 |
| ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ຕ້ອນຮັບທ່ານຮັກສາການຫົວໜ້າຄະນະການຕ່າງປະເທດສູນກາງລາວ ບຸນເລີດ ພັນທະນູວົງ. (ພາບ: ອານດັງ/TTXVN) |
ທີ່ກອງປະຊຸມພົບປະ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸ່ຍແທງເຊີນ ເນັ້ນໜັກວ່າ ການຢ້ຽມຢາມ ຫວຽດນາມ ຂອງທ່ານ ບຸນເລີດ ພັນທະນູວົງ ມີຄວາມໝາຍສຳຄັນ, ໃນສະພາບການທີ່ 2 ປະເທດພວມກະກຽມຢ່າງຕັ້ງໜ້າເພື່ອມຸງໄປເຖິງກອງປະຊຸມໃຫຍ່ຜູ້ແທນທົ່ວປະເທດຂອງພັກຢູ່ແຕ່ລະປະເທດ ແລະ ໃນສະພາບການທີ່ ຫວຽດນາມ ຫາກໍ່ສຳເລັດການສົມທົບກັບຄະນະພົວພັນຕ່າງປະເທດສູນກາງກັບກະຊວງການຕ່າງປະເທດ.
ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ບຸຍແທງເຊີນ ເຊື່ອໝັ້ນວ່າ ການຢ້ຽມຢາມຈະບັນລຸໄດ້ຫລາຍໝາກຜົນອັນແທດຈິງ, ເປີດຂະບວນການຮ່ວມມືໃໝ່ຢ່າງເປັນທາງການລະຫວ່າງກະຊວງການຕ່າງປະເທດຫວຽດນາມ ແລະ ຄະນະກຳມະການຕ່າງປະເທດສູນກາງລາວ, ປະກອບສ່ວນສືບຕໍ່ນຳການພົວພັນລະຫວ່າງສອງປະເທດພັດທະນາຢ່າງບໍ່ຢຸດຢັ້ງ; ກໍ່ໄດ້ສະແດງຄວາມຊົມເຊີຍບັນດາຜົນງານອັນສຳຄັນທີ່ປະເທດລາວບັນລຸໄດ້ໃນໄລຍະທີ່ຜ່ານມາ.
ທ່ານຮັກສາການຫົວໜ້າຄະນະການຕ່າງປະເທດສູນກາງລາວ ບຸນເລີດ ພັນທະນູວົງ ເນັ້ນໜັກວ່າ ນີ້ແມ່ນການຢ້ຽມຢາມຕ່າງປະເທດຢ່າງເປັນທາງການຄັ້ງທຳອິດໃນຕຳແໜ່ງໃໝ່, ໄດ້ດຳເນີນພາຍຫຼັງການເຄື່ອນໄຫວວຽກງານການຕ່າງປະເທດທີ່ສຳຄັນຂອງ 2 ປະເທດໃນໄລຍະມໍ່ໆມານີ້, ຢືນຢັນນະໂຍບາຍສະເໝີຕົ້ນສະເໝີປາຍ ຍາມໃດກໍ່ຖືເປັນສຳຄັນ ແລະ ໃຫ້ບຸລິມະສິດສູງສຸດໃຫ້ແກ່ສາຍພົວພັນພິເສດຫວຽດນາມ - ລາວ; ໄດ້ສະແດງຄວາມຂອບໃຈທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ບຸ່ຍແທງເຊີນ ທີ່ໄດ້ໃຫ້ການຕ້ອນຮັບຢ່າງລອບຄອບ, ເຄົາລົບນັບຖື.
ໃນບັນຍາກາດແຫ່ງຄວາມຈິງໃຈ, ກົງໄປກົງມາ ແລະ ຄວາມໄວ້ເນື້ອເຊື່ອໃຈ, 2 ຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການຢູ່ແຕ່ລະປະເທດ.
