ທ່ານ ໂດ໊ມິງຊາງ ຮອງເລຂາຄະນະຊາວໜຸ່ມແຂວງ, ປະທານສະຫະສະມາຄົມຊາວໜຸ່ມຫວຽດນາມ ແຂວງອານຢາງ ໄດ້ສົ່ງພອນໄຊອັນປະເສີດມາຍັງບັນດາຜູ້ແທນ, ເນັ້ນໜັກວ່າ: ນ້ຳໃຈມິດຕະພາບ, ຄວາມສາມັກຄີ ແລະ ການຊ່ວຍເຫຼືອເຊິ່ງກັນ ແລະ ກັນລະຫວ່າງ ຫວຽດນາມ - ລາວ - ກໍາປູເຈຍ ແມ່ນປັດໄຈຮັບປະກັນໄຊຊະນະໃນການສ້າງສາ, ພັດທະນາ ແລະປົກປັກຮັກສາປະເທດຊາດໃນປະຫວັດສາດ, ປະຈຸບັນ ແລະໃນອະນາຄົດ. ປະຈຸບັນ, ຢູ່ມະຫາວິທະຍາໄລອານຢາງ ມີນັກສຶກສາກຳປູເຈຍ ແລະ ລາວ ຈຳນວນ 21 ຄົນ ທີ່ພວມດຳລົງຊີວິດ ແລະຮ່ຳຮຽນ.
ໃນໄລຍະຜ່ານມາ, ການນຳທຸກຂັ້ນ, ຂະແໜງການ, ຄະນະຊາວໜຸ່ມແຂວງ ແລະສະຫະສະມາຄົມຊາວໜຸ່ມຫວຽດນາມ ແຂວງອານຢາງ ຍາມໃດກໍ່ເອົາໃຈໃສ່ ແລະເບິ່ງແຍງດູແລເຖິງບັນດານັກສຶກສາຂອງລາວ ແລະກໍາປູເຈຍ. ຜ່ານການເຄື່ອນໄຫວແທດຈິງຫຼາຍຢ່າງໄດ້ປະກອບສ່ວນສ້າງເງື່ອນໄຂສະດວກ ເພື່ອໃຫ້ນັກຮຽນກຳປູເຈຍ ແລະ ລາວ ລຸ້ນຕ່າງໆມີຄວາມອຸ່ນອ່ຽນໃຈຮ່ຳຮຽນ ແລະຄົ້ນຄ້ວາຢູ່ແຂວງອານຢາງ; ປະກອບສ່ວນເຂົ້າໃນກິດຈະການສ້າງສາ ແລະພັດທະນາບ້ານເກີດເມືອງນອນ ແລະປະເທດຊາດ. ພວກນ້ອງນັກຮຽນແມ່ນຂົວຕໍ່, ປະກອບສ່ວນຮັດແໜ້ນນ້ຳໃຈສາມັກຄີ, ມິດຕະພາບລະຫວ່າງ 3 ປະເທດ ຫວຽດນາມ - ລາວ - ກໍາປູເຈຍ ໃຫ້ນັບມື້ນັບໝັ້ນແກ່ນຍິ່ງຂຶ້ນ.
