໃນກອງປະຊຸມ, ບັນດາຜູ້ແທນໄດ້ຮັບຟັງ ທ່ານເອກອັກຄະລັດຖະທູດ ຟ້າມກວາງວິງ (PhamQuangVinh), ອະດີດຮອງລັດຖະມົນຕີກະຊວງການຕ່າງປະເທດ, ແບ່ງປັນກ່ຽວກັບບໍລິບົດສາກົນ ແລະ ຜົນກະທົບຕໍ່ການຮ່ວມມື ອາຊຽນ. ຄຽງຄູ່ກັນນັ້ນ ກໍ່ແມ່ນບັນດາບົດລາຍງານເຈາະເລິກຈາກ ກະຊວງການຕ່າງປະເທດ, ກອງເລຂາ ອາຊຽນ ແລະ ບັນດາກະຊວງ, ຂະແໜງການທີ່ກ່ຽວຂ້ອງ ກ່ຽວກັບສະພາບການຜັນຂະຫຍາຍແຜນການຍຸດທະສາດ ວັດທະນະທຳ-ສັງຄົມ ອາຊຽນ ໃນລະດັບພາກພື້ນ; ບັນດາບຸລິມະສິດ ແລະ ຂໍ້ລິເລີ່ມໃນປີ 2026; ກໍ່ຄືທິດທາງການປະສານງານລະຫວ່າງບັນດາເສົາຄ້ຳ, ລວມທັງປະຊາຄົມການເມືອງ-ຄວາມໝັ້ນຄົງ ອາຊຽນ (APSC).

ກະຊວງພາຍໃນ ໄດ້ແນະນຳຢ່າງລະອຽດກ່ຽວກັບ ໂຄງການ 155 ແລະ ແຜນການເຄື່ອນໄຫວຂອງກະຊວງ ໄລຍະ 2026-2030. ບົນພື້ນຖານດັ່ງກ່າວ, ບັນດາກະຊວງ, ຂະແໜງການ ແລະ ທ້ອງຖິ່ນ ໄດ້ແລກປ່ຽນກ່ຽວກັບຄວາມຄືບໜ້າໃນການສ້າງແຜນການ 5 ປີທຳອິດ, ພ້ອມທັງຍົກໃຫ້ເຫັນຄວາມຫຍຸ້ງຍາກ ແລະ ຂໍ້ຄົງຄ້າງໃນຂະບວນການຜັນຂະຫຍາຍຢ່າງກົງໄປກົງມາ.

ກອງປະຊຸມໄດ້ເປັນເອກະພາບກັນວ່າ ຈຳເປັນຕ້ອງຍູ້ແຮງວຽກງານຂໍ້ມູນຂ່າວສານ, ເພີ່ມທະວີການແລກປ່ຽນເປັນປະຈຳລະຫວ່າງບັນດາຝ່າຍ ເພື່ອແກ້ໄຂຂໍ້ຂັດຂ້ອງຢ່າງທັນການ ແລະ ວາງວິທີການແກ້ໄຂທີ່ເໝາະສົມ. ກະຊວງພາຍໃນ ຢືນຢັນວ່າຈະສືບຕໍ່ເສີມຂະຫຍາຍບົດບາດເປັນອົງການເຈົ້າພາບ, ເພີ່ມທະວີການປະສານງານ ແລະ ສະໜັບສະໜູນດ້ານວິຊາສະເພາະ ແນໃສ່ຮັບປະກັນໃຫ້ການຜັນຂະຫຍາຍ ໂຄງການ 155 ບັນລຸປະສິດທິຜົນສູງ, ປະກອບສ່ວນຍົກສູງບົດບາດ ແລະ ການປະກອບສ່ວນຂອງ ຫວຽດນາມ ໃນປະຊາຄົມ ອາຊຽນ ໄລຍະໃໝ່.

ຍົກສູງປະສິດທິຜົນການໂຄສະນາເຜີຍແຜ່, ກວດກາ, ຮັດແໜ້ນລະບຽບວິໄນໃນການຂຸດຄົ້ນສິນໃນນ້ຳ ຍສໝ - ໃນບໍລິບົດທີ່ທົ່ວປະເທດພະຍາຍາມແກ້ໄຂ “ບັດເຫຼືອງ” ຂອງຄະນະກຳມະການເອີຣົບ ທີ່ມີຕໍ່ຂະແໜງສິນໃນນ້ຳ, ການສະກັດກັ້ນ ແລະ ກ້າວໄປສູ່ການຢຸດຕິການຂຸດຄົ້ນອາຫານທະເລແບບຜິດກົດໝາຍ, ບໍ່ມີການລາຍງານ ແລະ ບໍ່ເປັນໄປຕາມລະບຽບການ (IUU) ໄດ້ກາຍເປັນໜ້າທີ່ຮີບດ່ວນ. ຢູ່ເຂດປາກນ້ຳ ຢານ (Gianh), ຄ້າຍທະຫານຊາຍແດນດ່ານທ່າເຮືອ ຢານ (Gianh) (ທະຫານຊາຍແດນແຂວງ ກວາງຈິ - QuangTri) ໄດ້ຜັນຂະຫຍາຍຫຼາຍວິທີການແກ້ໄຂຢ່າງເປັນເອກະພາບ, ...

ແກ້ໄຂ "ບັດເຫຼືອງ" IUU: ນະຄອນໂຮ່ຈີມິນ ເຮັດໃຫ້ຂໍ້ມູນມີຄວາມໂປ່ງໃສ, ຄວບຄຸມການຂຸດຄົ້ນ ຍສໝ - ການນຳໃຊ້ປຶ້ມບັນທຶກການຂຸດຄົ້ນສິນໃນນ້ຳແບບອີເລັກໂຕຣນິກ ຢູ່ເທິງກຳປັ່ນຫາປາທາງໄກ ຢູ່ນະຄອນ ໂຮ່ຈີມິນ (HoChiMinh) ພວມຄ່ອຍໆສ້າງປະສິດທິຜົນຢ່າງຊັດເຈນ, ປະກອບສ່ວນເຂົ້າໃນການຫັນວຽກງານຄຸ້ມຄອງການປະມົງໃຫ້ເປັນທັນສະໄໝ.