ແນະນຳວຽກເຮັດງານທຳໃຫ້ນັກສຶກສາຫວຽດນາມ ຢູ່ຍີ່ປຸ່ນ

16:00 | 21/04/2025

ຍສໝ - ວັນທີ 19 ເມສາ, ຢູ່ນະຄອນຫຼວງ ໂຕກຽວ (ຍີ່ປຸ່ນ), ສະມາຄົມຊາວໜຸ່ມນັກສຶກສາ ຫວຽດນາມ ປະຈໍາ ຍີ່ປຸ່ນ (VYSA) ພາຍໃຕ້ການໜູນຊ່ວຍຂອງສະຖານທູດຫວຽດນາມ ປະຈໍາ ຍີ່ປຸ່ນ ໄດ້ຈັດຕັ້ງວັນບຸນວຽກເຮັດງານທໍາຄັ້ງທີ 18 (VYSA JOB FAIR 2025). ເຫດການສຳລັບບັນດານັກຮຽນ, ນັກສຶກສາ ແລະ ຊາວໜຸ່ມຫວຽດນາມ ທີ່ພວມດຳລົງຊີວິດ ແລະ ຮ່ຳຮຽນຢູ່ ຍີ່ປຸ່ນ.

	ປະມານ 500 ຄົນເຂົ້າຮ່ວມວັນແຮງງານ ຫວຽດນາມ ຢູ່ຍີ່ປຸ່ນ ປີ 2024
	ມອບທຶນການສືກສາໃຫ້ນັກສືກສາຫວຽດນາມ ຢູ່ຍີ່ປຸ່

ກ່າວຄຳປາໄສທີ່ພິທີເປີດ, ທ່ານປະທານ VYSA ຫງວຽນທິແອັງຕວຽດ ໃຫ້ຮູ້ວ່າ: VYSA JOB FAIR ໄດ້ຮັບການຈັດຕັ້ງເປັນປະຈຳປີ ດ້ວຍຄວາມມຸ່ງຫວັງຈະກາຍເປັນຂົວເຊື່ອມຕໍ່ຕົວຈິງລະຫວ່າງນັກຮຽນ, ນັກສຶກສາ ແລະ ບັນດາວິສາຫະກິດຫວຽດນາມ ຢູ່ ຍີ່ປຸ່ນ, ເປີດກາລະໂອກາດວຽກເຮັດງານທຳໃນບັນດາບາດກ້າວທຳອິດຂອງການສ້າງອາຊີບ. ດ້ວຍຈຳນວນນັກຮຽນ, ນັກສຶກສາເກືອບ 300 ຄົນທີ່ລົງທະບຽນເຂົ້າຮ່ວມ, JOB FAIR 2025 ຈະກຳນົດທິດ ແລະ ໜູນຊ່ວຍບັນດາຊາວໜຸ່ມ ຫວຽດນາມ ໃນການເດີນທາງຊອກຫາວຽກເຮັດງານທຳທີ່ເໝາະສົມຢູ່ດິນແດນດອກສະກຸຣະ.

ທ່ານນາງ ຫວູທິລຽນເຮືອງ, ຜູ້ຕາງໜ້າສະຖານທູດ ຫວຽດນາມ ປະຈຳ ຍີ່ປຸ່ນ ໄດ້ຕີລາຄາສູງຄວາມໝາຍຂອງເຫດການ ແລະ ເນັ້ນໜັກວ່າ ປະຊາຄົມນັກສຶກສາ ຫວຽດນາມ ຢູ່ ຍີ່ປຸ່ນ ນັບມື້ນັບພັດທະນາທັງດ້ານປະລິມານ ແລະ ຄຸນນະພາບ. ນີ້ແມ່ນກຳລັງປັນຍາຊົນໜຸ່ມເຕັມໄປດ້ວຍຄວາມຫວັງ, ເປັນຂົວເຊື່ອມຕໍ່ວັດທະນະທຳທີ່ສຳຄັນ, ປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ຍີ່ປຸ່ນ ນັບມື້ນັບເລິກເຊິ່ງກ່ວາອີກ. ທ່ານນາງຢືນຢັນວ່າ ສະຖານທູດຍີ່ປຸ່ນ ປະຈຳ ຫວຽດນາມ ຍາມໃດກໍ່ຮ່ວມເດີນທາງ ແລະ ໜູນຊ່ວຍນັກສຶກສາ ແລະ ຊາວໜຸ່ມອອກແຮງງານ ຫວຽດນາມ ຕໍ່ກັບບັນດາວິສາຫະກິດ ຢູ່ ຍີ່ປຸ່ນ ຢ່າງມີປະສິດທິຜົນ.

ແນະນຳວຽກເຮັດງານທຳໃຫ້ນັກສຶກສາຫວຽດນາມ ຢູ່ຍີ່ປຸ່ນ

ວັນບຸນວຽກເຮັດງານທຳຄັ້ງທີ 18 ສຳລັບບັນດານັກຮຽນ, ນັກສຶກສາ ແລະ ຊາວໜຸ່ມຫວຽດນາມ ອາໄສ ແລະ ຮ່ຳຮຽນຢູ່ ຍີ່ປຸ່ນ (VYSA JOB FAIR 2025).