 |
ທ່ານ ໂດ໊ມິງຊາງ ຮອງເລຂາຄະນະຊາວໜຸ່ມແຂວງ, ປະທານສະຫະສະມາຄົມຊາວໜຸ່ມຫວຽດນາມ ແຂວງອານຢາງ ມອບໃບຍ້ອງຍໍໃຫ້ແກ່ນັກສຶກສາຊາວເຜົ່າຂະແມ. ພາບ: ສໍານັກຂ່າວສານຫວຽດນາມ |
ຕາງໜ້າໃຫ້ນັກສຶກສາກຳປູເຈຍ ແລະລາວ ທີ່ພວມຮໍ່າຮຽນຢູ່ມະຫາວິທະຍາໄລອານຢາງ, ນັກສຶກສາ Pech Sovuthika (ນັກສຶກສາກໍາປູເຈຍ) ໄດ້ສະແດງຄວາມຂອບໃຈຢ່າງຈິງໃຈຕໍ່ການນຳແຂວງອານຢາງ, ຄະນະຊາວໜຸ່ມແຂວງ ແລະຄະນະອຳນວຍການມະຫາວິທະຍາໄລອານຢາງ ຍາມໃດກໍ່ເອົາໃຈໃສ່, ໜູນຊ່ວຍ ແລະສ້າງເງື່ອນໄຂສະດວກໃຫ້ແກ່ນັກສຶກສາກຳປູເຈຍ ແລະ ລາວ ມີຄວາມອຸ່ນອ່ຽນໃຈຮ່ຳຮຽນ ແລະດຳລົງຊີວິດ. ນ້ອງ Pech Sovuthika ໃຫ້ຄຳໝັ້ນສັນຍາວ່າ ຈະມານະພະຍາຍາມຮໍ່າຮຽນເພື່ອບັນລຸໄດ້ຜົນງານດີທີ່ສຸດເມື່ອກັບຄືນເຮັດວຽກຢູ່ປະເທດຕົນ ປະກອບສ່ວນເຂົ້າໃນການພັດທະນາຂອງບ້ານເກີດເມືອງນອນໃນອະນາຄົດ.
ເນື່ອງໃນໂອກາດນີ້, ຄະນະຊາວໜຸ່ມແຂວງອານຢາງ ໄດ້ມອບໃບຍ້ອງຍໍໃຫ້ນັກສຶກສາຊາວເຜົ່າຂະແມ 21 ຄົນ ທີ່ພວມຮ່ຳຮຽນຢູ່ມະຫາວິທະຍາໄລອານຢາງ ທີ່ມີຜົນງານດີເດັ່ນໃນສົກຮຽນ 2024-2025; ມອບຂອງຂວັນໃຫ້ແກ່ນັກສຶກສາກຳປູເຈຍ ແລະ ລາວ ຈຳນວນ 21 ຄົນທີ່ພວມຮໍ່າຮຽນຢູ່ແຂວງ ແລະພະນັກງານຄະນະຊາວໜຸ່ມ, ສະມາຄົມເປັນຊາວເຜົ່າຂະແມ 26 ຄົນ.
 | 3 ໜ້າທີ່ຈຸດສຸມຂອງສະມາຄົມມິດຕະພາບ ຫວຽດນາມ - ລາວ ໃນຂົງເຂດຕຳຫຼວດປະຊາຊົນອາຍຸການ 2025 - 2030 ຍສໝ - ໃນວັນທີ 20 ມີນາ, ຢູ່ຮ່າໂນ້ຍ, ໄດ້ດຳເນີນກອງປະຊຸມໃຫຍ່ຂອງສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ (ສະມາຄົມ) ຄັ້ງທຳອິດ, ອາຍຸການ 2025 - 2030. ທ່ານ ພົນເອກ ເລືອງຕາມກກວາງ, ກຳມະການກົມການເມືອງ, ເລຂາທິການຄະນະພັກຕຳຫຼວດສູນກາງ, ລັດຖະມົນຕີກະຊວງຕຳຫຼວດ ເຂົ້າຮ່ວມ ແລະ ກ່າວຄຳປາໄສຊີ້ນຳທີ່ກອງປະຊຸມໃຫຍ່. |
 | ສະມາຄົມມິດຕະພາບຫວຽດນາມ - ລາວ ໃນຂົງເຂດຕຳຫຼວດປະຊາຊົນ, ແມ່ນຂົວຕໍ່ສຳຄັນໃຫ້ນ້ຳໃຈມິດຕະພາບ ຍສໝ - ໂດຍສົມທົບກັບສູນກາງສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ລາວ ໃນຂົງເຂດຕຳຫຼວດປະຊາຊົນ ໄດ້ມີຫຼາຍການປະກອບສວນຢ່າງແທດຈິງ ແລະ ມີຄວາມໝາຍ, ປະກອບເພີ່ມພຸນຄຸນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ. |
ບູນມີ
