 | ນາງ ເລຫວູແທັງຖາວ ໄດ້ຮັບລາງວັນທີໜຶ່ງໃນການເສັງເວົ້າພາສາ ຈີນ ທົ່ວປະເທດ - ດ່າຫນັງ ປີ 2024 |
| ງານແຂ່ງຂັນບານເຕະກຳມະກອນ, ລັດຖະກອນ ຫວຽດນາມ ປີ 2024: ທີມອົງການກຳມະບານ ກວາງນິງ ຄວ້າໄດ້ແຊ໋ມຊະນະເລີດ |
 |
| ຊົມເຊີຍບັນດາຜູ້ອອກແຮງງານ ຫວຽດນາມ ທີ່ດີເດັ່ນຢູ່ ຍີ່ປຸ່ນ (ພາບ: ສຳນັກຂ່າວສານ ຫວຽດນາມ). |
ເຫດການໄດ້ດຶງດູດຜູ້ເຂົ້າຮ່ວມປະມານ 500 ຄົນ ລວມມີ ບັນດາຜູ້ອອກແຮງງານ ຫວຽດນາມ ທີ່ດີເດັ່ນ, ຜູ້ຕາງໜ້າບັນດາອົງການເພື່ອນຮ່ວມອາຊີບ ແລະ ບັນດາວິສາຫະກິດ ຍີ່ປຸ່ນ ທີ່ຮັບສະໝັກຜູ້ອອກແຮງງານ ຫວຽດນາມ.
ກ່າວຄຳປາໄສທີ່ເປີດພິທີ, ທ່ານ ຟ້າມກວາງຫ້ຽວ ເອກອັກຄະລັດຖະທູດຫວຽດນາມ ປະຈຳ ຍີ່ປຸ່ນ ໃຫ້ຮູ້ວ່າ ການຈັດຕັ້ງວັນແຮງງານ ຫວຽດນາມ ຢູ່ ຍີ່ປຸ່ນ ເປັນຄັ້ງທຳອິດໄດ້ສະແດງໃຫ້ເຫັນຄວາມສົນໃຈຂອງກະຊວງແຮງງານ -ທະຫານເສຍອົງຄະ ແລະ ສັງຄົມ ແລະ ສະຖານທູດ ຫວຽດນາມ ສຳລັບຜູ້ອອກແຮງງານທີ່ພວມອາໄສ, ເຮັດວຽກຢູ່ ຍີ່ປຸ່ນ ເວົ້າສະເພາະ ແລະ ກັບການພາຜູ້ອອກແຮງງານ ຫວຽດນາມ ໄປເຮັດວຽກຢູ່ ຍີ່ປຸ່ນ ເວົ້າລວມ.
ຕາມທ່ານເອກອັກຄະລັດຖະທູດ ຟ້າມກວາງຫ້ຽວ ແລ້ວ, ປະຈຸບັນ ມີຜູ້ອອກແຮງງານ ຫວຽດນາມ 430.000 ກວ່າຄົນພວມອາໄສ ແລະ ເຮັດວຽກຢູ່ ຍີ່ປຸ່ນ ດ້ວຍຖານະພັກເຊົາເປັນນັກຝຶກງານ, ນັກເຕັກນິກ, ນາຍແປພາສາ... ສ່ວນຫຼາຍນັກເຝິກງານ ແລະ ຜູ້ອອກແຮງງານ ຫວຽດນາມ ລ້ວນແຕ່ເຮັດວຽກຢ່າງດຸໝັ່ນ, ອົດທົນພະຍາຍາມຮ່ຳຮຽນເພື່ອຍົກສູງລະດັບພາສາ ຍີ່ປຸ່ນ ແລະ ສີມືການຊ່າງ, ປະກອບສ່ວນເຂົ້າໃນການພັດທະນາຂອງວິສາຫະກິດ ແລະ ເສດຖະກິດ ຍີ່ປຸ່ນ, ກໍ່ຄືການພັດທະນາການພົວພັນຮ່ວມມື ແລະ ມິດຕະພາບລະຫວ່າງສອງປະເທດ.