ທ່ານຮັກສາການຫົວໜ້າຄະນະການຕ່າງປະເທດສູນກາງລາວ ເນັ້ນໜັກວ່າ ທຸກໆໄຊຊະນະອັນສະຫງ່າລາສີຂອງພັກ, ລັດ ແລະ ປະຊາຊົນລາວໃນການຕໍ່ສູ້ຍາດເອົາເອກະລາດ, ໃນພາລະກິດສ້າງສາ ແລະ ພັດທະນາປະເທດຊາດໃນປະຈຸບັນ, ບໍ່ສາມາດຕັດແຍກອອກຈາກການຊ່ວຍເຫຼືອອັນໃຫຍ່ຫຼວງຂອງພັກ, ລັດ ແລະ ປະຊາຊົນຫວຽດນາມ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ມີການເຈລະຈາກັບທ່ານຮັກສາການຫົວໜ້າຄະນະການຕ່າງປະເທດສູນກາງລາວ ບຸນເລີດ ພັນທະນູວົງ. (ພາບ: ອານດັງ/TTXVN) |
2 ຝ່າຍສະແດງຄວາມປິຕິຊົມຊື່ນທີ່ການພົວພັນຮ່ວມມື ຫວຽດນາມ - ລາວ ສືບຕໍ່ພັດທະນາຢ່າງເຂັ້ມແຂງ, ມີປະສິດທິຜົນໃນທຸກຂົງເຂດ. ການພົວພັນດ້ານການເມືອງໄດ້ຮັບການເພີ່ມທະວີຢ່າງບໍ່ຢຸດຢັ້ງໂດຍຜ່ານການແລກປ່ຽນຄະນະຜູ້ແທນ, ພົບປະຂັ້ນສູງ ແລະ ທຸກຂັ້ນ ເປັນປະຈຳ. ການຮ່ວມມືດ້ານຄວາມປອດໄພ - ການປ້ອງກັນປະເທດໄດ້ຮັບການປັບປຸງ ແລະ ເປັນເສົາຄ້ຳສຳຄັນຂອງການຮ່ວມມື. ການຮ່ວມມືດ້ານເສດຖະກິດພວມໄດ້ຮັບການຊຸກຍູ້, ວົງເງິນການຄ້າສອງສົ້ນໃນປີ 2024 ບັນລຸ 2,2 ຕື້ USD, ເພີ່ມຂຶ້ນ 33,9% ເມື່ອທຽບໃສ່ປີ 2023; 4 ເດືອນຕົ້ນປີ 2025 ບັນລຸ 1,3 ຕື້ USD, ເພີ່ມຂຶ້ນ 109,3% ເມື່ອທຽບໃສ່ໄລຍະດຽວກັນຂອງປີ 2024. ພິເສດ, ສອງຝ່າຍໄດ້ ທ່າກຳປັ່ນ ຫວຸງອ໋າງ, ເປັນສັນຍາລັກແຫ່ງນ້ຳໃຈສາມັກຄີລະຫວ່າງ 2 ປະເທດ, ເປີດຍຸກໃໝ່ແຫ່ງການພັດທະນາໃນການຮ່ວມມືດ້ານເສດຖະກິດລະຫວ່າງ 2 ປະເທດ, ສ້າງເງື່ອນໄຂໃຫ້ລາວ ມີທາງອອກສູ່ທະເລ. ການຮ່ວມມືໃນບັນດາຂົງເຂດສຳຄັນອື່ນໆຄື: ການເຊື່ອມຕໍ່ຄົມມະນາຄົມ, ການສຶກສາ ແລະ ບຳລຸງສ້າງ, ວັດທະນະທຳ, ການພົບປະແລກປ່ຽນປະຊາຊົນ, ການປະສານງານຢູ່ບັນດາເວທີປາໄສພາກພື້ນ ແລະ ສາກົນ... ການຮ່ວມມືລະຫວ່າງບັນດາກະຊວງ, ຂະແໜງການ, ທ້ອງຖິ່ນຂອງສອງປະເທດເຂດຊາຍແດນຍັງບັນລຸໄດ້ບັນດາໝາກຜົນສຳຄັນ.
