 | ບັນດາການເຄື່ອນໄຫວທີ່ອຸດົມສົມບູນໃນງານບຸນວັດທະນະທຳຫວຽດນາມ ຢູ່ Sakai, ຍີ່ປຸ່ນ |
| ເປີດງານແຂ່ງຂັນບານເຕະນັກສຶກສາຫວຽດນາມ ຢູ່ ລາວ |
ເຂົ້າຮ່ວມພິທີເປີດມີຜູ້ແທນເກືອບ 300 ທ່ານ, ໃນນັ້ນມີການນຳ ແລະ ພະນັກງານບັນດາກະຊວງ, ຂະແໜງການ, ອົງການຈັດຕັ້ງຂອງລາວ; ຜູ້ຕາງໜ້າປະຊາຄົມຊາວຫວຽດນາມ, ພະສົງ, ນັກສຶກສາ, ນັກສຶກສາຕ່າງປະເທດ, ຄູສອນພາສາຫວຽດນາມ ຢູ່ລາວ; ພະນັກງານສະຖານທູດ ແລະ ບັນດາອົງການທີ່ກ່ຽວຂ້ອງຂອງສະຖານທູດຫວຽດນາມ ປະຈຳລາວ.
 |
| ບັນດາຜູ້ແທນໄດ້ຕັດແຖບຜ້າເປີດງານວາງສະແດງຮູບພາບ. (ພາບ: Xuan TTXVN) |
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນມິງເຕີມ ເນັ້ນໜັກເຖິງຄວາມໝາຍປະຫວັດສາດຂອງໄຊຊະນະໃຫຍ່ລະດູບານໃໝ່ປີ 1975 - ແມ່ນເຫດການສິ້ນສຸດສົງຄາມ, ທ້ອນໂຮມປະເທດຊາດເປັນເອກະພາບ, ເປີດໄລຍະແຫ່ງເອກະລາດ, ເປັນເອກະພາບ ແລະ ຮ່ວມກັນກໍ່ສ້າງສັງຄົມນິຍົມ ຫວຽດນາມ “ປະຊາຊົນຮັ່ງມີ, ປະເທດເຂັ້ມແຂງ, ປະຊາທິປະໄຕ, ສະເໝີພາບ ແລະ ພົນລະເຮືອນ”. ໄຊຊະນະນີ້ ບໍ່ພຽງແຕ່ແມ່ນຈຸດສູງສຸດຂອງສົງຄາມຕ້ານ ອາເມລິກາ ກູ້ຊາດ, ແຕ່ຍັງເປັນສັນຍາລັກແຫ່ງຈິດໃຈສາມັກຄີແຫ່ງຊາດ, ພາຍໃຕ້ການນຳພາຂອງພັກກອມມູນິດ ຫວຽດນາມ ແລະ ປະທານ ໂຮ່ຈີມິນ. ນີ້ກໍ່ແມ່ນໄຊຊະນະລວມຂອງການເຄື່ອນໄຫວປະຕິວັດໂລກ, ປະກອບສ່ວນຊຸກຍູ້ປະຊາຊົນຕໍ່ສູ້ເພື່ອເອກະລາດ, ໃນນັ້ນມີປະຊາຊົນລາວ.
ງານວາງສະແດງ ໄດ້ສະແດງຜົນງານເກືອບ 300 ແຜ່ນດ້ວຍຄຳບັນຍາຍສອງພາສາຫວຽດນາມ ແລະ ລາວ, ຫວນຄືນບັນດາເຫດການປົກກະຕິໃນສົງຄາມຕໍ່ຕ້ານຂອງປະຊາຊົນຫວຽດນາມ, ໄດ້ສິ້ນສຸດລົງໃນໄຊຊະນະອັນໃຫຍ່ຫຼວງຂອງລະດູບານໃໝ່ປີ 1975. ນອກຈາກນັ້ນ, ຫຼາຍຮູບການສະແດງໃຫ້ເຫັນເຖິງຄວາມສາມັກຄີພິເສດໃນການຕໍ່ສູ້ລະຫວ່າງ ຫວຽດນາມ ແລະ ລາວ, ໄລຍະຢືນຢູ່ຄຽງຂ້າງລະຫວ່າງການນຳ, ນັກຊ່ຽວຊານ, ທະຫານອາສາສະໝັກ ແລະ ປະຊາຊົນ 2 ປະເທດໃນໄຟສົງຄາມ. ງານວາງສະແດງຍັງແນະນຳໝາກຜົນແຫ່ງການຮ່ວມມືສອງຝ່າຍລະຫວ່າງສອງປະເທດໃນໄລຍະມໍ່ໆມານີ້.
ຕາມທ່ານເອກອັກຄະລັດຖະທູດ ຫງວຽນມິງເຕີມ ແລ້ວ, ຄະນະຈັດຕັ້ງປາດຖະໜາຢາກເຜີຍແຜ່ຮີດຄອງປະເພນີ “ຄັນເຈົ້າມີເຮືອນແລ້ວຢ່າລືມແພໄມ້ໃຜ່”, ເພື່ອລະນຶກເຖິງບັນດາລຸ້ນຄົນທີ່ເສຍສະຫຼະເພື່ອເອກະລາດ, ເສລີພາບຂອງປະເທດຊາດ. ພ້ອມກັນນັ້ນ, ປະກອບສ່ວນເພີ່ມທະວີການໂຄສະນາສຶກສາກ່ຽວກັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດຫວຽດນາມ - ລາວ. ທ່ານຫວັງວ່າເຫດການຈະຊ່ວຍໃຫ້ຊາວຫວຽດນາມ ອາໄສຢູ່ຕ່າງປະເທດ, ນັກສຶກສາ, ພະນັກງານ, ສະມາຊິກພັກ ແລະ ຊາວລາວ ເຂົ້າໃຈຢ່າງເລິກເຊິ່ງກ່ວາອີກກ່ຽວກັບປະຫວັດສາດການປະຕິວັດຂອງສອງປະເທດ, ສືບຕໍ່ເພີ່ມພຸນຄຸນສ້າງການພັດທະນາແບບຍືນຍົງຂອງການພົວພັນຫວຽດນາມ - ລາວ.
 |
| ບັນດາຜູ້ແທນກະຊວງປ້ອງກັນປະເທດລາວ ຢ້ຽມຢາມງານວາງສະແດງຮູບພາບ. (ພາບ: TTXVN) |
ງານວາງສະແດງຮູບພາບສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້ ແລະ ວັນທ້ອນໂຮມປະເທດຊາດເປັນເອກະພາບ ໄດ້ດຳເນີນໄປຮອດວັນທີ 30 ເມສາ 2025.
 | ອະດີດເອກອັກຄະລັດຖະທູດຫຼາຍທ່ານ ເລັ່ງລັດໃຫ້ທ່ານລັດຖະມົນຕີການຕ່າງປະເທດ ອາເມລິກາ ສືບຕໍ່ແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ ຫວຽດນາມ, ລາວ, ກຳປູເຈຍ ຍສໝ - ອະດີດເອກອັກຄະລັດຖະທູດ ອາເມລິກາ 17 ທ່ານ ໄດ້ສົ່ງຈົດໝາຍເຖິງທ່ານລັດຖະມົນຕີການຕ່າງປະເທດ ອາເມລິກາ Marco Rubio ເພື່ອສະແດງຄວາມເປັນຫ່ວງກ່ຽວກັບການຢຸດໂຄງການຊ່ວຍເຫຼືອຕ່າງປະເທດຂອງ ອາເມລິກາ, ເຊິ່ງເຮັດໃຫ້ບັນດາການເຄື່ອນໄຫວເກັບກູ້ລະເບີດທີ່ໄດ້ຮັບທຶນຈາກ ອາເມລິກາ ໃນຫວຽດນາມ, ລາວ, ກຳປູເຈຍ ຖືກຢຸດສະຫງັກ. |
 | ສະມາຄົມມິດຕະພາບ ຫວຽດນາມ - ລາວ: ເຄິ່ງສະຕະວັດເພີ່ມພູນຄູນສ້າງມິດຕະພາບແບບພິເສດ ຫວຽດນາມ - ລາວ ຍສໝ - ວັນທີ 15 ມັງກອນ 1975, ສະມາຄົມມິດຕະພາບ ຫວຽດນາມ - ລາວ ໄດ້ຮັບການສ້າງຕັ້ງຂຶ້ນ, ເປັນຂີດໝາຍສຳຄັນໃນການເພີ່ມທະວີການແລກປ່ຽນ ແລະ ຄວາມເຂົ້າໃຈລະຫວ່າງປະຊາຊົນສອງປະເທດ. 50 ປີຜ່ານມາ, ສະມາຄົມໄດ້ປັບປຸງ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ... |
ມີງດຶກ
