| ການແຂ່ງຂັນບານເຕະ U.23 ອາຊີຕາເວັນອອກສ່ຽງໃຕ້ 2022 ຈະຈັດຂຶ້ນຢູ່ກໍາປູເຈຍ | |
| 21 ທິມບານເຕະຂອງປະຊາຄົມ ຊາວຫວຽດນາມອາໄສຢູ່ ອັງກິດເຂົ້າຮ່ວມການແຂ່ງຂັນບານເຕະ Nova Cup London 2021 |
 |
| ການແຂ່ງຂັນບານເຕະ “FAVIJA Kanto Cup 2021” ສຳລັບປະຊາຄົມຊາວ ຫວຽດນາມ ຢູ່ ຍີ່ປຸ່ນ ແມ່ນເພື່ອໃຫ້ພໍ່ແມ່ປະຊາຊົນສາມາດແລກປ່ຽນ, ຮ່ຳຮຽນ, ແລກປ່ຽນບົດຮຽນ, ຊ່ວຍເຫຼືອເຊິ່ງກັນ ແລະ ກັນໃນສະພາບການທີ່ຫຍຸ້ງຍາກ. ພາບ: TTXVN |
ການແຂ່ງຂັນບານເຕະ FAVIJA Kanto Cup ແມ່ນການເຄື່ອນໄຫວປະຈຳປີໂດຍສະມາຄົມແລກປ່ຽນວັດທະນະທຳ ກິລາ ຫວຽດນາມ ຍີ່ປຸ່ນ (FAVIJA) ຈັດຂຶ້ນ ພາຍໃຕ້ການອຸປະຖໍາຈາກສະຖານທູດ ຫວຽດນາມ ປະຈຳ ຍີ່ປຸ່ນ, ອໍານາດການປົກຄອງທ້ອງຖິ່ນໃນເຂດ Kanto, ການໜູນຊ່ວຍ ແລະ ອຸປະຖໍາຂອງບັນດາວິສາຫະກິດ ຫວຽດນາມ ຢູ່ຍີ່ປຸ່ນ.
ເລີ່ມແຕ່ວັນທີ 21 ພະຈິກ, 80 ທີມບານເຕະຫວຽດນາມ ປະຈຳ ຍີ່ປຸ່ນ ໄດ້ແຂ່ງຂັນຢ່າງດຸເດືອດເພື່ອຍາດໄດ້ປີ້ເຂົ້າຮອບ 32 ທີມສຸດທ້າຍ ດ້ວຍບັນດາໝາກຜົນດີທີ່ສຸດ. ການແຂ່ງຂັນຮອບຊິງຊະນະເລີດ (32 ທີມ) ໄດ້ຈັດຂຶ້ນໃນວັນທີ 19 ທັນວານີ້.
ທ່ານ ໂດກວາງບາ, ປະທານ FAVIJA ໃຫ້ຮູ້ວ່າ: ນີ້ແມ່ນການເຄື່ອນໄຫວເພື່ອສຸຂະພາບ, ການແລກປ່ຽນຕິດພັນຊຸມຊົນ, ພ້ອມທັງມີຄວາມໝາຍມະນຸດສະທໍາຢ່າງເລິກເຊິ່ງ ເມື່ອຄະນະຈັດຕັ້ງໄດ້ຮັບຮອງເອົາການແຂ່ງຂັນເພື່ອສ້າງກອງທຶນໜູນຊ່ວຍບັນດາກໍລະນີຊາວຫວຽດນາມ ອາໄສຢູ່ ຍີ່ປຸ່ນ ປະສົບອຸບັດຕິເຫດ, ເປັນພະຍາດທີ່ປິ່ນປົວບໍ່ໄດ້... ໂດຍສະເພາະແມ່ນຜູ້ປະສົບກັບຄວາມຫຍຸ້ງຍາກຍ້ອນຜົນກະທົບຈາກການແຜ່ລະບາດຂອງພະຍາດໂຄວິດ-19.
ໃນຕອນທ້າຍຂອງການແຂ່ງຂັນ, ແຊ້ມໄດ້ຕົກເປັນຂອງ FC Real Tobama, ຮອງຊະນະເລີດເປັນຂອງ FC AE38 ແລະ ອັນດັບ 3 ໄດ້ແກ່ FC Tokai ແລະ Gold Star JP FC.
ລາງວັນຜູ້ຍິງປະຕູໄດ້ຫຼາຍທີ່ສຸດຕົກເປັນຂອງ ຫງວຽນຕຽນຈ້ອງ ຂອງ FC Washi, ຜູ້ຮັກສາປະຕູທີ່ດີທີ່ສຸດໄດ້ຕົກເປັນຂອງ ຫງວຽນຮູຍຮວ່າງ ຂອງ FC Real Tobama. ນັກເຕະ ຫງວຽນຟີເຟືອກ ຂອງ FC AE38 ໄດ້ຮັບລາງວັນນັກເຕະດີເດັ່ນ, ພ້ອມທັງ ຍັງໄດ້ຮັບນາມມະຍົດ “ເອກອັກຄະລັດຖະທູດບານເຕະ ຫວຽດນາມ ປະຈຳ ຍີ່ປຸ່ນ ປີ 2022”.
ໄຊພອນ
