| ນັກຮຽນຮູ້ໂລກຕີລາຄາສູງນະໂຍບາຍການຕ່າງປະເທດຂອງຫວຽດນາມ | |
| 700 ສະຖານທີ່ພັກຢູ່ຫວຽດນາມ ໄດ້ຮັບກາໝາຍການທ່ອງທ່ຽວແບບຍືນຍົງ |
 |
| ທ່ານ ຟ້າມມິງຈີ໊ງ ນາຍົກລັດຖະມົນຕີຫວຽດນາມ ແລະທ່ານ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ລາວ. ພາບ: baochinhphu.vn |
ປະທານ ໂຮ່ຈີມິນ ແລະປະທານ ໄກສອນ ພົມວິຫານ ເປັນຜູ້ສ້າງພື້ນຖານໃຫ້ແກ່ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງຫວຽດນາມ ແລະລາວ.
ປີ 1977, ສົນທິສັນຍາມິດຕະພາບ ແລະການຮ່ວມມືຫວຽດນາມ - ລາວ ໄດ້ຮັບການລົງນາມ, ກາຍເປັນພື້ນຖານອັນສໍາຄັນເພື່ອໃຫ້ສອງປະເທດນັບມື້ນັບໄດ້ຮັບການປັບປຸງ, ພັດທະນາການພົວພັນ, ຮັບໃຊ້ໃຫ້ແກ່ພາລະກິດແຫ່ງການສ້າງສາ ແລະປົກປັກຮັກສາປະເທດຊາດຂອງແຕ່ລະປະເທດຢ່າງບໍ່ຢຸດຢັ້ງ.
ພາຍຫຼັງກວ່າ 40 ປີແຫ່ງການປະຕິບັດ, ຫວຽດນາມ ແລະລາວ ບັນລຸໄດ້ຜົນງານຫຼາຍຢ່າງໃນກິດຈະການສ້າງສາ, ພັດທະນາປະເທດຊາດ, ຍົກສູງບົດບາດ ແລະຖານະທີ່ຕັ້ງສາກົນ.
ການພົວພັນດ້ານການເມືອງໄດ້ຮັບການຊຸກຍູ້ຢ່າງແຮງ ຄື: ບັນດາການພົບປະຂັ້ນສູງລະຫວ່າງການນໍາສອງຝ່າຍ ໄດ້ດໍາເນີນເປັນປົກກະຕິ; ເພີ່ມທະວີການພົບປະແລກປ່ຽນບົດຮຽນ, ປະສົບການລະຫວ່າງບັນດາກະຊວງ, ຄະນະ, ຂະແໜງການ; ພົບປະແລກປ່ຽນລະຫວ່າງບັນດາອົງການຈັດຕັ້ງ ແລະປະຊາຊົນທຸກຊັ້ນວັນນະ. ການຮ່ວມມືໃນຂົງເຂດເສດຖະກິດນັບມື້ນັບອຸດົມສົມບູນ ແລະຫຼາກຫຼາຍຮູບແບບ. ໄລ່ຮອດໝົດເດືອນມິຖຸນາ ປີ 2021, ວົງເງິນການຄ້າລະຫວ່າງສອງປະເທດ ບັນລຸ 671 ລ້ານໂດລາສະຫະລັດ. ຫວຽດນາມ ເປັນນັກລົງທຶນຕ່າງປະເທດໃຫຍ່ທີ 3 ຢູ່ ລາວ ດ້ວຍແຫຼ່ງເງິນລົງທຶນທັງໝົດແມ່ນເກືອບ 5 ຕື້ໂດລາສະຫະລັດ. ບາງໂຄງການເຊື່ອມຕໍ່ການຄົມມະນາຄົມຍຸດທະສາດ ກໍາລັງຜັນຂະຫຍາຍຢ່າງຕັ້ງໜ້າ. ລາວ ນອນໃນກຸ່ມ 15 ຕະຫຼາດແຖວໜ້າຂອງການທ່ອງທ່ຽວຫວຽດນາມ. ສອງປະເທດໄດ້ຮັບຮອງເອົາຍຸດທະສາດພັດທະນາການທ່ອງທ່ຽວວິໄສທັດຮອດປີ 2025. ການຮ່ວມມືດ້ານການສຶກສາ, ກໍ່ສ້າງ ໄດ້ຮັບການຍູ້ແຮງ. ຫວຽດນາມໄດ້ໃຫ້ທຶນການສຶກສາແກ່ນັກຮຽນລາວ ເກືອບ 17.000 ຄົນ ແລະນັບມື້ນັບເພີ່ມຂຶ້ນຕື່ມ.
ບັນດາໝາກຜົນທີ່ບັນລຸໄດ້ນັ້ນແມ່ນກໍາລັງໜູນເພື່ອຊຸກຍູ້ການພົວພັນມິດຕະພາບຫວຽດນາມ - ລາວ ໃຫ້ພັດທະນາຢ່າງບໍ່ຢຸດຢັ້ງ, ປະກອບສ່ວນເຂົ້າໃນພາລະກິດແຫ່ງການສ້າງສາ ແລະປົກປັກຮັກສາປະເທດ ສັງຄົມນິຍົມ ຢູ່ແຕ່ລະປະເທດ, ກໍຄື ປະກອບສ່ວນເຂົ້າໃນສັນຕິພາບ, ສະຖຽນລະພາບ, ຮ່ວມມື ແລະພັດທະນາຢູ່ພາກພື້ນ ແລະໃນໂລກ.
la.qdnd.vn