ພາຍຫຼັງພິທີເປີດ, ບັນດາວິສາຫະກິດໄດ້ພົບປະ ແລະ ປຶກສາຫາລືໂດຍກົງກັບບັນດານັກສຶກສາ, ແນະນຳຄວາມຕ້ອງການຮັບສະໝັກພະນັກງານຕາມແຕ່ລະສາຂາວິຊາ, ຜ່ານນັ້ນ ໜູນຊ່ວຍຊາວໜຸ່ມໃຫ້ບັນດາຊາວຫນຸ່ມມີທິດທາງຢ່າງຈະແຈ້ງກວ່າກ່ຽວກັບເສັ້ນທາງອາຊີບ ຢູ່ ຍີ່ປຸ່ນ.

ທ່ານ ຫງວຽນຮຸຍຖັງ, CEO ຂອງບໍລິສັດຫຸ້ນສ່ວນ HBLAB ແບ່ງປັນວ່າ: “ນີ້ແມ່ນຄັ້ງທຳອິດ HBLAB ເຂົ້າຮ່ວມເຫດການ. ພວກຂ້າພະເຈົ້າມີຄວາມປະທັບໃຈຫຼາຍກ່ຽວກັບຂອບຂະໜາດ ກໍ່ຄືລັກສະນະວິຊາສະເພາະໃນຂອດການຈັດຕັ້ງ. ຫວັງວ່າຈະມີການເຄື່ອນໄຫວຄ້າຍຄືກັນຕື່ມອີກເພື່ອຊ່ວຍໃຫ້ວິສາຫະກິດຫວຽດນາມ ເຂົ້າເຖິງໄດ້ກຳລັງແຮງງານໄວໜຸ່ມເຕັມໄປດ້ວຍຄວາມສາມາດ ແລະ ກະຕືລືລົ້ນ.”

ທ່ານນາງ Ikuma Naoko, ຜູ້ຕາງໜ້າບໍລິສັດ MICROS ໄດ້ຕີລາຄາສູງລະດັບພາສາຍີ່ປຸ່ນ ແລະ ພາສາອັງກິດ ແລະ ວິຊາສະເພາະຂອງນັກສຶກສາ ຫວຽດນາມ ໃນຂົງເຂດເຕັກໂນໂລຢີຂໍ້ມູນຂ່າວສານ. ທ່ານນາງກ່າວວ່າ ໃນແຜນການຮັບສະໝັກທີ່ຈະມາເຖິງ, MICROS ຈະໃຫ້ບຸລິມະສິດເຂົ້າເຖິງນັກສຶກສາຫວຽດນາມທີ່ຈະຮຽນຈົບເພື່ອເພີ່ມເຕີມແຫຼ່ງຊັບພະຍາກອນມະນຸດໜຸ່ມໃຫ້ບໍລິສັດ.

ໃນຂອບເຂດຂອງເຫດການ, VYSA ຍັງໄດ້ຈັດຕັ້ງການເຄື່ອນໄຫວຂ້າງນອກຢ່າງແທດຈິງຫຼາຍຢ່າງເຊັ່ນ: ການບໍລິຈາກຕູ້ປຶ້ມເກົ່າເພື່ອຮັບໃຊ້ຈຸດປະສົງການກຸສົນ, ສະໜັບສະໜູນການແກ້ໄຂສຳເນົາເອກະສານຂໍວຽກດ້ວຍພາສາຍີ່ປຸ່ນ, ແບ່ງປັນປະສົບການໃນການເຮັດວຽກຢູ່ຍີ່ປຸ່ນ, ຮູ້ຈັກກັບວັດທະນະທຳຫ້ອງການ, ຊອກຮູ້ກ່ຽວກັບເງິນເດືອນ ກໍ່ຄືບັນດາລະບົບເກື້ອກູນອື່ນໆ...

ການແຂ່ງຂັນບານເຕະ FAVIJA Kanto Cup 2021: ເຊື່ອມຕໍ່ປະຊາຄົມຊາວຫວຽດນາມ ຢູ່ຍີ່ປຸ່ນ

ຍສໝ - ການແຂ່ງຂັນບານເຕະ “FAVIJA Kanto Cup 2021” ສຳລັບປະຊາຄົມຊາວ ຫວຽດນາມ ຢູ່ ຍີ່ປຸ່ນ ແມ່ນເພື່ອໃຫ້ພໍ່ແມ່ປະຊາຊົນສາມາດແລກປ່ຽນ, ຮ່ຳຮຽນ, ແລກປ່ຽນບົດຮຽນ, ຊ່ວຍເຫຼືອເຊິ່ງກັນ ແລະ ກັນໃນສະພາບການທີ່ຫຍຸ້ງຍາກ.