ສອງຝ່າຍໄດ້ຕີລາຄາສູງການຮ່ວມມື ແລະ ສົມທົບກັນຢ່າງແໜ້ນແຟ້ນລະຫວ່າງສອງຄະນະພົວພັນຕ່າງປະເທດສູນກາງພັກ ໃນໄລຍະທີ່ຜ່ານມາ; ໄດ້ເຫັນດີເປັນເອກະພາບວ່າ ບົນພື້ນຖານການສືບຕໍ່ທີ່ເປັນມູນເຊື້ອຂອງສາຍພົວພັນອັນດີງາມນັ້ນ, ໃນໄລຍະຈະມາເຖິງ, ກະຊວງການຕ່າງປະເທດຫວຽດນາມ ແລະ ຄະນະພົວພັນຕ່າງປະເທດສູນກາງລາວ ຈະມານະພະຍາຍາມປະຕິບັດບັນດາເນື້ອໃນຂອງຂໍ້ຕົກລົງຂັ້ນສູງຂອງສອງພັກ ແລະ ສອງປະເທດ. 2 ຝ່າຍໄດ້ເຫັນດີເປັນເອກະພາບສົມທົບກັນສ້າງສັນຍາຮ່ວມມືລະຫວ່າງກະຊວງການຕ່າງປະເທດຫວຽດນາມ ແລະ ຄະນະກຳມະການພົວພັນຕ່າງປະເທດສູນກາງລາວ ໄລຍະ 2026-2030; ກະກຽມໃຫ້ແກ່ການເຄື່ອນໄຫວວຽກງານການຕ່າງປະເທດຂອງການນຳຂັ້ນສູງ ແລະ ກົນໄກຮ່ວມມືຂອງສອງປະເທດ;ເພີ່ມທະວີການແລກປ່ຽນຂໍ້ມູນຂ່າວສານ, ແບ່ງປັນປະສົບການໃນວຽກງານກໍ່ສ້າງພັກ, ກະກຽມໃຫ້ແກ່ກອງປະຊຸມໃຫຍ່ຂອງພັກຂອງແຕ່ລະປະເທດ; ສົມທົບກັນເປັນຢ່າງດີໃນການຈັດຕັ້ງການເຄື່ອນໄຫວສະເຫຼີມສະຫຼອງວັນບຸນສຳຄັນຂອງສອງປະເທດ; ໂຄສະນາເຜີຍແຜ່ ແລະ ສຶກສາກ່ຽວກັບການພົວພັນແບບພິເສດ ຫວຽດນາມ - ລາວ.
ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບສະພາບການໂລກ ແລະ ພາກພື້ນ; ເຫັນດີເປັນເອກະພາບຢ່າງຕັ້ງໜ້າເພື່ອຕີລາຄາສະພາບການ ແລະ ສົມທົບກັນຢ່າງແໜ້ນແຟ້ນໃນບັນດາບັນຫາຍຸດທະສາດພາກພື້ນ, ສົມທົບກັນຢ່າງແໜ້ນແຟ້ນບັນດາຈຸດໝາຍ ແລະ ທັດສະນະຢູ່ ອາຊຽນ, ກົນໄກຮ່ວມມືອະນຸພາກພື້ນ; ພິເສດແມ່ນເພີ່ມທະວີການຮ່ວມມືໃນບັນດາຊ່ອງທາງຂອງສອງປະເທດ ເພື່ອແນໃສ່ຊຸກຍູ້ຄຸນຄ່າຂອງການພົວພັນຫວຽດນາມ - ລາວ ໃນລະບົບສັງຄົມນິຍົມ.
 | ຫວຽດນາມ ສືບຕໍ່ປະສານສົມທົບ ແລະ ແລກປ່ຽນກັບ ອາເມລິກາ ຍສໝ - ທ່ານນາງ ໂຄສົກກະຊວງການຕ່າງປະເທດ ຫວຽດນາມ ຟ້າມທູຮັ່ງ ອອກສຽງກ່ຽວກັບປະຕິກິລິຍາຂອງຫວຽດນາມ ຕໍ່ການປະກາດຂອງອາເມລິກາ ກ່ຽວກັບການຕັດສິນໃຈເກັບພາສີສົ່ງອອກຂອງຫວຽດນາມ ໄປຍັງອາເມລິກາ. |
 | VUFO, ສູນຄົ້ນຄວ້າລາຄາ ແລະ ໂຄສະນາແຫ່ງຊາດ ສືບຕໍ່ສົມທົບກັນຊຸກຍູ້ການພົວພັນແລກປ່ຽນປະຊາຊົນລະຫວ່າງ ຫວຽດນາມ ແລະ ເບລາຣຸດ ຍສໝ - ນັ້ນແມ່ນຈິດໃຈຂອງການພົບປະ ແລະ ເຮັດວຽກລະຫວ່າງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Nikolai Borisevish, ຜູ້ອຳນວຍການສູນຄົ້ນຄວ້າລາຄາ ແລະ ໂຄສະນາແຫ່ງຊາດ ຂຶ້ນກັບກະຊວງການຕ່າງປະເທດ ເບລາຣຸດ (TTQG) ໄດ້ດຳເນີນໃນວັນທີ 2 ເມສາ ຢູ່ ຮ່າໂນ້ຍ. |
ມີງດຶກ