ໂດຍເຕື້ອງເຖິງບັນດາການປ່ຽນແປງໃນນະໂຍບາຍຮັບຜູ້ອອກແຮງງານຕ່າງປະເທດຂອງລັດຖະບານ ຍີ່ປຸ່ນ, ທ່ານເອກອັກຄະລັດຖະທູດ ໄດ້ຕີລາຄາວ່າ ນີ້ແມ່ນບັນດາການປ່ຽນແປງທີ່ມີຜົນປະໂຫຍດໃຫ້ຜູ້ອອກແຮງງານຕ່າງປະເທດ ແລະ ຜູ້ອອກແຮງງານ ຫວຽດນາມ ຊ່ວຍຮັບປະກັນສິດ ແລະ ຜົນປະໂຫຍດທີ່ຖືກກົດໝາຍໃຫ້ແກ່ຜູ້ອອກແຮງງານໄດ້ດີກວ່າ, ຊ່ວຍຜູ້ອອກແຮງງານຕ່າງປະເທດມີໂອກາດເພື່ອພັດທະນາຕົນເອງ ແລະ ພາລະກິດຂອງເຂົາເຈົ້າໃນປະເທດ ຍີ່ປຸ່ນ.
ທ່ານເອກອັກຄະລັດຖະທູດ ເນັ້ນໜັກວ່າ ຫວຽດນາມ ພວມຢືນຢູ່ຕໍ່ໜ້າປະຕູຂອງໄລຍະພັດທະນາໃໝ່ ດ້ວຍຫຼາຍກາລະໂອກາດພັດທະນາເສດຖະກິດ, ສັງຄົມ ແລະ ມະນຸດ, ສະນັ້ນ ຈະຕ້ອງມີຜູ້ອອກແຮງງານຊຳນານງານທີ່ມີສະຕິວິໄນສູງ ແລະ ໄດ້ຮັບການບຳລຸງສ້າງ ແລະ ເຕີບໃຫຍ່ໃນບັນດາປະເທດທີ່ພັດທະນາຄື ຍີ່ປຸ່ນ. ບັນດາຜູ້ອອກແຮງງານທີ່ໄດ້ຜ່ານຂະບວນການເຮັດວຽກ ແລະ ບຳລຸງສ້າງຢູ່ ຍີ່ປຸ່ນ ຈະກາຍເປັນແຫຼ່ງຊັບພະຍາກອນມະນຸດອັນລ້ຳຄ່າໃຫ້ ຫວຽດນາມ ໃນໄລຍະພັດທະນາໃໝ່, ກາຍເປັນປັດໄຈປະກອບສ່ວນຊຸກຍູ້ການພົວພັນມິດຕະພາບລະຫວ່າງ 2 ປະເທດ ຫວຽດນາມ - ຍີ່ປຸ່ນ ພັດທະນາແບບຍືນຍົງ.
ໂດຍກ່ຽວກັບຝ່າຍ ຍີ່ປຸ່ນ, ທ່ານ Komura Masahiro, ຮອງລັດຖະມົນຕີກະຊວງຍຸຕິທຳ ໃຫ້ຮູ້ວ່າ ຈຳນວນຊາວຫວຽດນາມ ອາໄສຢູ່ ຍີ່ປຸ່ນ ພວມເພີ່ມຂຶ້ນໃນແຕ່ລະປີ, ບັນລຸປະມານ 600.000 ຄົນ ໄລ່ຮອກທ້າຍເດືອນ ມິຖຸນາ 2024. ບັນດາຕົວເລກເຫຼົ່ານີ້ ພິສູດໃຫ້ເຫັນວ່າ ຫວຽດນາມ ແມ່ນປະເທດສຳຄັນທີ່ສຸດຕໍ່ຍີ່ປຸ່ນ. ຜູ້ຕາງໜ້າກະຊວງຍຸຕິທຳ ເນັ້ນໜັກວ່າ ໃນກອບຂອງລະບອບການບຳລຸງສ້າງ-ເຮັດວຽກໃໝ່, ຍີ່ປຸ່ນ ຈະມານະພະຍາຍາມແກ້ໄຂບັນດາບັນຫາທີ່ຍັງຄົງຄ້າງຢູ່ໃນລະບອບນັກເຝິກງານຄື ຄ່ານາຍໜ້າສູງ ແລະ ການແຊກແຊງຂອງນາຍໜ້າທີ່ຜິດກົດໝາຍ ເພື່ອຮັບປະກັນສະພາບແວດລ້ອມການເຮັດວຽກທີ່ປອດໃສ ແລະ ຊຸກຍູ້ການພັດທະນາແຫຼ່ງຊັບພະຍາກອນມະນຸດຕ່າງປະເທດ. ຜູ້ຕາງໜ້າກະຊວງຍຸຕິທຳ ປາດຖະໜາວ່າ 2 ປະເທດຈະສືບຕໍ່ສົມທົບກັນຢ່າງແໜ້ນແຟ້ນ ເພື່ອແກ້ໄຂບັນດາສິ່ງທ້າທາຍທີ່ຍັງເຫຼືອ ໃຫ້ຍີ່ປຸ່ນ ສືບຕໍ່ແມ່ນຈຸດໝາຍປາຍທາງທີ່ດຶງດູດສຳລັບຜູ້ອອກແຮງງານ ຫວຽດນາມ.
ທີ່ເຫດການວັນແຮງງານ ຫວຽດນາມ ຢູ່ ຍີ່ປຸ່ນ 2024, ທ່ານຮອງລັດຖະມົນຕີ ຫງວຽນບາຮວ່ານ ແລະ ທ່ານເອກອັກຄະລັດຖະທູດ ຟ້າມກວາງຫ້ຽວ ໄດ້ມອບໃບຍ້ອງຍໍໃຫ້ແກ່ຜູ້ອອກແຮງງານ ຫວຽດນາມ 30 ຄົນ; 12 ອົງການເພື່ອນຮ່ວມອາຊີບ ແລະ 17 ບໍລິສັດ ຍີ່ປຸ່ນ.
 | ຫວຽດນາມ ເຂົ້າຮ່ວມງານບຸນວັດທະນະທຳສິລະປະ ແມ່ຂອງ - ລ້ານຊ້າງ ປີ 2024 ຍສໝ - ນີ້ແມ່ນໂອກາດເພື່ອໃຫ້ບັນດານັກສິລະປິນ ຫວຽດນາມ ໄດ້ແລກປ່ຽນ, ແນະນຳຈຸດວັດທະນະທຳ ແລະ ສິລະປະທີ່ເປັນເອກະລັກພິເສດຂອງ ຫວຽດນາມ ໃຫ້ແກ່ຜູ້ຊົມ ຈີນ ກໍ່ຄືເພື່ອນມິດບັນດາປະເທດໃນພາກພື້ນແມ່ນ້ຳຂອງ - ລ້ານຊ້າງ; ປະກອບສ່ວນຊຸກຍູ້ການພົບປະແລກປ່ຽນລະຫວ່າງປະຊາຊົນ, ເພີ່ມທະວີຄວາມເຂົ້າໃຈເຊິ່ງກັນ ແລະ ກັນ ແລະ ເສີມສ້າງນໍ້າໃຈມິດຕະພາບ. |
 | ເຮືອສຳລານສຸດຫຼູ ໄດ້ພານັກທ່ອງທ່ຽວສາກົນ ປະມານ 3.500 ຄົນ ໄປຍັງ ຮະລອງ ຍສໝ - ກ່ຳປັ່ນ Costa Serena ໄດ້ເດີນທາງອອກຈາກຮົ່ງກົງ (ຈີນ) ມາຮອດ ຮະລອງ (ຫວຽດນາມ) ພ້ອມກັບນັກທ່ອງທ່ຽວເກືອບ 3.500 ຄົນ ແລະ ໄດ້ເຂົ້າທຽບທ່າຢູ່ທ່າກ່ຳປັ່ນສາກົນ ຮະລອງ ໃນເວລາ 8 ໂມງເຊົ້າຂອງວັນທີ 30 ກັນຍາ. |
ແທັງຮັ່ງ
